Obadia 1 - Bibilia Buk na Ŋun nagon koti luŋu a

¹ Ŋina a ŋo na met Obadia kanyit i toili na. Kilo a kulyaesi ti MATAT Ŋun i kulya ti Edom. MATAT aje soŋdu luyökie i kiden na gweyajin ti ŋutu, a yi yiŋge lore lonyit adi, Ŋine ta ki, ti yi ŋiki ta i mörö ko Edom.

Edom mo ririŋa

² MATAT kulya ko Edom adi, Mete, nan mo toto ’dit do i kiden na gweyajin ti ŋutu, a do mo lawene lawe asut.

³ A töili ilot ka ’du ’duŋanit iŋge mumuluk do, do logon gwolor i kiri ’diyat ti mere nagon pirit inot gwon ki, do logon jambu konut i töili adi, ŋa de lo joŋdya nan kak?

⁴ Ma ’di ko do a ’daaddu ki parik gwoso yuku, ma ’di nagon do a teteŋdya kadi inot i kiden na kaser, nyena a nan mo joŋdi do kak nyu, nilo a kulyaet lio lo MATAT.

⁵ Ko kodyo kilo a kolak kode a karyakak lo pokin konut i tukwaje, a se kodyo ’dumakiŋdye ’borik ŋo na ’deggi se na, ’bayin sona le? A ko kodyo ka ’deyak ti ludweki ti binyo a pokin konut, a se kodyo tine pitokin kulye ludweki le? Ama do ’diri aje koro asut!

⁶ Do Esau ’diri aje ryaka, Tukworien inot aje galwe kaŋo!

⁷ Katokok kulok liŋ aje mumulugga do, se aje riköddu do tojo i koresi ti jur; julin kulok aje te ’ya do; ŋutu logon ŋaŋu kalaba ko do kulo aje tetenakiŋdya do widi— a do tine kurun kine kulya.

⁸ Nan MATAT lo kulya adi, I ŋilu lor nan mo tutukar ŋutu lokoŋ ti Edom se ko ŋutu ti mere Esau logon kukurun kulya kilo, ’bayin sona le?

⁹ Do Teman, ŋutu kulok walan mo wuju yu na kusik, anyen ŋutu liŋ geleŋ geleŋ ti mere Esau boŋo tatatua i gor ko baŋdu.

¹⁰ A do mo gwe ko yu na kwe a duma parik kogwon ŋonyan nagon a konaki kotumit na luŋaser ilot Yakobo na, a do mo ’dupojine kaŋo a tömönik,

¹¹ I ŋilu lor logon do a gwo ’di ’e a wok. i lor logon lwaka aje yekara tukwo-rien nanyit, a juron luponi kanyit i kotumiton a gumbe guralan i kulya ti Yerusa-lema, a do gwe a lele lose.

¹² Ama do kodyo ti lyoŋon i med-dya na lor delyaet lo lupösurök, do kodyo ti kwekweni ko ŋutu ti Yuda i lor lose tukaret; a do kodyo tine jambu a lulayak i lor delyaet.

¹³ Do kodyo ti lupöri kotumit na ŋutu kwe i lor lose logusu; a do kodyo tine lyöŋön i meddya na delyaesi kase i lor lose logusu, a do kodyo tine ryaggu toro ’bo kase i lor lose logusu.

¹⁴ Do kodyo ti gwo ’dan i keresi ti kikolin i goggu na ŋutu kanyit lo wowoki; a do kodyo tine wukiŋdya ŋutu kanyit lo pituŋdyö kulo ko merok i konisi i lor delyaet.

¹⁵ Kogwon lor lio lo MATAT mo gwe nyona i gweyajin liŋ ti ŋutu. A do mo konakine sona koti gwoso na koŋdi do na, a konesi kunok mo yitokine konut i kwe.

¹⁶ Kogwon gwoso na matuŋdye ta riŋesi i mere lio loke na, a gweyajin liri ti ŋutu lo gwon kasu nyona kulo koti mo moji möju perok lio; a se mo moji möju, a mo wiloddi adi kworok, a se mo gwe gwoso se a ko gwolor.

Yisaraele a te ’ya

¹⁷ Ama a ŋutu lo pituŋdyö kilo mo gwe i mere Siona, a lu mere mo gwe a loke lo rurwan; a kotumit na Yakobo mo rikoddi ŋutu logon koju a riköddu se kaŋo i lomoriot kase kulu.

¹⁸ A kotumit na Yakobo mo gwe a ŋedep lo kimaŋ, Ŋina kotumit na Yosepa mo gwon a ŋedep lo kimaŋ, a kotumit na Esau mo gwe a kuku; a kotumit na Yakobo mo ’yuŋe kotumit na Esau a mo totumbe se, aŋuto mo gwe ’bayin lo pituŋdyö i kotumit na Esau; kogwon nan MATAT aje tuk sona.

¹⁹ A ŋutu ti swöt lo Loki mo rud-dye mere Esau, a ŋutu lo gwon i ’dir na merya kulo mo ruddye jur lo Pelesete; a se mo ruddye jur lo Epuraima ko jur lo Samaria, a kotumit na Benyamina mo ruddye Gilada.

²⁰ A ’dupi lo gwon Kala, logon a ŋutu ti Yisaraele kulo mo ruddye jur lo ŋutu ti Kanana tojo ko Sarepata; a ŋutu ti Yerusalema logon a ’dupi i Saparada kulo mo ruddye köjino ti jur lo Loki.

²¹ A ŋutu lo lwoko lo gwon i mere Siona kulo mo kiyaddi ki i mo-gga na mere Esau; a tumatyan mo gwe a na MATAT.