Salmos 1 - Kaxinawá Bíblia (BR)

Benima kayabirã, pepabuna bestikiaki, na nawati hãtxarã

¹ Huni pepa benimai shinã txãkainã, tsuabũra hamapai txakabuwakĩ hatu yusĩ txakaibu hatũ yusiã danaĩ inũ, habũ bai txakabu tanama inũ, habũ Deus itxai haki kashemisbuwẽ taea habube mapuisbumaki.

² Ha huni pepabũ Senhor Deusũ yusiã betxipaikĩ tapĩhairakĩ, hakiri shinãkubaĩmisbuki, bariri inũ meshu meranã.

³ Ha yuraburã, hene kesha hi banabu pe ewatã hanu bimiaitiã hawẽ bimi pe hushĩmis keskabuki. Ha inũ, hawẽ pei shanama keskai, habũ Deusũ hãtxa betxipaimisburã, dasibi haska amis pepahaira ikubaĩmisbuki.

⁴ Hakia tsuabũra Deus danãkĩ nĩkaisbumarã, hawa pepa hayabumaki. Haskawẽ taea mai kuru niwẽ sa akĩ hatu yamawabaĩmis keskabuki.

⁵ Hakia Deusũ yura dasibibu hanu hatu unãti waitiã habu Deusunabu pepabu hikiaibu anu haburi hikimama habũ txakabuwamiswẽ taeshũ hawa manakuti pepa hatu inãma Deusũ hatu kupi bestishanikiki.

⁶ Hakia hawara Deusũ betxipaiai yurabu pepakĩ txibãmisbu Senhor Deusũ hatu mekekubainaya habũ Deus txibaĩsbuma hani pashati hayama benuhairashãkanikiki.