MASMUR 1 - Pustaka Si Badia

KITAP SI PEMENA MASMUR 1–41 Kemalemen ate si tuhu-tuhu

¹ Malem me ate kalak si la megiken pedah kalak jahat, si la ngusih perbahanen kalak perdosa si la erteman ras kalak megombang man Dibata.

² Tapi keriahenna e me matuhi Undang-undang TUHAN dingen ngukurisa suari ras berngi.

³ Ia seri ras batang kayu si turah i tepi lau anak erbuah i bas paksana, dingen bulungna pe la melus. Sangap ia i bas kerina pendahinna.

⁴ Tapi kalak jahat la bage; ia bali ras segal iembus angin.

⁵ Kerina kalak perdosa iukum Dibata, dingen isirangken i bas bangsa Dibata nari.

⁶ Kalak benar itegu-tegu dingen ikawali TUHAN, tapi si jahat lit i bas dalan ku kebenen.