Matthew 2 - Ŏkhsʼ i tsĭn ik sĭn Ni Matthew otsĭn ai pi 1890

CHAPTER II.

¹ JESUS otaiʼpokai i si Bethlehem, auŏs ĭnʼĭm Judæa, an nistsʼĭsk ksĭs tsi kuʼĭstsk, Herod otsĭts ĭnaiipi, Sat sik, mo kŏkʼie tap pix u mutʼautstsi pi ap i nŏkʼkuyi itsi pukʼsi pu iau Jerusalem,

² Anʼiau, ŭnanʼŏk manipokʼau ŏk Jews otsĭnʼaimo ai au aie? tŭkkă, an nimʼ api nŏkʼku yi staiʼtap pi osi nitsĭnoʼŭn an okŏk a tosim, ki nimutʼo to pĭnan nŏkʼitau a tsĭm mĭm mŏs ĭnan.

³ Herod omŭxʼina otokhʼtsĭs aie, otapʼi tsitan aie, ki Jerusalem ĭstokŏn aiʼtap pix ikŏn o-ook apʼai tsi tam iu ax.

⁴ Ikŏn au moiʼpi ŭsax omŭkʼa toiapie kuax ki aiʼsĭn akix, sŭp po ŏt tsesattsiu ax Christ mŏkʼitsi pok aii piai e.

⁵ Ki anʼĭs tsi au aie, Bethlehem, Judæa ĭst auos ĭnʼim, ŭnʼnim aie; ŭnʼan ĭs tap pi prophet osĭnʼak sĭn;

⁶ Ki ksĕs toʼa Bethlehem, Judæa ĭst au ŏs ĭnʼim, ki matsʼi nŭks tsi pu au a, Judah ĭsts ĭnʼax; Ninʼau ŏk, kses toʼa akʼitsĭstau asiu ki ostoʼi aiʼak aukŏk itsĭmau nitsi tappimʼĭx Israel.

⁷ Herod, sĭm iʼnikŏtŭssax mokŏkʼi etap pix, so kapʼsŭp po ŏtse sat tsiu ax otsokapʼ ĭnŏk u yisaie kŏkatosi.

⁸ Ki itŭp ŭtʼo kŏt tsiu ax Bethlehem; ki anʼiu, kŭkkoʼ so kapʼap sŭm mok pok anʼŏk; ki ikon oaino e niki, itŭmʼŭtskĭtsĭn iko kĭk nokʼit si to tosi nŏkʼitatsĭm mĭm mosi.

⁹ Otokhʼtsĭsau omŭxina otanʼii piaie, its ĭsʼta pu iau; ki satsĭk, an niʼisk kŏkʼa tosi ĭsk ot sitsin oau ai ĭsk u mutʼauts tsi pi api nŏkʼuyi otsi tomʼak o aiau ai e, ki otaiʼto to si inŭkʼsi pokai otʼsitau pi piaie i totsʼi ketsipu yiu aie.

¹⁰ Otsĭn noʼŏs sau aie kŏkʼa tosi, eksʼka mŭk otseʼtam e tŭk su aii.

¹¹ Ki otai tsi pĭsʼsau napʼioyĭs, Mary oksisʼtsi i pĭn nuʼyi au aie pok aiʼĭsk, ki ĭn nĭssiʼiau, ki ita tsĭmʼmĭm miau: ki otai pa sukʼĭn ĭssauĕsts otako mŭts ko tŭk su au ests, ĭs sakʼo ko tsiau aie gold ki frankincense ki myrrh.

¹² Apʼĭs to tok iuă pa pau kŏk i an ĭs tŭs ax mŏkstai skĭtoʼtosau, no keʼtsi mok so kui itŭpʼa kaiiau.

¹³ Ki otauʼmat tosau, sat sĭk, Apʼĭs to tok iu ă stoʼto ka ta tsĭs pa pau taʼa tsiuaie Joseph, anʼĭsitouaie, Nipuatʼ, ki mattosʼau pokauʼ ki o-ksĭsʼtsi ki ikŭmʼi tup poat Egypt, ki stauʼpit ki kĭtakʼo tŭmanĭs to; tŭkʼkă, Herod aiʼakap sŭm miu aie inŭkʼsi pok au mŏksʼen i tŏsaie.

¹⁴ Otaiʼpu awksi, se pi aiʼako tu yiu ax inŭkʼsi pokau ki o ksĭsʼtsi ki Egypt i tŭpʼitap poiau:

¹⁵ Ki itauʼpiu aie ot aiʼĭn sai e Herod, mŏks enŭpʼan ĭs tosi Apʼĭstotokiuă otseʼpo awsĭn, otsi propheti totsiʼuaie, Egypt, ŭnʼnimaie nitsĭtʼ ŭt ŭm mau no koʼa.

¹⁶ Herod, otaiʼnoŏsax mokŏkʼi e tap pix otapʼap ĭs to to yĭsax, eksʼkai ĭstse tŭk kiu, ki itŭpʼoto kŏt tsiu ax (ots enʼna kem ix) Bethlehem ki saʼaka potsim, aiʼstok i stu yim ix sŏkʼu mappix ikŏnʼai nĭt tsi au ax; kŭt tai stok iʼstu yim ix sŏkʼu mappix matʼo kŏn ai nit tsi au ax, u mutʼots ksĭnip pi otso kapʼsŭp po ŏtse sat tŭs ax mo kŏkʼie tap pix.

¹⁷ I tŭmʼe nŭpan ĭstom aie Jeremy prophet otseʼpo aw sĭn otanʼi pi,

¹⁸ E poʼaw sĭn ni it sĭkʼki tokh tsip Rama, asainʼsĭn ni ki ai ĭmʼmo tse i sĭn ni ki omŭko yesĭn ni, Rachel oʼkosix itauʼa sŭn i u ki matokui ki aw pĭk etŭk kiuʼats, tŭk kă, itsenʼiau.

¹⁹ Herod otseʼĭn si, satʼsĭk, Apʼĭs to tok iu ă otoʼtoka ta tsĭs Joseph otsipa pauʼtak aie, Egypt ot si taiʼ tap pi i saie.

²⁰ Anʼĭs tsiu aie, Ni puatʼ ki mat tosʼau inŭkʼsi pokau ki o ksĭsʼtsi, ki itŭpʼi tap poat Israel ist auʼŏs ĭn ĭm; tŭkʼkă i niʼau an niksʼisk apʼ-ŭs sum mi isk aie ot si paiʼ tap pi i sĭn ni.

²¹ Ki it si pu au ki ai ak oʼtu yiu ax pok auʼa ki oksĭsʼtsi, ki Israel ĭst au ŏs ĭnʼim i toʼto.

²² Ki otokhʼtsĭssi Archelaus otauʼatsuai itsi tap aiʼnai i si unʼni ots ĭnʼnai i sĭn ni, ĭs stŭnʼĭm-aie mŏkʼĭt tap pos aie; ki Apʼĭs to tok iuă ot sipa pau an ĭs tos aie, Galilee itan ĭsʼtŭp i tap po:

²³ Ki akapioyis, Nazareth an ĭs tau, itoʼto ki ito koʼyiu; mŏk e nŭp an ĭs tos aie prophetix otanʼi i pi ax, ak an ĭs taiʼni kŏt tau Nazarenʼni ku ŭn.