YEREMIA 1 - Kalate Zambe Nnomo a Mfefe Mfefé Nkôñelan

Melu ya nkulane mejô Yérémi

¹ Mejô me Yérémi, e mone Hilkiya, wua ya betuni y'Anatot, sii Bényamin.

² Nti a nga kobô nye melu ya mbu awôm a lale Yôzias, njô bôte ya Yuda a nga jôô.

³ Nalé fe melu Yehôyakin, e mone Yôzias, njô bôte ya Yuda a nga jôô, a kui fe amané mbu awôm a wua ya njôane Sédékias, e mone Yôzias, e Yuda, ja'ana a kui ngone tane ya mbu Yérusalém a nga ke minkôm.

Zambe a loone Yérémi a bo nkulu mejô

⁴ Nti a nga kobô me na:

⁵ te na me kôme wo abume be nyua, me nga yeme wo, a te na ô bialé, a kooé na me teléya wo étyi, a kooé na me teléya wo *nkulu mejô ya *meyoñ.

⁶ Nde me nga yalane na: Éé! A Nti, nyô a ne Zambe, me nji yeme kobô, amu me n'ésoé ndôman.

⁷ Nde Nti a jô me na: te jô na me ne mongô. Amu wo ye ke be ba bese ma ye lôme wo na ô wosane be. Wo ye kobô mam mese ma ye bendé wo na, ô kobô.

⁸ Te ko be woñ; amu me ne be wo na me kôté wo nalé Nti a jô.

⁹ Wôna Nti a nga same wo wé, a nambe anyu dam; nde a jô me na: Ô lôô, ma futi mejô mam anyu dôé.

¹⁰ Tame yen, ma telé wo den njôô *meyoñ a bijôé na: ô té, ô kpwé, ô wôé, ô tyam, ô lôñ a ô bé.

Minkulane mi mam y'ôsu

¹¹ Nti a nga kobô me na: Ô lôô jé a Yérémi? Nde ma yalane na: Me lôô ntya élé amañdié.

¹² Ane Nti a nga jô me na: Wo te yene mvo'é; amu me bôô évevé ya tôé nkobô wom.

¹³ Nti a nga beta kobô ma éyoñe baa a sili me na: Ô lôô jé? Me na: Me lôô minkeññ a kundi'i mfa'a y'akôé.

¹⁴ Nde Nti a jô me na: Bidim bia ye kui be bôte bese ya si jenan, bi so'o mfa'a y'akôé.

¹⁵ Amu ô lôô, ma ye loone bôte ya bijôé y'akôé, nalé Nti a jô; ba ye zu a môt ase ya be be a ye telé éto jé anyiine mimbé ya Yérusalém, ôsu ya meka'a mé mbôma'an, a ôsu bitisone bise ya Yuda.

¹⁶ Ma ye tebe be ngame yat e mintyi'ane mejô miam été amu *nkpwala wob ôse, amu be nga bene ma, amu be nga di'i bezambe befe ôtu, a amu be nga kute meboñe si asu mboone jôme ya mo map.

¹⁷ A wo ki, tiñeti'i ases angeteñe dôé, kôlô'ô si, a kate be jam ese ma bendé wo. Te fô'ôban amu na ô lôô be, me za bo na ô nyeñeban ôsu viap.

¹⁸ O lôô ma telé wo môse wu e si jenan ése aval'ane tison ôlem, aval'ane beta akôn étyé ane meka'a me mvot na ô wosane bejô bôte ya Yuda, biwôlô bebo bisaé bié, betuni bé a bôt be too si jenan.

¹⁹ Ba ye bo wo bita, ve ba ye bo te dañe wo, amu me ne be wo asu ya kôté wo, nalé Nti a jô.