Lɛlɛ 1 - Bwok-basa Dagwi wuna-na-sira roso tanga pas

Bak wo mɛsɛng ( Lɛlɛ 1—41 ) Gwông wɛng

¹ Vê wɛng a vemo de be kyɛ́ ɛn sɛ̂y badu bemat beves, de pyɛ mɛn cak ya sé na bemât banɛn wɛt, be wuna bato mɛn na bemât ha ves e ra Dagwi arɔng wɛt.

² Ko yɛn a vɔk cwey badu Dagwi Darwey, be tɔrɔng ɛ kayɛ jeng.

³ Ba sé tyɛng na cɔ́gɔt de ba tus e hagât rɔt: yé mara nèy e jeng yɛ, ko berang yɛ be ye nɔɔshɔsh wɛt. Ey, yɛn e di wɛng e kayɛ pyɛ de yɛn e ra.

⁴ Ko bemât beves ba sé ano wɛt. Ba sé sede byɛmɛ de ye raa gul zɔng.

⁵ Yɛn ê hywit ɛn e shɔt Dagwi kɛ bê sɛ̀ kwɔn e ji tulâ bemât Dagwi wɛt.

⁶ Dagwi Darwey e gyeng vemo de be raa hɛ, ko bemat beves ba sé e ra gwông wey.