Roma 1 - Bible bil 3arabe App

¹ Min Boulos khadim el-MASI7 YASOU3, yalle ejeto da3we min ALLAH ta-ykoun rasoul, w-tna'2a lal-tebshir bi-injil ALLAH,

² yalle ken wa3ad fih bi-wastet anbiye2o bel-ketob el-m2addase,

³ yalle 7eke fih 3an 2ebno yalle welid min sleelet Daoud 7asab el-tabi3a el-bashariyye,

⁴ w-bel-ROU7 el-2ODOS tbayyan enno 2eben ALLAH bi-2ouwwet 2iyemto min el-mawt, w-houe RABNA YASOU3 el-MASI7,

⁵ yalle bi-wasteto 7solt 3al-ne3me wel-risele, la-majd esmo, ta-ehde el-oumam lal-imen wel-ta3a,

⁶ w-ento kamen min bayneton, da3ekon ALLAH ta-tkouno la-YASOU3 el-MASI7,

⁷ la-kell yalle bi7ebbon ALLAH bi-Roma, el-mad3ouwwin la-ykouno 2eddisin: elkon el-ne3me wel-salem min ALLAH bayyna w-min RABNA YASOU3 el-MASI7.

Raghbit Boulos bi-ziyaret Roma

⁸ Abl kell shi beshkor Ilehe YASOU3 el-MASI7 kermelkon kellkon, li2anno imenkon ntashar khabaro bel-3alam kello.

⁹ W-ALLAH yalle be3bado bi-rou7e 7asab injil 2ebno byesh'hadle enno 3am bezkerkon bi-kell wa2et.

¹⁰ W-bes2al ALLAH bi-salawate enno ysorle, eza ALLAH rad, enno eje la-3andkon.

¹¹ W-ana meshte2 enno shoufkon ta-sherekkon bi-mawhabe rou7iyye t2awwikon,

¹² w-kamen ta-nshajji3 ba3dna, ana w-3endkon, bel-imen el-moushtarak bayne w-baynkon.

¹³ W-ma bekhfe 3leykon, ya ekhewte, enno 2arraret marrat ktire enno eje la-3andkon ta-yethmor 3amale 3endkon metl ma athmar 3end be2e el-oumam, bass la-7add halla2 ken fi shi 3am yemna3ne.

¹⁴ 3leyye dayn la-kell el-nes, min Youneniyye w-ghayr Youneniyyin, w-min el-m3allamin wel-jehhel.

¹⁵ Kermel hek berghab enno basherkon kamen, ento yalle bi-Roma.

2ouwwet el-bishara

¹⁶ W-ana ma beste7e bi-injil el-MASI7, houe 2ouwwet ALLAH la-khalãs kell meen 2ãman, lal-Yahoude awwal shi w-min ba3da lal-Younene,

¹⁷ li2anno bi-hal-injil a3lan ALLAH keef byetbarrar el-2ensen: min imen la-imen, metl ma 2al el-kteb: "el-barr bel-imen bi3ish."

Ghadab ALLAH

¹⁸ Fa-ghadab ALLAH mou3lan min el-sama 3al-kefr wel-sharr yalle bya3mlouh el-nes, w-bi7otto el-7a2 ta7t ra7met el-zolm,

¹⁹ li2anno yalle ma bye2daro el-bashar ennon ya3erfouh 3an ALLAH khalleh ALLAH ktir wade7 la-elon.

²⁰ Fa-min bideyet el-3alam, yalle ma byenshef min sifat ALLAH, ye3ne 2ederto al-azaliyye w-oulouhto, el-3ou2oul 3am bishoufouh min khilel makhlou2ato, w-la-hal-sabab ma ba2a 3endon 3ezr,

²¹ 3erfo ALLAH, w-ma majjadouh wala shakarouh ka-Ileh, bel-3aks da3o bi-afkaron el-batle wel-ghabewe 3emyetlon 2albon.

²² Fakkaro 7alon ennon 7oukama, saro jehhel,

²³ W-stabdalo majd ALLAH el-abade bi-soura bitmassel el-2ensen el-fene wel-3safeer w-yalle byemsho 3al-arb3a w-yalle byez7afo.

²⁴ Kermel hek sallamon ALLAH bi-shahawet 2loubon lal-najase ta-y7a'2ro jesmon bi-jesmon.

²⁵ W-baddalo 7a2i2et ALLAH bel-batel w-3abado el-makhlou2 w-khadamouh badal el-khale2, yetberak lal-abad, ãmin.

²⁶ Kermel hek sallamon ALLAH lal-shahawet yalle bitkhajjil, neswenon badal ma yesta3mlo jesmon bi-tari2a tabi3iyye, saro yesta3mlouh bi-tari2a mkhalfe lal-tabi3a,

²⁷ W-kamen el-rjel tarako el-3ale2a ma3 el-mara w-sar 3endon shahwe 3ala ba3d. El-rejjel tfe7ash ma3 el-rejjel 7atta st7a'2o ennon yet2ãsaso bi-shakhson el-2asãs el-3adel la-in7irafon.

²⁸ W-li2annon rafado ennon ye7tefzo bi-ma3rifet ALLAH, sallamon ALLAH la-fased 3ou2oulon, w-ra7o ya3emlo el-eshya el-3atle.

²⁹ W-ntalo bi-kell anwe3 el-khatiyye wel-sharr wel-tama3 wel-fased, w-fadet nfouson 7asad w-2atl w-khisam w-kezb w-fased.

³⁰ Henne thertharin w-nemmemin, a3de2 ALLAH, shettemin metkabrin met3ajerfin byekhla2o el-sharr w-byenkro ahlon.

³¹ Bidoun fehm wala wafa wala 7anen wala ra7me,

³² w-ma3 ennon bya3erfo enno ALLAH 7akam bel-mawt 3a-yalle bya3mil metl hal-a3mel, ma mtana3o enno ya3emlouwa, bel-3aks byordo kamen 3an yalle bya3mil hal-a3mel.