Ya3koub 1 - Bible bil 3arabe App

Ta7iyye

¹ Min Ya3koub khadim ALLAH wel-RAB YASOU3 el-MASI7 lal-mou2minin el-mshattatin min 2abeyel wled Isra2il el-tna3sh. Salem.

El-imen wel-7ekme 1

² Fra7o ktir, ya ekhewte, lamma btou2a3o bi-moukhtalaf anwe3 el-me7an.

³ Ento bta3erfo enno lamma hal-me7an tekhtebir imenkon byoulad el-sabr.

⁴ Khalle el-sabr yshajje3kon 3a-3amal el-kheyr 7atta tsiro kemleen min kell el-nawe7e, bidoun ayy lawm.

⁵ W-eza ken 7ada minkon na2seto el-7ekme, khallih yetloba min ALLAH, se3eta byekheda, li2anno ALLAH bya3te bi-karam w-ma biloum.

⁶ W-khalle yetloba bi-imen ma fiyo shakk, li2anno yalle bishekk byeshbah mawj el-ba7r eza akhadeto el-ree7 w-jebeto bitfawwro.

⁷ W-ma yeftekir metl hal-shakhs enno ra7 yo7sal 3a-shi min el-RAB,

⁸ li2anno houe 2ensen ra2yo ma2soum mraddad bi-kell shi bya3emlo.

El-fa2ir wel-ghane

⁹ Khalle el-khayy el-meskin yeftekhir lamma byet3alla,

¹⁰ wel-ghane lamma byetnazzal, li2anno el-ghane metl zahr el-3eshb bizoul:

¹¹ bteshro2 el-shams bi-7arareta w-byeebas el-3eshb, w-biherr zahro w-birou7 jamelo. Nafs el-shi byedbal el-ghane lamma ykoun mettekhad bi-a3melo.

El-me7ne wel-tajribe

¹² Niyyel yalle byesbor 3al-me7ne, li2anno eza mtou7in byekhod eklil el-7ayet yalle el-RAB wa3ad fih yalle bi7ebbouh.

¹³ W-eza wa2a3 7ada bi-me7ne, ma y2oul: "hayde me7ne min ALLAH!" Li2anno ALLAH ma byemte7no el-sharr w-ma byemte7en 7ada bel-sharr,

¹⁴ bass el-shahwe btemte7en el-2ensen lamma bteghrih.

¹⁵ Wel-shahwe eza 7eblet waladit el-khatiyye, wel-khatiyye eza nodjit waladet el-mawt.

¹⁶ Ma tenkhed3o, ya ekhewte el-a7ebba,

¹⁷ kell 3atiyye sal7a w-kell mawhabe kemle btenzal min fo2, min 3end bayy el-nour. W-houe yalle ma byetghayyar wala byebrom wala bikebb 3atmet khyelo

¹⁸ arad enno youladna bi-kelmet el-7a2 ta-nkoun bakoura la-khaley2o.

Sma3o w-3melo

¹⁹ 3rafo hal-shi, ya ekhewte el-a7ebba, khalle kell wa7ad minkon ykoun jehiz enno yesma3 mish deghre ye7ke, mish deghre yeghdab,

²⁰ li2anno ghadab el-2ensen ma bya3mil el-sa7 3end ALLAH.

²¹ Rfedo kell danas w-kell shi be2e min el-sharr, w-t2abbalo bi-wade3a el-kalem yalle ALLAH 3am yezra3o fikon, el-edir enno ykhallis nfouskon.

²² Bass ma tektefo bi-same3 kalem ALLAH bidoun el-3amal fih se3eta btekhda3o nfouskon.

²³ Yalle byesma3 el-kalem w-ma bya3mil fih bikoun metl yalle 3am yettalla3 bel-mreye 3ala souret wejjo,

²⁴ byettalla3 3ala 7alo w-byemshe, w-ba3den byensa deghre keef ken.

²⁵ Bass yalle byettalla3 bel-shari3a el-kemle, shari3et el-7orriyye, w-bidewim 3leya, mish byesma3 w-byensa, w-bya3mil fiya, niyyelo bi-yalle 3am ya3emlo.

²⁶ W-yalle mfakkar 7alo metdayyen w-houe ma bisoun lseno, khada3 nafso w-ken deeno batel.

²⁷ El-deen el-taher el-na2e 3end ALLAH bayyna houre enno yehtamm el-2ensen bel-yatema wel-araml bi-di2eton, w-enno ysoun nafso min danas el-3alam.