Esetera 10 - Bibilia TapuPENE X - 10. Te mana o Ahasueru, e te ngateitei o Moredekai. 1 KUA tuku iora te ariki ra ko Ahasueru i te taūnga ki runga i te enua ra, e i te pa enua o te moana. 2 E te au angaanga katoa a tona ra mana, e tona ririnui, e te akakite anga i te maata o Moredekai, ka akateiteiiaʼi aia e te ariki ra, kare ainei kua tataia ïa i roto i te buka, te tuatua no te au rā te au ariki no Madai e no Peresia? 3 I raro iti ake ra ko Moredekai ngati Iuda i te ariki ra ia Ahasueru, e te maata ra oki aia i o te ngati Iuda, e te kitea maira aia e te rai katoa o tona ra ai taeake, i te kimi anga i te meitaki no tona iti-tangata, e te tuatua anga i te tuatua au ki tona katoa ra uanga. |
The Holy Bible in Cook Islands Maori, Reprinted from the edition of 1888 © United Bible Societies, 1972.
Bible Society of the South Pacific