Matthew 13 - Ŏkhsʼ i tsĭn ik sĭn Ni Matthew otsĭn ai pi 1890

CHAPTER XIII.

¹ NE TOʼIK ksĭs tsi kuʼik Jesus it sŭksʼki tsĭm napʼi o yĭs, ki o mŭkʼsi kĭmi ĭs so otsʼi it akauʼpiu.

² Is toʼtui tap pi ix o toʼ ta ak ax, ki akhʼi o sat-sĭs it sĭt sŭp poʼpiu, ki it a kauʼpiu; ki ĭs toʼtui-tap-pi ix i kŏnʼi tŭs sui pu yi au ĭs so otsʼi.

³ Ki anʼĭs tsiu ax a kau oʼiau parables ki anʼiu. Satʼsit, ai sŭp pi pumʼau ă i tuiʼsŭp pi pum mau:

⁴ Ki ot aiʼsŭp pi pum mŏs si, mok so kuʼyi stsĭkʼ-ĭsts its ĭnʼnĭs si ĕsts, ki pai uʼtax i to to i axʼĕsts ki it auʼ at tom iax ĕsts.

⁵ Stsĭkʼists ok o toks skui its ĭnʼnĭs si ĕsts ot-sĭtsʼi nŭx ksŏk ku as pi; ki ot saiʼspix ksŏk ku as pi its ĭkʼkŭm sŭs ki iau:

⁶ Ot oʼtŭm ĭskŏp si na tosʼi, its eʼtsĭn it si au; ki ot sauʼ o kŏt sek sau it o poʼ kŏt tsi au.

⁷ Stsikʼ ists its ĭnʼ nĭs si i au ksĭs siʼix: ki ksĭs-siʼix it sŭs ki iau ki i toʼsat si i au ax:

⁸ Stsĭkʼĭsts ŏkhsʼksŏk kui itsĭnʼ nĭs si au, ki its-ĭnʼas iau, stsĭkʼists ke pĭpʼpui, stsĭkʼists naiʼĭp-pui stsĭkʼists ui ĭpʼpui.

⁹ An nŏkʼ i toʼkiu ŏk, ŭn an ĭst okhʼtsĭms.

¹⁰ Ki ŭs ksĭn ĭm atsʼ ax i toʼto yi au aie, ki anʼĭs tsi au aie, Ku maukʼsĭt sĭp sat tai ĭsks ix au parables?

¹¹ Nok ŭtʼan ĭs tsiu ax, kit o kok o au kŏkʼits-ksĭni i su ai spotsʼim ĭsts ĭnʼnai i sĭn ni it seʼkip i, ki os toʼau ai mat o kot auʼax au.

¹² An nŏkʼ nanʼn an iu ŏk, akʼo ko tau aie, ki ak a kaiʼnan iu: an nŏk kŭt tai nanʼi iu ŏk, ot si nanat to pi akʼo tsip aie.

¹³ Ŭnʼnik aie nu mutʼŭn ĭst sĭt sĭp sat tai au parables, ĭs sŭp pĭsʼau mŏk staʼapsau; okhʼtsĭm-sau mŏk stauʼ okh tsĭm sau, mŏk staiʼ ĭs ksĭn ni sau.

¹⁴ A i enʼŭp an ĭs tomʼĕsts Esaias, ot anʼi pi, okhʼtsim e ni ki kit akʼokh tsim, ki ki matʼak oksĭn ip a: ki sŭp piʼ ni ki kit ak ŭtsʼ ap i, ki kimatʼaks ĭn ip a:

¹⁵ Amʼo oʼtap pi i sĭn na uʼskĕt tsi pŏp pĭsts miʼĕsts, ki okh tokʼo au ĕsts mat om ai pum okh-tsĭm i uʼax au, ki o ŏpsʼpu au ax napsʼtsi iax; mŏk staʼ ap sax mo ŏpsʼ pix, mŏk staʼ okh tsĭm sĕsts mokh tokʼĭsts, mŏk stauʼ okh tsĭm sĕsts muʼsket-tsi pŏp pists, mŏk sta i sau aiʼ tsi tas au, nokʼstaukut tu tu aw sau.

¹⁶ A tsĭmʼsi au ko ŏpsʼpu au ax, ai ap i au; ki kokh tokʼ ĭsts, aiʼ okh tsĭm iau.

¹⁷ Kit auʼmŭn ĭs to pu au, a kai ĕmʼix prophetix ki mo kŏmʼots i tap pix aiʼ pu ĭn ŭm iau mŏkʼsat sĭs au ĕsts an nistsʼisk kit aiʼnip u au ĭstsk ki mats ĭn ĭmʼax au ĕsts; ki mŏkʼokh tsĭs au ĕsts an-nistsʼisk kit aiʼokh tsip u au ĭstsk, ki mat okh tsĭmʼ-ax an ĕsts.

¹⁸ Okh tok aiʼ sŭp i pum mau ă parable.

¹⁹ Ma tapʼ pi okh tsĭsʼ si nĭnʼnai i sĭn ni ists eʼpo aw sĭn, ki sau oʼkŏm ot okh tsĭs si, i tŭmʼi puk sipu Sau umʼit si tap piu ă ki i toʼka sat tom aie an-nikʼ it sŭpʼi pum at top ik uʼskĕt tsi pŏp pi. An-nokʼauk matʼsĭm aie ĭst sŭp i pumʼani mok sokuʼi.

²⁰ An nŏkʼ matʼsĭm ŏk ĭst sŭp i pumʼan i okʼo tok skui, aiʼokh tsĭm iu e poʼ aw sĭn, ki ots eʼtame tŭk sĭn ni matʼsĭm aie;

²¹ Matʼau ŭts its tsip a kŏkʼse ksi, ki mat aks-isŭm suʼats; ik i kĭnʼe tŭk sĭn ni ki ŭk ksĭs tu tŭksĭn ni o tosʼau, a tsimʼe po aw sĭn ni ŭnʼnik aie itoʼ to iau, ĭstsʼ kĭm skŭk iu.

²² An nŏkʼ matʼsĭm ŏk ĭst sŭp i pumʼan i ksĭs-siʼ ix, aiʼ okh tsim iu u tsĭmʼ e po aw sin; ki an nokʼ paiʼtap pi i sĭn ni ist apʼai tsi tan i, ki spŭk ĭsʼsists i toʼ sats to mi au aie a tsĭmʼe po aw siu ni, ki matsin as iuʼats.

²³ An nŏkʼ matʼsĭm ŏk ĭst sŭp i pumʼan i okhsʼksŏk kui, aiʼokh tsĭm iu A tsĭmʼe po aw sin ni, ki mo kŏmʼot okh tsĭm aie; ki its inʼas iu, stsikix, ke pĭpʼ pu yi, stsikʼ ix naiʼ ĭp pu yi, stsĭkʼ ix ni ipʼpu yi.

²⁴ Stsikʼi parable anʼĭs tsiu ax, ki anʼiu, Spotsʼimʼĭsts in nai i sĭn ni ne tumʼan ĭs tsiu Nĭnʼ-au, an nŏkʼ aiʼsŭp i pum au ŏk ŏkhʼsi sŭp pipumʼan i ots ĭnʼsĭm man;

²⁵ ot aiʼok a sax ot apʼau to mok ix, o ka tumʼi i toʼto yiu aie, ki ŏkhʼsi sŭp i pum ani i paʼsok sŭpʼpi pum au ma kapʼsŭp i pum an i, ki its ĭsʼta pu.

²⁶ Ki otsŭsʼkĭs si mat tu yĭs, ki ots ĭnʼas si, i-tŭm ĭnʼa ku o ma kapʼsŭp i pum ani.

²⁷ Ki Ninʼau ot ap au to mok ix ot si toʼta ak-ax ki anʼĭs tsi au aie, Ninʼa, Ki kŭtʼtai ĭn sĭm-at topʼa ŏkh si sŭp i pum ani kĭts ĭn sĭm man? Tse-ma i toʼ to ma kapʼ sŭp i pum ani?

²⁸ Anʼis tsiu ax, Ka tumʼa ot apʼĭs tu tŭk sĭn-aie. Apʼau to mok ix ot anʼik ax ki kŭtʼŏkh-si tŭk ki pa nŏkʼ it to to sĭn au nŏkʼsau o tsĭs ĭn aniau?

²⁹ Ki anʼiu, Sa; sau auʼtsĭm ĭn o ai ni ki au, ma kapʼ sŭp i pum an i, kŏks ka kŭmʼ sau o tsip u ai i ŏkhʼsi sŭp i pum an i.

³⁰ Un ni an ĭstʼsŭs kĭs au mŏkʼit o to si po ki akʼ-sĭn ni: Ki po ki akʼsĭn ni o toʼsi, ni takʼo tŭm an is-tai au aiʼpok i ak ix, ma tomʼo moi po tok au makapʼsŭp i pum an i, ki ĭsʼksi pik au kŏkʼkĭtse tsĭns-ĭs su ai au; ki ĭs tŭpʼo moi po tok au napai ĕnʼin sĭm-man nitap ai ĕnʼi o koai.

³¹ Stsikʼi parable anʼĭs tsiu ax, ki anʼiu, Spotsʼim istsĭnʼnai i sĭn ni ne tŭmʼan ĭs tsiu mustard ĭsts ĭuʼsĭm man, an nikʼ matʼsĭm ŏk nĭn au, ki aiʼsŭp i pum au ots ĭnʼsĭm man;

³² Itsĭsʼ tŭps kai i nŭk o tsiu aie kŏn aiʼĭn sĭm-man ĭsts; ki sŭsʼki ĭssi, its ĭsʼtŭp o mŭk ku iau in-sĭmʼman ĭsts, ki its ĭsʼ tsĭsas iu, ki pai uʼtax i to to-iau ki it o koʼat tom iax ĭstoʼkŭn i ksĭsts.

³³ Stsikʼi parable anʼis tsiu ax; Spotsʼim ĭsts-ĭnʼ nai i sĭn ni ni tŭmʼ an ĭs tsiu i taiʼ ko pŭts tau pi, an nikʼ matʼsĭmŏk akeʼu, ki kai asʼat tom ni-oksʼkŭm i omŭkʼo kos ix, nap ai ĕn i tuiʼtsi au, ki i kŏn aiʼ ko pŭts to pi au.

³⁴ Amʼostsk Jesus i kŏn aiʼsĭt sĭp sat tsi u ăsts ma tapʼpix parables i taiʼsĭt sĭp sat tsiu; ki sau-om aiʼ sĭt sĭp sĭssi parable mat om ai sit sĭp sat siu-ats ax:

³⁵ Mŏks e nŭpʼan ĭs tos si Prophet ot an i pi, ki anʼiu, ni mut ak si paʼkui aki parables; nit aks-eʼ po at top iau an nistsʼisk kaiʼsat topʼistsk ksokʼ-kumă sau om apʼ ăs to to aw si.

³⁶ Ki Jesus ai ĭsʼtŭp sku yiu ax ma tapʼpix, ki it sitʼsi pim napʼio yis: ki ot ŭs ksĭn ĭm ats ax ot si-to taʼak ax, ki anʼiau noks ksĭn ĭmʼats ok ĭn an parable ma kapʼ i tai sŭp pi pum au pi ĭn sĭmʼ man.

³⁷ Nok ŭtʼan ĭs tsiu ax, An nŏkʼ i taiʼsŭp i pum-au ŏk okhʼsi ĭn sĭm man i Nĭnʼau ok kuʼyi amʼ-ĭn i;

³⁸ In sĭmʼman kon aiʼtap piu a; ŏkhʼsi ĭn sĭm-man i, nĭnʼnai i sĭn ni ĭstoʼkosʼix; ki ma kapʼi ĭn-sĭn i man i, Sau umʼit si tap piu ă oʼkos ix;

³⁹ Ka tumʼa an nŏkʼ aiʼsŭp pi pum at tom ĕsts, Sau umʼit si tap piu ă it am i u; po ki akʼsĭn ni ksŏk-kum ai ksiu oʼsi; ki ai poʼkiak ix, a tsĭmʼo to ka tatsĭs au,

⁴⁰ Man ĭstsʼau moi pi tŭk ki pi au makapʼĭn sĭm-man ĭsts ki man ĭsts eʼtsĭn ĭts pi au; akʼŭn ĭsts tsiu ai ksiu oʼsi an nomʼ ksŏkʼkum.

⁴¹ Nĭnʼau ok kuʼi aksʼĭs tŭp sku yiu ax ota-tsĭmʼo to ka ta tsix, ki akʼo moi po tsĭm iau ĕsts i-kŏn auʼkap i ĭsts ki an niksʼisk ma tapʼpixk, sau-umʼit si tap pi iau akʼo moi po to yiu ax;

⁴² Ki ak i tsĭpstʼa pi ksĭs tsi au ax omŭxʼtsi; an-nimʼ akʼits tsi au a sainʼsĭn ni, ki sa tseʼkĭn ani.

⁴³ Mo kŏmʼots i tap pix ak o tŭm ĭkʼkŭn as u ye i-au, man istsĭkʼkŭn a su vi pi na toʼsi, unʼoau ai ots ĭnʼnai i sĭn ni, ak otsĭkʼ kŭn a su yi au aie. An-nŏkʼ it okhʼiu ŏk ŭn an ist okhʼtsĭms.

⁴⁴ Stsĭki, Spotsʼim ists ĭnʼnai i sĭn ni ni tumʼ-an ĭs tsiu treasure kai asʼat tom aie insĭmʼman; konʼĭssi nĭnʼau, matʼai ksas at tom aie, kĭ ots e-tamʼe tŭk sĭn ni its ĭsʼta pu ki i pumʼat top i ĕsts ot o kŏn aiʼnan ĭsts, ki i pumʼat tom aie an nikʼ ĭn-sĭmʼ man ĭk.

⁴⁵ Stsikʼi, Spotsim ĭsts ĭnʼnai i sĭn ni ni tŭmʼ-an ĭs tsiu awkhʼpum api e ku ŭn ot apʼsŭm mŏs si ŏkhʼsix pearls:

⁴⁶ Konʼĭssi tuksʼkŭm i pearl akaiʼĭx kĭm as iu, its ĭsʼta pu, ki i pumʼat top i ĕsts ot o kŏn aiʼnan ĭsts ki i pumʼat tau.

⁴⁷ Stsĭkʼi, spotsʼim ĭsts ĭnʼnai i sin ni ni tŭmʼ-an ists tsiu it auʼmik au pi, an nŏk it sui aʼpĭx ĭm ŏk-aie omŭkʼsi kĭm i, ki ito mi anʼĭst o moi pi tŭk ki u:

⁴⁸ I tuiʼ tsĭs sai e, i to pĭtsʼ ŭs skŏp at tom iau aie ĭs so otsʼi, ki i toʼpi iau, ki ŏkhʼsix i tai sŭp pi tsiʼ-iau ĭskix; ki ma kapsʼix ists ĭsʼta pi ksĭs tsi iau.

⁴⁹ Akʼo tŭm an ĭs tsiu ai ksiu osʼi ksŏkʼkum: a-tsĭmʼo to ka ta tsix akʼsi puk sŭp sŭx iau, ki ak aiʼ-ak et ai pi ksĭs tsi iau Sau umʼit si tap pix ki mo-kŏmʼots i tap pix;

⁵⁰ Ki ak i tsipstʼa pi ksĭs tsi iau (sau umʼit si tap-pix) omŭxʼtsi i; an nimʼ akʼits tsi au a saĭnʼsĭn ni ki sa tseʼkĭn an i.

⁵¹ Jesus anʼĭs tsiu ax ki kaiʼokh tsĭm i pu au asts-au an nistsʼisk? Anʼĭs tsi au aie, A, nĭnʼan.

⁵² I tŭmʼan ĭs tsiu ax An nŏkʼ aiʼsĭn ak iu ŏk ŭs-ksĭn ĭm atsʼau spotsʼim ists ĭnʼnai i sĭn ni, ni tŭmʼ-an ists tsiu nĭnʼau, ikoʼyiu ŏk, sau au tsʼĭm ĕsts treasure man istsʼ ki ŭkʼai sĭsts.

⁵³ Ki i tŭn ĭstsʼtsiu, Jesus ot ai ksiuʼat tos ĕsts an nĭstsʼisk parables, its ĭs tŭpaʼa tom aie.

⁵⁴ Ki ot sit oʼto si ot auʼŭt au ŏs ĭni ot atʼoi ap i o-yim o ai i tsi pstʼŭs ksĭn ĭm ats iu ax, ki ekʼskai e-tŭkkiau, ki, anʼiau, Tseʼma i tots ĭmʼats ĕsta amʼ-ok mo kŏkʼsĭn ik, ki amʼostsk otʼo mŭk ap ĭs tu tŭk-sists?

⁵⁵ Kŭt tom aiʼsau am iuʼats aiʼsats ak iu ă ok kuʼ-i? Kŭt tom ai sau ai ni kŏt tsiuʼats O ksĭs tsi, Mary? ki o muʼ pap pi i pix kŭt tom ai sau ai ni kŏt tsiuʼ ats ax James, ki Joses, ki Simon, ki Judas?

⁵⁶ Ki otʼa kem ix o kŭt tŏm ai sau o kŏn o pok om-okʼats ax? Amʼo Nĭnʼau, Tseʼma i totsĭmʼats ĕsts an nistsʼĭsk?

⁵⁷ Ki itsʼʼts skĭm skŭk i ax os toʼi. Ki Jesus anʼĭs tsiu ax, prophet it ŭsʼtsa kŏt tau, sau omaiʼ-tap po si ĕsts ot auʼŏs ĭni ki ot au ŭtʼo ko ai.

⁵⁸ Ot sau o maiʼtŭk su ai ŭnʼnik aie it sau om ap-ĭs tu tŭk kiu an nimʼ a kau oʼyi ĕsts ŭk kŭkʼum ap o-tŭk sĭsts.