Mąątɛ̨nɛ̨ 4 - Yálá laawoo hɛɓɛ (dc)Yálá, kili ɲɔ̨nwɔ̨ɔ̨ mąą kwɛa mą́ą́ 1 Nwələ ɲɛ̨i tɔwɔmun, Davidə nwɔ wələ, ə doo a hvɛlikɛ hɛn ɲɛlimąą. Davidə nwɔ Yálá mąątɛ̨nɛ̨ wələ. 2 Ŋą́ ə́ təli, 'nwóó mu hon, yɛ́i a nwɔ tɛ̨ą ɓo Yálá, gɛ́ɛ́ mɔ̨nɔ̨ hu, ə́ gúlɔ ɉu, nɛ̨ɛ̨i yɛ́, 'ə́ wəli tɔɔ nwɔ́ hvɛli wooi ɓa. 3 Káái a nu-kanŋąą, ka kili ɲą kaa pai lɛɛi a bɛlɛɛ, káá mɛlɛtoo, ə lɛɛ ɉu, mįnɛ̨ lɔwai ə həli? Kaa kpɛli-kpɛli mɛ̨nįɠaa wɛlilakɛ lɔ, ka hvilɛnŋąą lɔ lɛɛ kɛɛ pulu! 4 Ka kili ə kɛ ɉu, káá, Yai-Laa aa bílɛ a nwɔ mɛ̨inɛ̨ɛ̨ níiɓamun mąą mɛ̨nį ɓa. Ŋą́ Yai-Laa təli, aa nwóó mu hon. 5 'Ka kpɛlin a ɲɔw, 'ka hvo kɛa nɛ̨ŋɛ̨n ɉəɠə, ka kɛ ka yəi gbin ɲą, 'ka ka kwəi kili hu kpɛ, 'ka ka mɛ̨i háá. 6 Ɉaláái dɔn ə ɉuhvɛli, 'ka gulɔ a tələnmolaa, ɛlɛɛ, 'ka ka kilitɔɔ Yai-Laa ɓa. 7 Nu tamąą da kɛ kɛi diɛ: «Gbɛɛ ɓə pai yɛnɛ̨ɛ̨ ɲąąnɛ̨ɛ̨ lɛi kuɔ?» Yai-Laa, 'Ə́ ɲɛ̨ilai kɛɛ pɔ̨nɔ̨ ɓɛla ku mɛ̨i! 8 Yá gwə́inɛ̨ɛ̨, a kwəinɛ̨ɛ̨ kɛnɛ̨, ə tɛɛ mɔ̨nun da lɔɔ di kɛnɛ̨ yələ nu yəi ɓa. 9 Yili ɓa, ŋą́ laa, a níí laa gwə́i, ŋą́ nɛ̨ɛ̨mą ŋą́ yíi, mąąhɔlɔɓo, Yai-Laa ə́ nwɔ huwalawala haalai ɓə nwə́li pulu laɠiɛi la. |