Lonon mo 7 - Yálá laawoo hɛɓɛ (dc)Ɉɛnŋąą di gɛ Yálá nwɔ pɛ́lɛ́i la hɛli mɛ̨nį hu 1 Ɲələi Moisə ə kpɛɛ la a bɛlɛ́ heɛ gee la, ə nwulɔ mąąhəɠɛɛ hiɛ mą, ə lúwɔ́ too mą, da ɉɛn bɛlɛɛ takpɛliɠaa kəlee, ə mą kɛ ɉaláá kulɔi da gwɛlɛ hɛn gəlee, ə wulɔ hiɛ diɛ, ə lúwɔ́ too diɛ. 2 Israɛlə kalanɉonŋąą diɛi kɛ ɉuwuɠaa nwun na di tɛi tɛi di pa a di wɔ mɛ̨inɛ̨ɛ̨ɠaa. Diɛi tii kɛ nuą lonon mɛ̨nį nwun na. 3 Di pa a di wɔ mɛ̨inɛ̨ɛ̨ɠaa Yai-Laa lííla; wotolo mɛ̨ida, mɛ̨i kpulɔɔ da nįŋɛ̨ pow kɔ́w hveelɛ. Wotolo tɔ̨nɔ̨ ə kɛ a ɲɛ̨itɔwɔ nuą hveelɛ di wɔ, nįŋɛ̨ tɔ̨nɔ̨ ŋɛ̨itɔwɔ mun dɔ̨nɔ̨. Di li a diɛ bɛlɛ́ laaləi. 4 Yai-Laa yɛ Moisə ɓa: 5 «Mɛ̨inɛ̨ɛ̨ɠaai tii di kaa pai la ə́ pɔ, ə́ yee hee mu, di kaa pai kóló kɛi a diɛ gee kaa kələ mąą mɛ̨nį ɓa. A gɛ ə́ di tɛɛ Levi lonnii pɔ, yɛ bələi mąą kpaan gaa la diɛ, di wɔ kóló mɛ̨nį ɓa.» 6 Moisə ə ɲee hee nwotoloɠaa da nįŋɛ̨ɠaa di mu, ə di tɛɛ Levi lonnii pɔ. 7 Ə wotolo hveelɛ da nįŋɛ̨ nąąn dɛɛ Gɛrsɔn lonnii pɔ, yɛ bələi mąą kpaan ə kɛ la diɛ, di wɔ kólói hu. 8 Ɛlɛɛ nwotolo nąąn tii da nįŋɛ̨ mɛ̨ihaaɓai tii di lɛɛ ɉaláá laa həli mun Aarɔn lon Itamarə yəi; yili ə di tɛɛ Merari lonnii pɔ, yɛ bələi di mąą kpaan ə kɛ la mą di wɔ kólói hu. 9 Hvo da tɛɛ Kehatə lonnii pɔ, mąąhɔlɔɓo, di wɔ kólói ɓaa kɛ diɛ ɉaláá kulɔ hɛnŋąą həɠə di kalan ŋą. Mɛ̨inɛ̨ɛ̨ɠaa di ɉaláá kulɔi mąą pu la 10 Ɲələi di lúwɔ́ too la ɉaláá kulɔi ɓa di nwulɔ mąąhəɠɛɛ hiɛ mą, bɛlɛ́ nąmįną kpɛa-kpɛa di pa a di kwɛlanmo hɛnŋąą. 11 Kɛlaa, Yai-Laa yɛ Moisə ɓa: «'Mąąnɛ̨ɛ̨ bɛlɛ́ nąmįną kpɛa-kpɛaai tii di pa a di yɛli, nu tɔ̨nɔ̨ hvóló tɔ̨nɔ̨.» 12 Bələi di paa la a di yɛli voló tɛitɛi yee mu, bələ ka: Voló tɔlɔɔ, Aminadavə lon Nasɔn, yai gaa a Ɉuda nu huwu nwun nąmu ya ɓə pa. 13 Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni. 14 Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨; 15 nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn. 16 Ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá hɛn. 17 Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaa lon nɔɔli, a liilaa haláá kulɔ hɛn. Yili ɓə kɛ a Aminadavə lon Nasɔn nwɔ mɛ̨inɛ̨ɛ̨. 18 Voló veelɛnąą, Suarə lon Netanɛlə, yai gaa a Isakarə huwu nwun nąmu, yii ə paa la ya ka: 19 Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ ɲɔwɔɔn ŋąą a wulɔ, Yálá kɔ́ hɛn ni. 20 Hɛni kpələ kɔ́wɔ tɔ̨nɔ̨ yɛ ɓo a kilə pow (10), naa hvɛɛ a wulɔ kun nɛ̨ɛ̨; 21 nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn. 22 Ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá hɛn. 23 Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaa lon nɔɔli, a liilaa haláá kulɔ hɛn. Yili ɓə kɛ a Suarə lon Netanɛlə nwɔ mɛ̨inɛ̨ɛ̨. 24 Voló ɉaaɓa nąą, Helɔn lon Eliavə, yai gaa Zabulɔn huwu nwun nąmu, yii ə paa la ya ka: 25 Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni. 26 Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨; 27 nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn. 28 Ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá hɛn. 29 Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaa lon nɔɔli, a liilaa haláá kulɔ hɛn. Yili ɓə kɛ a Helɔn lon Eliavə nwɔ mɛ̨inɛ̨ɛ̨. 30 Voló nąąn nąą, Sedeurə lon Elisurə, yai gaa a Rubɛn nu huwu nwun nąmu. 31 Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni. 32 Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨; 33 nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn. 34 Ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá hɛn. 35 Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaa lon nɔɔli, a liilaa haláá kulɔ hɛn. Yili ɓə kɛ a Sedeurə lon Elisurə nwɔ mɛ̨inɛ̨ɛ̨. 36 Voló nɔɔli nąą Surisadai lon Selumiɛlə, yai gaa a Simeɔn nu huwu nwun nąmu ɓə pa. 37 Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni. 38 Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨; 39 nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn. 40 Ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá hɛn. 41 Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaa lon nɔɔli, a liilaa haláá kulɔ hɛn. Yili ɓə kɛ a Selumiɛlə lon Surisadai nwɔ mɛ̨inɛ̨ɛ̨. 42 Voló mɛ̨ida nąą, Deuɛlə lon Ɛliasafə, yai gaa a Gadə nu huwu nwun nąmu, ya ɓə pa. 43 Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni. 44 Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨; 45 nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn. 46 Ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá hɛn. 47 Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaa lon nɔɔli, a liilaa haláá kulɔ hɛn. Yili ɓə kɛ a Deuɛlə lon Ɛliasafə nwɔ mɛ̨inɛ̨ɛ̨. 48 Voló mɛ̨ihveelɛnąą, Amihudə lon Elisama, yai gaa a Ɛfraimə nu huwu nwun nąmu, ya ɓə pa. 49 Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni. 50 Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨; 51 nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn. 52 Ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá hɛn. 53 Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaa lon nɔɔli, a liilaa haláá kulɔ hɛn. Yili ɓə kɛ a Amihudə lon Elisama nwɔ mɛ̨inɛ̨ɛ̨. 54 Voló mɛ̨ihaaɓa nąą, Pedasurə lon Gameliɛlə, yai gaa a Manase nu huwu nwun nąmu, ya ɓə pa. 55 Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni. 56 Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨; 57 nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn. 58 Ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá hɛn. 59 Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaa lon nɔɔli, a liilaa haláá kulɔ hɛn. Yili ɓə kɛ a Pedasurə lon Gameliɛlə nwɔ mɛ̨inɛ̨ɛ̨. 60 Voló mɛ̨inąąn nąąn, Gideoni lon Avidan, yai gaa a Bɛnɉamɛn nu huwu nwun nąmu, ya ɓə pa. 61 Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni. 62 Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨; 63 nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn. 64 Ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá hɛn. 65 Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaa lon nɔɔli, a liilaa haláá kulɔ hɛn. Yili ɓə kɛ a Gideoni lon Avidan nwɔ mɛ̨inɛ̨ɛ̨. 66 Voló pow nąąn, Amisadai lon Ahiezɛrə, yai gaa a Dan nu huwu nwun nąmu, ya ɓə pa. 67 Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni. 68 Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨; 69 nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn. 70 Ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá hɛn. 71 Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaa lon nɔɔli, a liilaa haláá kulɔ hɛn. Yili ɓə kɛ a Amisadai lon Ahiezɛrə nwɔ mɛ̨inɛ̨ɛ̨. 72 Voló pow kɔ́w tanɔ̨n nąą, Okran lon Pagiɛlə, yai gaa a Asɛrə nu huwu nwun nąmu, ya ɓə pa. 73 Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni. 74 Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨; 75 nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn. 76 Ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá hɛn. 77 Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaa lon nɔɔli, a liilaa haláá kulɔ hɛn. Yili ɓə kɛ a Okran lon Pagiɛlə nwɔ mɛ̨inɛ̨ɛ̨. 78 Voló pow kɔ́w hveelɛnąą, Einan lon Ahira, yai gaa a Nɛftali nu huwu nwun nąmu, ya ɓə pa. 79 Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni. 80 Hɛni kpələ kɔ́wɔ tɔ̨nɔ̨, yɛ ɓo a kilə pow (10), naa hvɛɛ a wulɔ kun nɛ̨ɛ̨; 81 nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn. 82 Ɓolu hilɛ tɔ̨nɔ̨, a nɛ̨ŋɛ̨n mąąhvaalɛɛ haláá hɛn. 83 Nįŋɛ̨ hilɛ hveelɛ, ɓɛlaa hilɛ lɔɔli, ɓolu hilɛ lɔɔli da kwɛlan dɔ̨nɔ̨ ɓɛlaalon nɔɔli, a liilaa haláá kulɔ hɛn. Yili ɓə kɛ a Einan lon Ahira nwɔ mɛ̨inɛ̨ɛ̨. 84 Ɉɛnŋąąi Israɛlə pɛlɛ́ nąmįnąą kəlee di paa la di kwɛlanmo, a Yálá kɔ́ hɛn, a ɲələi di kɛi wulɔ hiɛ la ɉaláá kulɔi ɓa, diɛ ka: Wali tea pow kɔ́w hveelɛ, wali kpələ kɔ́wɔ pow kɔ́w hveelɛ, hɛni kpələ kɔ́wɔ pow kɔ́w hveelɛ. 85 Nwali teaɠaa tii dɔ̨nɔ̨ ə kɛ a kilə nwun dɔ̨nɔ̨ ɲee haaɓa (130), gbələ kɔ́ɔɠaa tii dɔ̨nɔ̨ ə kɛ a kilə pow mɛ̨ihveelɛ (70). Ɉɛnŋąą tii kəlee ə kɛ a kilə waa hveelɛ pulu nwun nąąn (2400), yɛ bələi bɛlɛ́ mąąhəɠɛɛ mu hɛn gɔɔn bələ kaa la. 86 Hɛni kpələ kɔ́wɔ pow kɔ́w hveelɛ, naa hvɛɛ a wulɔ kun nɛ̨ɛ̨, dɔ̨nɔ̨ yɛ ɓo a kilə pow, yɛ bələi bɛlɛ́ mąąhəɠɛɛ mu hɛn gɔɔn bələ kaa la. Gbələ kɔ́wɔ kəlee ə kɛ a kilə nwun dɔ̨nɔ̨ ɲee hveelɛ (120). 87 Daatɛlɛɛɠaai di paa la a haláá hɛn da gəlee kələn, ə kɛ a: Nįŋɛ̨ hilɛ pow kɔ́w hveelɛ, ɓɛlaa hilɛ pow kɔ́w hveelɛ, kwɛlan dɔ̨nɔ̨ ɓɛlaalon pow kɔ́w hveelɛ; ə pɛlɛ la ɓolu hilɛ pow kɔ́w hveelɛ ɓa a nɛ̨ŋɛ̨n mąąhvaalɛɛ haláá hɛn. 88 Daatɛlɛɛɠaai di paa la a liilaa haláá hɛn ə kɛ a: Nįŋɛ̨ hilɛ pow hveelɛ kɔ́w nąąn, ɓɛlaa hilɛ pow mɛ̨ida, ɓolu hilɛ pow mɛ̨ida da kwɛlan dɔ̨nɔ̨ ɓɛlaalon pow mɛ̨ida. Yálá kɔ́ hɛnŋąai di paa la nwulɔ mąąhəɠɛɛ hia pulu ɉaláá kulɔi ɓa yaa li. 89 Moisə ə lɔ kɛa gee kaa kələ mu, əgɛ da Yai-Laa di lono kɛ. Moisə ə kɛi nwoo mɛ̨n gəhi laa kalan mɛ̨i, mąąkpɛ malaka hveelɛ lɔwai. Gəhi laa kalan ə kɛ mįnɛ̨ kəhi mɛ̨i, ɛlɛɛ, Yai-Laa yɛ pələ ɓo Moisə ɓa. |