LAPUI 1 - PATHIAN LEKHABU RITHIANG

BU KHATNA (Lapui 1—41 ) Hamṭhatna dik tak

¹ Mi siahei roisak angkana om ngai ino a, Mi sualhei lampui khom rô ngai ino neh, Pathian ngaisak ino mihei neh khom rithlop ngai ino mihei chu an ham a ṭhat.

² An lômna chu Pumapa Dân izômah khan a nit a, A Dân thu chu a sûn a zânin an ngaitua ngai a.

³ Anni chu vadung kôla thing iphun, A zoro dik taka irâ sua ngai, A nâhei khom thêm ngai ino angka an nit a; An sinna kipah thluantlung mai an ti.

⁴ Khanniseh, mi siahei chu khaangkan ni tlak mak a; Anni chu farsi ithlîn ai sêm inrimang ngai angkah hi an nit.

⁵ Khasikin, mi siahei chu Pathianin thiamno inchang a ta, Mi sualhei khom mi felhei lâiah khan ṭang thei no nih.

⁶ Mi felhei chu Pumapa khan ikâiruaiin a donsui ngai a, Mi siahei fena lampui rêk chu rimangna a nit.