Delyasi 1 - Bibilia Buk na Ŋun nagon koti luŋu a

Delyaesi ti ŋutu ti Yerusalema logon a joŋa a ’dupi

¹ A dyoŋ, köji nagon köju gwon ko ŋutu jore na aje kölöki ka ’de! Koji nagon koju kukwon i kiden na juron na aje wora gwoso karu ’be! Nye nagon koju a mor i kiden na mödöriajin na aje wora a ’du-piet!

² Lepeŋ gwigwien parik i tukwaje, a politan ’buŋge kak kanyit i ŋebia, a lele ŋuto gwe ’bayin lo sugga lepeŋ i kiden na kanyarak kanyit liŋ. Julin kanyit liŋ aje dumba lepeŋ, a se poŋdi a merok kanyit.

³ Kötumit na Yuda aje joŋa i kulye juron sasanya ko a ri ’diki kita. Soŋinana nye si ’da i kiden na juron, ama a tine ryö pirit yukaet; a kasasanyak kanyit iŋge mok nye i pirit nagusu.

⁴ Kikolin lo tirikin Siona kulo dedelya ŋutu logon ködyö po i rorweki lo wulwe, kogwon ŋutu ’bayin; kötumitön kanyit liŋ aje kölöki ka ’de; a koanejin kanyit ’du ’duati ’du ’duatu, a kö ’disi kanyit iŋge sasanya parik, a nye ko mugun nanyit iŋge ŋoŋga parik.

⁵ Kaŋisak kanyit aje po a temejik, a merok kanyit iŋge puputuru ŋerot, kogwon MATAT aje tin lepeŋ i ŋoŋga kogwon toronjin kanyit nagon nye a kon aka kune gwe jore parik, a merok kanyit iŋge meyara ŋwajik kanyit i to ’dupien.

⁶ Kwelen na köji na Siona liŋ aje likin. Temejik kanyit aje wora gwoso ka ’bujin nagon ti ryo leme, a se iŋge wökön kaŋo a doddya ko katogorak i komor.

⁷ I kilu perok na gwoŋdi Yerusalema i delya ko i wörö abur nu, a lepeŋ iŋge yeyeju ŋo kanyit liŋ nakwekwelen ti diŋitan ti köju kunu. A nagon ŋutu kanyit aje moka ko merok nu, a lele ŋuto gwe ’bayin lo parakin-dya lepeŋ, a kaŋisak ko meddi lepeŋ i ’doro a kweni ’e kweni ’e lepeŋ.

⁸ Yerusalema aje toroŋdya parik, nyenagon a nye iŋge wora a lut; a ŋutu liŋ logon bu ’ya lepeŋ kulo ’dö ’döji lepeŋ, kogwon se aje met gwon nanyit a limu kana; iŋkoi, nye ko mugun ’du ’duatu, a löpuköddi komor nanyit a swöt.

⁹ Tolutan nanyit ’depakiŋdya kanyit i boŋgwat; a nye tine yeyeju tukara nanyit; nyenagon a ’doro nanyit gwe a ŋo sörit, a nye gwe ’bak lele ŋuto lo sugga lepeŋ. A köji gwine adi, A, pon MATAT, meddi ŋoŋga nio kogwon merok aje te ’ya!

¹⁰ Merok aje riöddu könisi kase i ryaggu na ŋo liŋ nakwekwelen ti köji, iŋkoi, köji aje met ŋutu ti jurön lupö i pirit nake na rurwan, kilo a ŋutu ti jurön logon do MATAT a teŋ i lupö konut i mo-moret kulo.

¹¹ ŋutu kanyit liŋ ’du ’duatu a se ga ’yi kinyo; a lepeŋat togwoji tukworienjin kase ko kinyo, anyen nyokuŋdyo riŋiton kase. A köji gwine adi, Mete met ’bura pon MATAT, ŋutu aje lanu nan!

¹² Ta ŋutu lo Iwoŋoddu kilo, kulya kwe ŋona ’bayin kasu le? Mete ta met ’bura ko nene delya kata gwoso na delyari nan na, nagon a jwe koyo ki na ŋina delya MATAT aje riŋga nan i lor lo woran nanyit na pape.

¹³ Ki yu nye a sunyuŋdyo kimaŋ kak a iŋge to ’dukin koyo i kuyu, a nye iŋge rikin birya koyo i mokosi; a nye iŋge lopukun nan bot; lepeŋ aje kolokin nan kana, a nan iŋge doddya tuparan liŋ.

¹⁴ Toronjin nagon nan a kon aka kune aje tora a gwuluŋi, MATAT aje torakin se i pirit na geleŋ a ’dukukiŋdye se koyo i murut, a nye tu ’baka ’yi riŋit nio; a nye pakiŋdye nan i konisi ti ŋutu logon nan ti jukin te ’ya kulo.

¹⁵ MATAT aje lauŋdya ŋutu walan kwe liŋ koyo kiden; a nye iŋge luŋgu lodir i moro ko nan ko i te ’ya na teton kwe. MATAT aje ryogga tumatyan na Yuda gwoso ŋuto lo ryogga ludweki ti binyo i pirit ryoket.

¹⁶ Nan gwigwien kogwon kune kulya, a konyen kwe ’bukuŋdye a politan; kogwon kasukanit logon kodyo toluduggo yeyeesi kwe lo gwon pajo koyo; a ŋwajik kwe iŋge koloki ka ’de, kogwon merok aje te ’ya.

¹⁷ Siona mamaŋdu ko konisi kanyit, ama a lele ŋuto gwe ’bayin lo sugga lepeŋ; MATAT aje saŋu maratejin ti kotumit na Yakobo anyen moro ko kotumit na Yakobo. Yerusalema momon kase kiden gwoso boŋgo kereketo.

¹⁸ A köji gwine adi, MATAT a lo rigwo nan aje renya saresi kanyit; ama ta ŋutu liŋ ti juron yiŋge ta, ko meddi ta ŋoŋga nio; kö ’disi kwe se ko teton kwe aje joŋa i to ’dupien.

¹⁹ Nan a luŋgu kanyarak kwe ama a se mumuluŋge nan, a koanejin kwe se ko ŋutu kwe temejik iŋge twatwa köji kata, na ga ’yi se kinyo anyen nyokuŋdyo riŋiton kase nu.

²⁰ Mete pon MATAT, nan na gwe i delya, monyet kwe mimien a toili lio iŋge lwo ’yu kogwon nan a karenyanit duma ŋutu tatatua ko baŋdujin kaŋo yu, a twan gwe kata i lukata na kadi.

²¹ Yiŋge nan i ’dua; lele ŋuto ’bayin logon sugga nan. Merok kwe liŋ aje yiŋ ŋoŋga nio a se iŋge lyoŋon kogwon do aje konakin nan sona. Tiŋdi lor logon do aje wulun lo anyen se gwon gwoso na gwoŋdi nan na.

²² Ti konesi kase narok liŋ ’dure konut i komor; ti do konaki se gwoso na koŋdi do nan na, kogwon toronjin kwe liŋ nagon nan a kon aka kune, kogwon nan ’du ’duatu parik a toili lio doddi doddya.