OBADIA 1 - BIBLU WIWE LỌ 1923

¹ NUMIMỌ Obadia tọn. Le wẹ OKLUNỌ JIWHEYẸWHE dọ gbọn Edọmi tọn dali Mìwlẹ ko sè linlin sọn OKLUNỌ de, podọ yè do mẹdagun de hlan akọta lẹ ṣẹnṣẹn, dọmọ, Mì tite, bo sọ gbọ mí ni fọ́n tite do ewọ ji to awhànfun mẹ.

² Dayi e go, yẹn ko hẹn we zùn pẹvi to akọta lẹ ṣẹnṣẹn: hiẹ sọ yín mẹvivlẹ dahodaho.

³ Osakla ayiha towe tọn ko klọ we, hiẹ he nọnọ̀ zizẹ̀ osé tọn lẹ mẹ È, fininọ̀ mẹhetọn tin yìji; he to didọ to ayiha etọn mẹ dọ, Mẹnu wẹ na hẹn mi jẹte wá jẹ aigba?

⁴ Yín hiẹ tlẹ hẹ́ aga ji di akùn, podọ yín adọ́ towe tlẹ yín zizé do sunwhlẹnvu lẹ ṣẹnṣẹn, yẹn na hẹn we jẹte sọn finẹ, wẹ OKLUNỌ dọ.

⁵ Eyín nufìntọ lẹ wá jẹ de we, eyín ajotọ lẹ to ozánmẹ, (nawẹ yè sán hiẹ sẹ̀ do!) bé yé ma na fìnnú kaka yé dò tindo pékọ? eyín vẹnsinsẹ́nṣinyantọ lẹ wá jẹ de we, bé yé ma na jó vẹ̃nsinsẹ́n owelu vude dai?

⁶ Nawẹ yè din omẹ Esau tọn lẹ mọ do nawẹ adọkunnu etọn lẹ yín dindinyì do.

⁷ Omẹ alènùnù towe tọn lẹpo ko yàn we jẹgbonu, yèdọ jẹ agbó lọ ji: omẹ he tin to jijọho hẹ we lẹ ko klọ we, bo sọ glonú to oji we; akla towe yé hẹn zùn alán to oglọ towe; wuntùntùn de ma tin to e mẹ gba.

⁸ Bé yẹn to azán nẹ gbè ma na hù omẹ nuyọnẹntọ lẹ sọn Edọmi mẹ, podọ wuntùntùn sọn osó Esau tọn mẹ? wẹ OKLUNỌ dọ.

⁹ Pòdọ hiẹ Temani, omẹ hlọnhlọnnọ towe lẹ, na yín avosatọ jẹ opòdo na omẹ dopodopo nido yín sinsán sẹ̀ sọn osó Esau tọn mẹ gbọn mẹjivivà dali.

¹⁰ Na huhlọnnú wiwà hlan Jakob nọ visunnu towe winyan na ṣinyọn we, hiẹ ná sọ yín sinsán sẹ̀ kakadoi.

¹¹ To azán lọ gbè he hiẹ ṣite to olá, to azán lọ gbè he ojonọ lẹ bẹ́ awhàngbẹ́ etọn lẹ yì, bọ akọdẽvo lẹ biọ họngbo etọn lẹ mẹ, bo só dèvo do Jelusalẹm ji, yèdọ hiẹ tin di dopo to yé mẹ.

¹² Ṣigba hiẹ pọ́n azán nọvisunnu towe tọn blo to azán he gbè yè hẹn ewọ yín ojonọ de, a sọ jaya to ovi Juda tọn lẹ ji to azán vivà yetọn tọn mẹ blo; mọ a sọ yí osakla do dọhó to azán nukunbia tọn mẹ blo.

¹³ A biọ họngbo omẹ ṣie lẹ tọn mẹ to azán oya yetọn tọn mẹ blo; mọwẹ, a sọ pọ́n awusinyẹnmẹ yetọn to azán oya yetọn tọn mẹ blo, mọ mì sọ zé alọ lẹ da agbàn yetọn ji to azán oya yetọn tọn mẹ blo.

¹⁴ Podọ hiẹ sọ ṣite to alihoklan lọ mẹ blo, nado sán enẹlẹ he họ̀ngan sọn etọn mẹ sẹ̀; bo sọ jó enẹle he pò sọn etọn mẹ do to azán nukunbia tọn mẹ blo.

¹⁵ Na azán OKLUNỌ tọn tin sẹpọ́ to akọta lẹpo ji: dile hiẹ ko wà do, wẹ é na yín wiwà hlan we do; ale towe na lẹ́gọ̀ do ota towe titi jì.

¹⁶ Na le mìwlẹ ko nù to osé wiwe ṣie ji, mọwẹ akọta lẹpo na nù whepoponu do, mọwẹ, yé na nù, bo sọ nọ dọhó fúsa, bo na sọ tin di yín yé ma tlẹ ko tin.

¹⁷ Ṣigba ye he họ̀ngán nẹlẹ na tin to osó Ziọni mẹ finẹ, é bo na sọ yín wiwe; podọ owhé Jakob tọn na sọ yi nutindo yetọn lẹ.

¹⁸ Podọ owhé Jakob tọn na yín miyọn de, podọ owhé Josẹfu tọn ozòlọ de, podọ owhé Esau tọn na Ogbésánpò, yé bo na to jiji to yé ṣẹnṣẹn, bo sọ và yé súdo: podọ depope ma na yín pipòdai hlan owhé Esau tọn gba; na OKLUNỌ ko dọ ẹ.

¹⁹ Podọ yé huwaji tọn lẹ na yí osó Esau tọn na nutindo; podọ yé dòdòklidomẹ tọn lẹ Filistini lẹ: podọ yé na sọ yí ogle Eflaimi tọn na nutindo, po ogle Samalia tọn po podọ Bẹnjamini na yí Gileadi na nutindo.

²⁰ Podọ mẹmẹglọ awhànpa ovi Islaeli tọn lẹ tọn he, he tin to Kananu lẹ ṣẹnṣẹn, na yí na nutindo yèdọ jẹ Zalẹfati; podọ mẹmẹglọ Jelusalẹm tọn, he tin to Sefaladi mẹ, na yí tòdaho huwaji tọn lẹ na nutindo.

²¹ Podọ whlengantọ lẹ na hẹji wá osó Ziọni ji nado dawhẹ̀na osó Esau tọn lọ: ahọludu lọ bo na sọ yín OKLUNỌ tọn.