Números 1 - Diósïri Karakata P´urheepecha Jimbo

I. TÉMPENI IUMU T'AMU JURHIATEKUA SINAI. Israeli miiuperakua enkaksï Sinai jápka

¹ Tsimani kutsï inchani jamani, enka tsimani uéxurhini páni jápkia enkaksï Ejiptu uéakupka, ACHA uantaxekuspti Moisesini jima enka k'arhinteka ka no nema irekani enka Sinai jakankurhik'a. Jima enka pímpinhanteka ka ACHAeri uapats'ïtakueka arhispti:

² Karaa ka miua iámentu Israeli anapuechani, mántani arhi miiuani tatakechani, márku irerichani, sïrukuechani ka tua anapuechani jinkuni karaa.

³ Aaroni jinkuniri miiuauaka Israeli anapuechani, iámentu imechani enkaksï ma ekuatse uéxurhini ka sánteru jatirikia.

⁴ Eraku mántani sïrukuarhu urhets'ïkurini ma.

⁵ Íksï imecheri jakankurhikuesti enkaksï cha jinkuni jauaka: Rubeniri sïrukua, Elisuri enka Sedeuri uáp'eka.

⁶ Simeoniri sïrukua, Selumiel enka Surisadai uáp'eka.

⁷ Judaeri sïrukua, Nájsoni ima enka Aminadabi uáp'eka.

⁸ Isakari sïrukua, Natanael ima enka Suari uáp'eka.

⁹ Sabuloniri sïrukua, Eliabi enka Heloni uáp'eka.

¹⁰ Joseri sïrukuecha, Efrainiri sïrukua, Elisama ima enka Amiud uáp'eka, ka Manasesiri sïrukua, Gamalieli ima enka Pedasuri uáp'eka.

¹¹ Benjamiri sïrukua, Abidani ima enka Guidoni uáp'eka.

¹² Daniri sïrukua, Ajiezeri ima enka Amisadai uáp'eka.

¹³ Aseriri sïrukua, Pagieli ima enka Ocrani uáp'eka.

¹⁴ Gadiri sïrukua, Elisafa ima enka Dueli uáp'eka.

¹⁵ Neftaliri sïrukua, Ajira ima enka Enani uáp'eka.

¹⁶ Íksï jintesti sïrukuecheri urhets'ïkuricha enkaksï Israeli erakunhapka.

¹⁷ Moisesi ka Aaroni tánantaspti íni urhets'ïkurichani enkaksï erakunhantapka,

¹⁸ jurhiatekua inchamani jamani tsimani kutsï, Moisesi ka Aaroni tánantaspti imechani enka ACHA erakuapka, ka imaksï táchani sïrukua ka máru irericha jimpo karaaspti iámentu tatakechani enkaksï ma ekuatse ka sánteru uéxurhini jatiripka.

¹⁹ Moisesi jima enka k'arhinteka ka no néma irekaka jima miiuaspti, ísï eska ACHA na juramukupka.

²⁰ Rubeniri sïrukua jinkuni ima enka urhetika Israeli, ima jinkuniksï miiunhaspti iámentu tatakecha enkaksï ma ekuatse ka sánteru uéxurhini jatirika ima enkaksï p'urhek'utipirinka, karaasptiksï sïrukuecha ka márku irerichani jinkuni.

²¹ Rubeni jinkunksï tsimani ekuatse ka kuimu míli miiuaspti.

²² Simeoniri sïrukua jinkuni, miiunhasptiksï iámentu tatakecha enkaksï ma ekuatse uéxurhini ka sánteru jatiripka, enkaksï p'urhek'utipirinka, táchani sïrukua ka márku irerichani jinkuniksï karaaspti.

²³ Enkaksï xani Simeoni sïrukua jinkuni miiunhapka tsimani ekuatse ka iumu t'amu míli ka témpeni ka iumu (9,300) ekuatsesptiksï.

²⁴ Dadi sïrukua jinkuni miiunhaspti iámentu tatakecha enkaksï ma ekuatse ka sánteru uéxurhini jatirika ima enkaksï nipirinka p'urhek'utini, sïrukua ka márku irerichani jinkuniksï karaaspti.

²⁵ Enkaksï xáni Gadiri sïrukua jinkuni miiunhapka tsimani ekuatse ka iumu míli ka ma irepeta ka témpeni tsimani ekuatse ka tempenisptiksï (45,650).

²⁶ Judaeri sïrukua jinkuni miiunhasptiksï iámentu tatakecha enkaksï ma ekuatse ka sánteru uéxurhini jatirika, ima enkaksï p'urhek'utipirinka, márku sïrukua ka márku irerichani jinkuniksï karanhaspti.

²⁷ Juda sïrukua jinkuni tanimu ekuatse ka témpeni t'amu míli ka ma irepeta ka témpeni kuimu (45,650) miiunhaspti.

²⁸ Isakari sïrukua miiunhasptiksï iámentu tatakecha enkaksï ma ekuatse ka sánteru uéxurhini jatiripka eskaksï p'urhek'utipirinka, táchani sïrukuecha ka márku irerichani jinkuni.

²⁹ Isakari sïrukua jinkuni tsimani ekuatse ka témpeni t'amu míli ka ma irepeta (54,400) miiunhaspti ka karaasptiksï.

³⁰ Sabuloni sïrukua jinkuniksï miiunhaspti iámentu tatakecha enkaksï ma ekuatse ka sánteru uéxurhini jatiripka eskaksï p'urhek'utipirinka, márku sïrukua ka márku irerichani jinkuniksï karaaspti.

³¹ Sabulo sïrukua jinkuni tsimani ekuatse ka témpeni kuimi míli ka ma irepetasksï (57,400) miiunhaspti ka karanhasptiksï.

³² Joseri sïrukua ima enka Efraini uáp'epka miiunhasptiksï iámentu tatakecha enkaksï ma ekuatse ka sánteru uéxurhini jatiripka eskaksï p'urhek'utipirinka, táchani sïrukua ka márku irerichani jinkuni karaasptiksï.

³³ Efraini jinkuniksï tsimani ekuatse míli ka ma irepeta ka témpeni ekuatse (40,500) miiunhaspti.

³⁴ Manasesiri sïrukua jinkuni miiunhaspti iámentu enkaksï ma ekuatse ka sánteru uéxurhini jatirika ima enkaksï p'urhek'utipirinka ka karaasptiksï táchani sïrukuechani ka márku irerichani jinkuni.

³⁵ Manasesiri sïrukua jinkuni, ma ekuatse ka témpeni tsimani míli ka témpeni ekuatse (32,250) miiunhaspti.

³⁶ Benjaminiri sïrukua miiunhasptiksï iámentu tatakecha enkaksï ma ekuatse ka sánteru uéxurhini jatiripkia eskaksï p'urhek'utipirinka, táchaniksï karanhaspti márku sïrukua ka márku irerichani jinkuni.

³⁷ Benjamirini sïrukua ma ekuatse ka témpeni iumu míli ka ma irepeta (35,400) miiunhaspti.

³⁸ Daniri sïrukua miiunhasptiksï iámentu tatakecha enkaksï ma ekuatse ka sánteru uéxurhini jatiripka eskaksï p'urhek'utipirinka, sïrukuecha ka márku irericha jinkuni karaaspti.

³⁹ Enkaksï xáni Daniri sïrukua miiunhapka tanimu ekuatse ka témpeni tsimani mílisptiksï (2,700).

⁴⁰ Aseriri sïrukua iámentu tatakechaksï miiunhaspti enkaksï ma ekuatse ka sánteru uéxurhini jatiripka eskaksï p'urhets'ïkupirinka, táchani sïrukuecha ka márku irerichani jinkuniksï karaaspti.

⁴¹ Aseri sïrukua tsimani ekuatse ka ma míliksï (1,500) miiunhaspti ka karanhani.

⁴² Neftaliri sïrukuarhu miiunhasptiksï iámentu tatakecha enkaksï ma ekuatse ka sánteru uéxurhini jatiripka eskaksï p'urhek'utipirinka, táchaniksï karaaspti márku sïrukuechani ka márku irerichani jinkuni.

⁴³ Neftaliri sïrukua tsimani ekuatse ka témpeni tanimu míli ka ma irepeta (53,000) miiunhaspti.

⁴⁴ Íksï jintesti enka Moisesi ka Aaroni miiuapka, témpeni tsimani urhets'ïkurichani jinkuni enkaksï Israeli erakunhapka, mántani sïrukua ka márku irerichani jinkuni.

⁴⁵ Iámentu imecha enkaksï ma ekuatse ka sánteru uéxurhini jatiripka enkaksï úpirinkia p'urhek'utini, enkaksï karanhapka sïrukuecha ka márku irericha jinkuni.

⁴⁶ Enkaksï xáni miiunhapka ka karanhani ma irepeta ka témpeni ekuatse ka tanimu míli ka ma irepeta ka témpeni ekuatse ka témpenisptiksï (63,550).

Ampe enkaksï Lebiri sïrukuecha uák'a

⁴⁷ Lebiri sïrukua no miiunhaspti eskaksï máteruecha na miiunhapka,

⁴⁸ jimpoka ACHA arhispka Moisesini:

⁴⁹ Enkari Israeli miiupeaka, Lebiri sïrukuani ásï jama miiuni ni karani,

⁵⁰ Lebiri sïrukuani Diósïri k'umanchekuani patsaraaka ka úratakua ampe enka xáni jima úranhak'a, imaksï jamaati moskuni iámentu ampe ka imaksï jamaati ampe úni enka xáni jima uétarheaka ka jimaksï marhuauati.

⁵¹ Enka Diósïri k'umanchekua k'uaniaka mótseni Lebiri sïrukua k'uanichaati xerentani ka ménteru úntani nani anhaxurhinhaaka, ka ne enka k'uiripu enka no k'uaninchaaka jima jarhani ka antarheraani ima uántikunhaati.

⁵² Israeliri sïrukua táchaniksï patsataati nani enka jauaka imecheri mínta, isï eskaksï na péranhaaka.

⁵³ Lebiri sïrukua uirhipantani patsataati Diósïri tióstani, ka ísï ACHA no iretani Israelichani ikiakuani.

⁵⁴ Ka Israeli sïrukua úsptiksï ísï eska xáni ampe ACHA juramukupka Moisesini.