3 Yoane 1 - Bibilia Buk na Ŋun nagon koti luŋu a

Romesi

¹ Nan temejiktyo roman ko do Gayo lo nyanyara, logon nan nyanyar lo i kulya ti to ’diri.

² Ju lio lo nyanyara, nan momo ’yu Ŋun adi ti mugun inot gwe a na ’but ko ti do gwe ’bura i ŋo liŋ, gwoso na gwoŋdi do a lo ’but i toili na.

³ Nan a lyoŋon parik i diŋit na ’durokiŋdye luŋasirik kayupok a nyonyöggi kulya ti to ’diri inot nu. Iŋkoi, do ’diri gwolor i kulya ti to ’diri.

⁴ Nene ŋo ’bayin nagon tulyöŋgu nan parik lwölwöŋ i yiŋga nio adi ŋwajik kwe gwolor i kulya ti to ’diri.

Yoane pupurja Gayo

⁵ Ju lio lo nyanyara, do yiyiniki ’bura i ŋo lio nagon do konakin luŋasirik kayupök ma ’di nagon lepeŋat a lepelok.

⁶ Lepeŋat a nyönyöggu nyaŋu inot i komor na ŋutu lo momora a kanisa kulo. Ŋaraki lepeŋat i jölö nase i ŋo lio nagon jujukin tulyöŋgu Ŋun logon yi kitakiŋdya lepeŋ lo.

⁷ Lepeŋat jölö kogwon kulya ti Kristo, a se gwe a ko wuju nene ŋariet ko paganojin.

⁸ Nyena yi ködyö parakiŋdya ŋutu gwoso kilo anyen yi böŋö kwekiŋdya ’börik adi yi parundya kita na kulya ti to ’diri.

Kulya ti Diotrepi se ko Demetrio

⁹ Nan aje wulökin kanisa waraga, ama Diotrepi logon nyanyar gwon a lo kokwe lo lepeŋat liŋ lo ti ’bon yiŋga yi.

¹⁰ Nyena ko nan a tu kasu ŋani, nan mo totoyiyikin ta ŋo nagon lepeq kökon kine. Lepeŋ jambu kulya manesi nagon a na ’boŋ i kulya kaŋ. Lepeŋ ti yimono ko kine kulya, ama a lepeŋ renyani wuju luŋasirik logon a kayupok kulo, a teŋgi ma ’di Ŋutu logon kodyo ’de ’dekan wuju se kulo, a rikoddi se kaŋo i kanisa.

¹¹ Ju lio lo nyanyara, an do ko mirakiŋdya no nagon a narok kine, kolumbo mirakiŋdye ŋo nagon a na ’but. Nye logon koŋdya ŋo na ’but lo a lo Ŋun, ama nye logon koŋdya ŋo narok lo lepeŋ kwoŋ a ko met Ŋun.

¹² Ŋutu liŋ a tökoŋu kulya ti Demetrio adi lepeŋ a lo ’but; koti kulya ti to ’diri tökoŋu sona. Iŋkoi, a yi koti tokoŋ kulya kanyit a na ’but, a do dene den adi yi tökoŋu a gwak.

Romesi ti ’dutet

¹³ Nan kata ko kulya jore nagon nan ’dek wurokiŋdyo do, ama nan ti ’bon wuŋo ko galam lo iŋka.

¹⁴ Nan yeŋdu meddya do i diŋit a na ’dit a yi mo tu jambi ko do a lokomor.

¹⁵ Ti taliŋ gwe ko do. Julin lo gwon ni kulo roman ko do. Rombi julin kaŋ liŋ geleŋ geleŋ ko karin kase.