Pilipoi 1 - Bibilia Buk na Ŋun nagon koti luŋu a

Romesi

¹ Nan Paulo ko Timoteo kolipo-nok ti Kristo Yesu, roman ko ŋutu ti Ŋun lo gwon Pilipoi, lo gwon ko Kristo Yesu i mugun kilo, mora ko kametak temejik se ko kaparak.

² Yi a roman ko ta adi ti ’busan se ko taliŋ na po ko Ŋun Baba likaŋ na po ko Matat Yesu Kristo na gwe ko ta.

Paulo momo ’yu Ŋun kogwon lepeŋat

³ Temba i diŋitan liŋ nagon nan yiyiuŋdyo ta nu, a nan tiŋdi ŋun liŋ tinate;

⁴ koti temba i diŋitan liŋ nagon nan kwakwaddu kogwon kulya kasu liŋ nu, a nan ŋupi kwakwaddi ko lyöŋön,

⁵ kogwon ŋaŋu nikaŋ na kita na Loŋe Lo ’But suluja i lor suluet tojo ko soŋinana.

⁶ Nan yuyuŋ adi Ŋun logon a suluja kita na ’but kasu i mugunya lo mo tutuŋokin kita nanyit ajo i lor lo pöri Yesu Kristo lu.

⁷ Kodyo a na ’but i yeyeju nio na ta liŋ sona, kogwon toili liŋ ŋupi gwon i yeyeju na ta, kogwon ta liŋ ŋaŋu ’doket na Ŋun ko nan i pirit na geleŋ, i rerekesi kwe ko i juŋdyo nio na Loŋe Lo ’but, ko i togwi ’dikiŋdya na lepeŋ go.

⁸ Kogwon Ŋun deden adi nan ’diri gwon ko pusok ko ta liŋ. Ŋina pusök po ko Kristo Yesu lepeŋ.

⁹ A nan momo ’yi adi ti nyaŋu nasu ŋdine ŋdi bia parik mora ko kopon se ko kuruŋdyo na kulya,

¹⁰ anyen ta böŋö jojo nyumuŋdyo ŋo nagon a na ’but. A kirut i lor lo pöri Kristo lu, a ta mo böŋö gwe a loke ’bak yuyuket,

¹¹ a ta mo rade ludweki ti loti lo rigwo logon Yesu Kristo lo tiŋdu kulo, anyen Ŋun bubula ko anyen pupura.

Paulo moro gor lo Kristo i kadi rereket

¹² Luŋasirik, nan ’dek ta deden adi ŋo nagon a konaki nan kune ’diri a parakiŋdya Loŋe Lo ’but parik i tu ŋerot,

¹³ kogwon katiyuk liŋ lo gwon i modoria kulo se ko kulye ŋutu liŋ aje kurun adi nan gwon i kadi rereket kogwon kulya ti Kristo.

¹⁴ Gwon nio i kadi rereket a tiŋdu kulye jore ti luŋasirik lo yubbo i gwon a iŋgo ko Matat i mugun, ko i puputuru ŋerot a purwat i tokubddu na kulyaet lo Ŋun ’bak kujono.

¹⁵ ’Diri a gwak adi kulye kase tokujo lore lo Kristo ko be ’ya naron se ko ŋisa, ama kulye tokujo ko töilyet lo ’but.

¹⁶ Kilo logon tokujo ko toilyet lo ’but kulo tokujo kogwon nyaŋu, deden adi nan a jwe ni i juŋdyö na Loŋe Lo ’but.

¹⁷ Ama kilo logon tokujo ko toilyet lorok kulo tokujo lore lo Kristo deŋdya teŋ nase ka ’de ti gwon ko toilyet ti to ’diri. Lepeŋat yeyeju adi se mo tiŋdu toili liŋ i mien i kadi rereket.

¹⁸ Nyena gwon ada? Ma ’di kulye tokujo ko mumulugga, kode kulye tokujö ko to ’diri, kode ada, kulya ’bayin, kogwon lore lo Kristo ’diri a tokuoji, nyena ko ŋina kwe nan gwon ko lyoŋon.

¹⁹ Iŋkoi, a nan mo yeoe lyoŋon, kogwon nan a den adi ta gwon i kwakwaddu kogwon kulya kwe, koti Yesu Kristo lo tiŋdu nan Mulokotyo lonyit i parakiŋdya na nan, nyena ko ŋina kwe nan mo kokoloji kaŋo i kadi rereket.

²⁰ Nan yeyeŋdu ko pusok a duma adi kwe nio mo ti yu, a nan mo gwe a ŋurutat gwoso na yeŋ na, anyen boŋo ko nan gwon jorun kode a tatua, a nan tiŋdi Kristo i bula koyo i mugun.

²¹ Kogwon Kristo gwon a ru köyo, a twan gwe a ’bulit köyo.

²² Ko nan ködyö yeŋon gwon jorun, nan ködyö bubulö koŋdya kita nagon joŋdya ludweki. Ama nan ti den ko nan wuluŋdyö nan nase.

²³ Nan gwon i nagusu i kiden na kine ŋo murek. Nan ’de ’dekan wuddya i na kak anyen tu gwon ko Kristo i pirit na geleŋ, kogwon ŋina a na ’but bia parik,

²⁴ ama ködyö a na ’but ko nan yeŋon gwon jörun kogwon kulya kasu.

²⁵ Nan a yuŋ ’diri adi ködyö gwon sona, anyen nan deden adi nan mo yeyeŋon gwolor ko ta liŋ i pirit na geleŋ, anyen ta böŋö puputuru ŋerot ko lyöŋön i na yupet.

²⁶ Nyena ko nan molu a tu kasu ŋini köti, a ta mo gwe ko kwe na kulya i bu ’ya na Kristo Yesu parik kogwon kulya kwe.

²⁷ Tuŋ ti gwiliŋit losu gwe a lo jujukin i Loŋe Lo ’but lo Kristo, anyen ko nan a tu i meddya na ta, kode nan ’bayin, a nan ködyö yiŋge adi ta gwogwo ’dan go ko töili geleŋ, ko yeyeet geleŋ i möröddu i pirit na geleŋ i juŋdyö na Loŋe Lo ’but lo na yupet,

²⁸ a merok kasu tine tokujoŋdu ta i nene ŋo. A ŋina kwekiŋdye lepeŋat adi se mo tutukara, a ta mo lwököni lwökö ŋina lwökit Ŋun lo tiŋdu.

²⁹ Kogwon Ŋun a ’dogga ta ti gwon i yubbö na Kristo ka ’de, ama anyen ta ŋoŋoŋga kogwon kulya kanyit köti.

³⁰ Nan ko ta mörö gor lo geleŋ. Ta köju a met nan i mörö na ŋilo gor; soŋinana nan lo nyuŋ mörö nye gwoso na yiŋge ta na.