MATHI 1 - SAOPOBÜ LAI (BSI)

Jisu Khrista Buklabü shanga Dobü Ngühli

¹ Ho Abraham shou, Dawid shou, Jisu Khrista thensilen ngühli ki.

² Abraham kho Isakeibü bou, Isk kho Jakobeibü bou, Jakob kho Jihuda hoba haoeibü jaisinasi shuongeibü bou,

³ hoba Jihuda kho Tamar kabü Periz si Zeraeibü bou, Perez kho Hezroneibü bou, Hezron kho Rameibü bou,

⁴ Ram kho Aminadabeibü bou, Animadab kho Nashumeibü bou, Nashum kho Salmoneibü bou,

⁵ Salmon kho Rahab kabü Boazeibü bou, Boaz kho Rut kabü Obedeibü bou, Obed kho Seedeibü bou,

⁶ hoba Jesse kho Dawid Chobaeibü bou kikei. Dawid kho Uria yak kabü Solomoneibü bou,

⁷ Solomon kho Rehoboameibü bou, Rehoboam kho Abijaeibü bou, Abija kho Asaeibü bou,

⁸ Asa kho Jehosha- fateibü bou, Jehoshafat kho Jorameibü bou, Joram kho Uziaeibü bou,

⁹ Uzia kho Jothameibü bou, Jotham kho Ahazeibü bou, Ahaz kho Hezekiaeibü bou,

¹⁰ Hezekia kho Manasseeibü bou, Manasse kho Amoneibü bou, Amon kho Josiaeibü bou,

¹¹ hoba Babilon to langsenbü jihsiphaia Josia kho Jekhonia hoba haoeibü jaisinasi shuongeibü bou kikei.

¹² Babilon to langsenbü phaia Jekhonia kho Shealtieleibü bou, Sheltiel kho Zerubabeleibü bou,

¹³ Zerubabel kho Abiudeibü bou, Abiud kho Eliakimeibü bou, Eliakim kho Azoreibü bou,

¹⁴ Azor kho Zadokeibü bou, Zadok kho Akhimeibü bou, Akhim kho Eliudeibü bou,

¹⁵ Eliud kho Elea- zareibü bou, Eleazar kho Mathaneibü bou, Mathan kho Jakobeibü bou,

¹⁶ Jakob kho Marieibü lao Josefeibü bou, hoba Mari kho Messia dogo nyenbou Bunyuboueibü nyu kikei.

¹⁷ Hibü pendou khünei Abraham ka Dawid sühko meten anthüklei, Dawid ka Babilon to langsenbü sühko meten anthüklei hoba Babilon to langsenbü ka Messia asühshongko meten anthüklei kiteikei.

Jisu Khrista Bukbü

¹⁸ Khrista Jisu bukbü kho hai kikei. Ladang haonyu Mari Jose- fei kanan kikei, haosi ayoshaijinei thama sao kho Soushou Saopobü danko mang akongko hapbei.

¹⁹ Hao lao Josef ngühmaang lanbü müt yingbü ka, hoba tang khittimang asühbü danko haoei sao kho huphangshoua sattimang sühkei.

²⁰ Haoeibü maangphanga kho kiteikei, lausikei mangha hao jungto Bunyubou hangangbü louan laukei, “Dawid shou Josef, kayak Mari leiyetla tejemten, aieilausi laobou saoei künan ki kho Soushou Saopobü danko ki.

²¹ Saoei bousushou buklabü, hoba nyi hao la Jisu nyenkulabü, aieilausi haoei hao mütli shabü ka khümenlabü.

²² Khübü pendou kho thuseibü danko hai lenan phokubü ho loushedkei:

²³ ‘Saosüngbü medei che mang akongko yeilabü hoba bousushou che buklabü, hoba haoenei hao la Imanuel nyenkulabü.’ laobou tetlabü ‘Mühghaü sen yoa ki.’ ”

²⁴ Ladang Josef yepbü ka pienkei, haoei Bunyubou hangangbüei hao la lenbü tegü kümbei, hoba sao kho chem to yakla leiyetkei,

²⁵ lausikei saoei shou abuk shongko haoei sao to ajam; hoba haoei hao la Jisu nyenkukei.