Jepania 1 - Bibilia Buk na Ŋun nagon koti luŋu a

¹ Kilo a kulyaesi ti MATAT logon a pokin ko Jepania nuto lo Kusi, ŋuro lo Gedalia, ŋuro lo Amaria, ŋuro lo Kijikia. Kilo kulyaesi a jama i perok ti Yosia ŋuro lo Amon, mor lo Yuda.

² MATAT lo kulya adi, Nan mo rereyara ŋo liŋ kaŋo lo gwon i kak ni kulo.

³ Nan mo susukoro ŋutu ko kijakwa lio kaŋo; a nan mo reyaddi kwen ti ki se ko somot ti tor na ’balaŋ A nan mo to ’doroji ŋutu lorok; a nan mo tukaŋi ŋutu liŋ kaŋo lo gwon i kak ni kulo. Kilo a kulyaesi kwe ti MATAT.

⁴ Nan mo ririörö könin lio kaŋo i mörö ko kötumit na Yuda, a möröni ko ŋutu liŋ lo si ’da Yerusalema; a nan mo tukaŋi pitönö ti ŋutu ti Bala i ŋina pirit a tolikiŋdye karin ti koanejin lo kwakwaddu nyomuejin logon a ŋunyen kana.

⁵ Kweja adi kilo a ŋutu logon dula-ki kak i lo ’deka ti kadijik loki i kwakwaddu na kaser ko kolor ko yapa; logon dulaki kak i milyeju ko nan MATAT a köti milyeji ko ŋun kana logon a Milikom;

⁶ kilo a ŋutu logon wöriŋökiŋdyö nan MATAT ki ’dirinö kase, a se tine ga ’yu nan kode piyuŋdya kulya koyö.

⁷ Yiŋani ta taliŋ ko MATAT ŋun i komor! Kogwon lor lonyit gwe nyona ko po; iŋkoi, MATAT aje teteŋdya rubaŋga ko aje geluŋdya kömu kanyit a loke.

⁸ A MATAT kulyani adi, I lor lo rubaŋga lio nan mo ririŋ ŋutu temejik ko ŋwajik ti mor, se ko ŋutu liŋ logon jupu boŋgwat ti Lwaka.

⁹ A i ŋilu lor a nan mo riŋge ŋutu liŋ lo labara i kutuk na kötumit na kadi, se ko ŋutu lo tojoreju kadi na matat lose ko kulya naŋon se ko mumulukesi.

¹⁰ MATAT lo kulya adi, I ŋilu lor gwiesi mo yiyiŋa i Kötumit Yeket na Somot, a luluesi mo yiŋani i swöt tomurek lo köji, a woŋon duma parik mo yiŋani i merya.

¹¹ Ta ŋutu lo si ’da i swöt lo köji na luŋu a Maktesa kulo, luluje ta lulujö! Kogwon katujarak liŋ gwe ’bayin; ŋutu liŋ lo temba pödö kulo aje tukara asut.

¹² I ŋinu diŋit nan mo ga ’yu Yerusalema ko lombojin a nan mo riŋge ŋutu logon kulya kase i toilyet adi, MATAT mo ti koŋdya ŋo na ’but kode ŋo naron. Kilo ŋutu si ’da a ’dori gwoso yawa nagon a ko ’do i mu ’da.

¹³ A tito kase mo ryakani ryaka, a kadijik kase mo koroni koro. Ma ’di se a ’duggo kadijik, ama se mo ti si ’da kata; ma ’di se a ’yuddu lukobiot ti kaden ti binyo, ama se mo ti mat binyo kase.

¹⁴ Lor duma lo MATAT gwe nyona, iŋkoi, lepeŋ gwe nyona ko rurumuŋdya ’de ’de; woŋon na lor lo MATAT totomijo toilyet ti ŋutu, a ŋutu walan luluje parik nyu.

¹⁵ ŋilu lor a lor lo woran, a lor lo sasanya ko a lo tomie, a lor tukaret ko a korit, a lor lo mudwe ko a lo mu ’duk na kak, a lor lo ’dikolo ko a lo mudwe logon adi ’dii.

¹⁶ ŋilu lor a lor kutet lo toriot, ko a siraet i gor, logon mororikin köjino nago na titiyu, ko mororikin i goŋesi ti mariŋan ti köjino nagon titiyu go.

¹⁷ MATAT mo jajakin ŋutu delya, anyen se mo woro gwoso mo ’dokeŋo, kogwon se a toroŋdya nye MATAT, a rima kase mo ’bukuŋdye kaŋo gwoso ŋutut, a opuo kase mo gwe gwoso woro.

¹⁸ Ma ’di podo kase ko dakap kase mo ti bulo lwokuŋdyo se i lor lo woran nanyit na MATAT. A kimaŋ nanyit yinet mo totumbe kak ’bukuluŋ. Kogwon nye mo to ’duddyo ŋutu liŋ ti kak asut adi wulek.