1 Jn 1 - Kalate Zambe Nnomo a Mfefe Mfefé Nkôñelan

¹ E jam e nga too a so atata'a, e jam bi nga yen a mise mangan, e jam bi nga fombô ne tooñ a e mo mangan me nga nambe. A jô ya ényiñ.

² Amu ényiñ é nga yenéban, a bi nga yene je. Bi ne bekañete, a bia kañete mia ényiñe ya melu mese é nga so e be Esaa a yené e be bia.

³ E jam bi nga yen a wôk, bia kate mia de, nde bia be mia bia ye fulane minlem. A mfula'ane minleme wongan a ne nyô bia be Esaa a Mone wé Yésus Krist.

⁴ A bia tili mia jame te, nalé ate ava'a dangan da ye bo ngumba.

Dulu éfufup

⁵ Nyôna é ne foé bi nga wô'ô e be nye, a bia kalane mia je, e ne na: Zambe a ne éfufup, a teke atañe dibi e kui nye bebé.

⁶ Nge bia jô na bi ne mfula'ane minlem a nye, ve bi wulu'u dibi été, bia laa minsos, a bi nji wulu éfufup été.

⁷ Ve nge bia wulu éfufup été, aval a ne émien a too éfufup été, bia fulane minlem, wua a nyô mbok, a metyi me Yésus Mone wé ma tune bia *abé ese.

⁸ Nge bia jô na, bi nga bo te bo *abé, bia du'u bia bebien a bi nji bo bôte benya mejôô.

⁹ Nge bia mem mam *abé mangan, e nyô ya tabe nye ndi a *zôsôô aval a ne a né, a ye fo'o jamé bia mam *abé mangan a tune bikotekote biangan bise.

¹⁰ Nge bia jô na, bi nji bo bebo mam *abé, bia nyoñe nye a ne nlaa minsos, a Ajô dé e nji bo e be bia.