Zephania 1 - Bibilia Tapu

PENE I - 1

Ta te Atua tutaki anga atu ia Iuda i tana ra au ara.

¹ TE tuatua a Iehova i tae mai kia Zephania te tamaiti a Kusi, te tamaiti a Gedalia, te tamaiti a Amaria, te tamaiti a Hezekia, i te au rā o Iosia te tamaiti a Amona, ariki no Iuda.

² E rave ke takiri ravaia e au te au mea katoa i runga i te enua nei, te tuatua mairā Iehova.

³ E rave keia e au te tangata e te puaka; e rave keia e au te au manu o te reva, e te au ika o te tai; e te au turori anga ma te aronga kino katoa ra; e e tipu keia e au te tangata i runga i te enua nei, te tuatua mairā Iehova.

⁴ E e akatika au i taku rima ki runga ia Iuda, e ki runga katoa i to Ierusalema ravarai; e tipu ke atu oki au i teianei ngai i te toenga o Baala, i te ingoa o te kau taunga idolo, ma te kau taunga ke katoa ra;

⁵ E te aronga i akamori i te nuku o te rangi ki rungao i te au are ra; e te aronga i akamori e i taputou ia Iehova, e tei taputou ia Moloka katoa ra;

⁶ E te aronga i iki i te tua kia Iehova, e kare i kimi ia Iehova, kare oki i ui iaia.

⁷ Kia muteki ua ki mua i te Atu ra ia Iehova, kua vaitata oki te rā o Iehova; kua akonokono oki a Iehova i tetai atinga, kua akataka aia i te aronga i karangaia e ia ra.

⁸ E i taua rā atinga na Iehova ra, e akautunga atu ei au i te ui ariki e te au tamariki a te au ui ariki, e te aronga katoa e kakau i te kakau no tai enua ke.

⁹ I taua rā rai e akautunga atu ei au i te aronga ravarai e rere na runga i te turuki ra, ko tei akaki i te are o to ratou pu ki te rave aroa kore e te pikikaa.

¹⁰ E tupu oki i taua rā ra, te tuatua mairā Iehova, te reo aue no ko mai i te ngutupa ika ra, e te eva kaku no ko mai i te pae rua o te oire ra, e te ngaangaa maata no ko mai i te au tuaivi ra.

¹¹ Ka aue, e tei noo i Maketesa, kua ope oki te au tangata oko i te mate; te aronga katoa i teiaa i te moni, kua tipu keia ïa.

¹² E i taua tuatau ra ka kimi matatio ei au ia Ierusalema ma te rama, e e akautunga atu au i te au tangata noo ua ki runga i ta ratou ota; tei karanga i to ratou ngakau e, Kare a Iehova e rave i te meitaki, kare rai oki aia e rave i te kino.

¹³ E e riro ta ratou au apinga i te āru, e e akataneaia to ratou au are; e patu oki ratou i te au are, kare ra e noo ki roto, e ka tanu ratou i te kainga vine, kare ra e inu i te wina o te reira.

¹⁴ Kua vaitata te rā maata o Iehova, kua vaitata, e te rapurapu roa maira; te aruru o taua rā o Iehova ra; ei reira e kakaoa rava aturaʼi te tangata ririnui.

¹⁵ E rā riri otooto taua rā ra, e rā manamanata e te kino, e rā akatanea e te pou, e rā poiri e te po āve, e rā tumurangi e te poiri tangotango;

¹⁶ E rā akatangi pu e te aoatamaki, i te au oire akaketaketaia ra, e te au punanga teitei.

¹⁷ E e akamanamanata au i te au tangata nei, e mei to te matapo ra to ratou aere: no te mea kua ara ratou ia Iehova, e riringi ravaia to ratou toto mei te one-pueu ra, e to ratou kiko, mei te teita ra.

¹⁸ Kare e tika i to ratou ario e to ratou auro i te akaora ia ratou i te rā o to Iehova riri otooto ra; e pou roa ra te enua katoa i te ai ra o tona vareae: e rave akaope rava oki aia i te aronga ravarai e noo i te enua nei, kare e roaia.