Yahouza 1 - Bible bil 3arabe App

Ta7iyye

¹ Min Yahouza khadim YASOU3 el-MASI7 w-khayye Ya3koub la-yalle da3ehon ALLAH el-Ãb w-7abbon w-7afazon la-YASOU3 el-MASI7.

² Elkon el-ra7me wel-salem wel-ma7abbe.

El-Mou3allimin el-kezzebin

³ 3ende shaw2 kbir, ya a7ebbe2e, enno ektebelkon bi-khsous khalãsna el-moushtarak, min ba3d ma 7asseyt bi-darouret teshji3kon 3ala el-jihed kermel el-imen yalle tsallamouh el-2eddisin bel-kemil,

⁴ li2anno fi nes ejo la-3anna, w-henne ashrar 3am bi7awwlo ne3met Ilehna la-foujour w-3am yenekro Sayyidna w-RABNA el-wa7ad YASOU3 el-MASI7, w-2asãson maktoub min zamen.

⁵ W-ma3 ennkon bta3erfo hal-shi ktir mni7, badde enno tetzakkaro keef el-RAB, min ba3d ma khallas sha3bo min ard Masr, ahlak el-mish mou2minin bayneton,

⁶ w-keef enno, lamma tkhallo kamm wa7ad min el-maleyke 3an matra7on w-tarako matra7on, khallehon la-yawm el-deynoune el-3azeem bi-2ouyoud abadiyye bi-a3me2 el-3atme.

⁷ W-nafs el-shi Sadoum w-3amoura wel-moudon el-7adda t7ammalo 3azèb el-nar el-abadiyye lamma staslamo lal-da3ara wel-shahawet el-jasadiyye yalle bitkhelif el-tabi3a, w-keno 3ebra la-ghayron.

⁸ W-zet el-shi, hal-ashkhas, bi-halwaseton, bidannso el-jesm, w-bye7te2ro siyedet ALLAH, w-bihino el-makhlou2at el-samewiyye el-majide,

⁹ ma3 enno Mikha2il ra2is el-maleyke, lamma t2ãtal ma3 eblees w-jedalo bi-mas2alet jesm Moussa el-mayyit, ma tjarra2 enno ydeen eblees bi-kelme mouhine, 2allo: "khalle ALLAH y7esbak!"

¹⁰ W-hawdik el-ashkhas bihino yalle byejhalouh, wel-shi yalle bya3erfouh bel-gharize houe metl ma3rifet el-7ayawenet yalle ma 3enda 3a2l w-bi-sababo ray7in 3al-halek.

¹¹ Ya weylon! Meshyo metl Kayeen w-staslamo lal-daya3 metl Bal3am tama3an bel-reb7 w-meto bi-tamarredon metl ma met Koura7.

¹² Mnekhjal fiyon bi-waleyem el-ekhwe, byetlazzazo kellon bidoun ma yeste7o, w-bishabb3o faja3on. Henne metl ghyoum ma fiya may bitmashiya el-ree7. Henne metl ashjar khareef ma fiya thamar, metit marteyn w-nshelit min jouzoura.

¹³ Henne metl mawj el-ba7r el-heyje, btekshof 3an 3aron. Metl njoum day3a, massira el-abade a3me2 el-3atme.

¹⁴ W-tnabba 3annon Akhnoukh el-bayy el-sebi3 min ba3d Ãdam lamma 2al: "ettalla3o! Eja el-RAB ma3 oulouf 2eddisih

¹⁵ ta-y7esib kell el-bashar w-ydeen el-ashrar kellon 3ala kell sharr 3emlouh w-kell kelme 3atle 2alouwa 3le hal-ashkhas el-khatyeen el-fejjar."

¹⁶ Henne bibarebro w-byeshteko w-byetba3o shahaweton w-bye7ko kalem ma elo ma3na w-biseyro el-nes 3an masla7a.

Tenbih w-tewjih

¹⁷ Tzakkaro, ya a7ebbe2e, yalle tnabba 3anno rousl RABNA YASOU3 el-MASI7,

¹⁸ lamma 2alo: "ra7 yeje bi-ekher el-zamen moustahzi2in byetba3o shahaweton el-sherreera."

¹⁹ Henne yalle bisabbebo el-in2isam, byel7a2o gharizeton w-ma fiyon rou7.

²⁰ Bass ento ya a7ebbe2e, bnou 7alkon 3ala imenkon el-m2addas, w-sallo bel-ROU7 el-2ODOS

²¹ w-7mou 7alkon bi-ma7abbet ALLAH w-ntero ra7met RABNA YASOU3 el-MASI7 kermel el-7ayet el-abadiyye.

²² R7amo el-mraddadin,

²³ w-khallso el-be2yin w-najjouwon min el-nar, w-r7amo el-be2yin ento w-3am bikhafo ALLAH, bass bghodo 7atta el-tawb yalle jesmon dannaso.

Sala w-shokr

²⁴ Lal-edir enno ye7mikon min enno tou2a3o w-ywa2efkon eddem majdo fer7anin, ma fi lawm 3leykon,

²⁵ lal-Ileh el-wa7ad moukhallisna bi-YASOU3 el-MASI7 RABNA, el-majd wel-jalel wel-2ouwwe wel-soultan, abl kell zamen w-halla2 w-lal-abad. Ãmin.