Mercos 1 - Bible bil 3arabe App

You7anna el-ma3maden

¹ Bideyet injil YASOU3 el-MASI7 2eben ALLAH,

² metl ma katab el-nabe Ashe3ya: "ra7 eb3at rasoule eddemak ta-y7addir el-tari2

³ sawt 3am binede bel-barriye: 7addro tari2 el-RAB, w-khallo tor2ato jelse."

⁴ W-zahar Youhanna el-Ma3maden bel-barriye 3am binede la-ma3moudiyyet el-tawbe la-ghofran el-khataya.

⁵ W-keno yejo la-3ando min kell manate2 el-Yahoudiye w-Ourashalim w-y3ammedon bi-nahr el-Ordon, w-ye3terfo bi-khatayahon.

⁶ W-ken You7anna yelbos tyeb min wabr el-jamal, w-3ala khasro zennar min jeled, w-byekol jarad w-3asal barri.

⁷ W-ken ybasher w-y2oul: "ra7 yeje min ba3de 7ada a2wa minne. Ma bets7e2 en7ene w-fekk shrit sandalo.

⁸ Ana 3ammadetkon bel-may, bass houe bi3ammedkon bel-ROU7 el-2ODOS."

You7anna bi3ammed YASOU3

⁹ Bi-haydik el-iyem eja YASOU3 min el-Nassira lal-Jaleel, w-t3ammad 3a-2id You7anna bi-nahr el-Ordon.

¹⁰ W-lamma toli3 YASOU3 min el-may shef el-sama maftou7a w-ROU7 el-2ODOS 3am yenzal 3le bi-shakl 7amemeh.

¹¹ W-2al sawt min el-sama: "enta 2ebne el-7abib, yalle rdeet 3anno."

El-Shaytan bijarreb YASOU3

¹² W-akhado el ROU7 el-2ODOS 3al-barriye,

¹³ w-be2e fiya arb3een yawm 3am bijarrbo el-shaytan. W-ken honik ma3 el-7ayawenet el-barriye. W-kenit el-maleyke 3am tekhedmo.

YASOU3 bel-Jaleel: awwal tlemiz

¹⁴ Min ba3d ma n7abas You7anna, eja YASOU3 3al-Jaleel ta-ybasher bi-ALLAH,

¹⁵ w-y2oul: "el-wa2et eja w-2arrab malakout ALLAH. Toubo w-2ãmno bel-injil."

¹⁶ W-houe w-meshe 3ala shatt ba7r el-Jaleel, shef sayyadin, henne Sem3an w-khayyo Endrawos 3am bizetto el-shabake bel-ba7r,

¹⁷ 2allon YASOU3: "l7a2oune ra7 a3mil minkon siyyadin bashar."

¹⁸ Tarako shbekon deghre w-le7'2ouh.

¹⁹ W-meshe shwey, w-shef Ya3koub 2eben Zabada w-khayyo You7anna, w-keno bel-shakhtoura 3am bi-sall7o shabaketon.

²⁰ W-shi enno 2allon ta3o, tarako bayyon Zabada bel-shakhtoura ma3 yalle 3am bise3douh w-le7'2ouh.

YASOU3 byesh7at rou7 sharr

²¹ W-ejo 3a-Kfarna7oum, w-fet YASOU3 3al-majma3 nhar el-sabt w-sar y3allim.

²² W-t3ajjabo min ta3limo, li2anno ken y3allimon metl yalle 3endo soultan, mish metl be2e mou3allimi el-shari3a.

²³ W-ken fi bel-majma3 rejjel fiyo rou7 sharr, sar ysarrekh:

²⁴ "Shou elak 3leyna, ya YASOU3 el-Nassire? Jeet la-tmawwetna? Ana ba3rif enta meen: enta 2ouddous ALLAH!"

²⁵ Haddado YASOU3, w-2al: "khras w-dhar min hal-rejjel!"

²⁶ Sar el-rou7 el-sharr ykhalle el-rejjel yerjof, w-sarakh sarkha 2awiye w-dahar minno.

²⁷ W-t3ajjabo el-nes kellon w-sa2alo 7alon: "shou hayda? El-hay2a fi ta3lim jdid 3am yen3ata bi-soultan? 7atta arwe7 el-sharr bye2mera w-bitee3ouh!."

²⁸ W-shtahar esm YASOU3 bi-kell manate2 el-Jaleel.

Shife2 7amet Boutros

²⁹ W-lamma fall min el-majma3, eja YASOU3 ma3 Ya3koub w-You7anna 3a-beyt Sem3an w-Endrawos.

³⁰ W-kenit 7amet Sem3an neyme bel-farshe ma7moume, w-khabbarouh 3anna.

³¹ 2arrab minna YASOU3 w-masakla 2ida w-khalleha t2oum. Se3eta 7allet 3anna el-7emme w-saret tekhdemon.

³² W-lamma sar 3ashiye, min ba3d ghroub el-shams, jeboulo kell el-marda w-yalle fiyon shyateen.

³³ W-jtama3o ahl el-madine kellon 3al-beb,

³⁴ w-shafa ktar min nes ktir mensabe bi-3eddit amrad, w-sha7at ktar min el-shyaten, w-mana3 el-shyateen enno ye7ko 3anno li2annon 3erfo meen houe.

El-tebshir bel-Jaleel

³⁵ W-2am YASOU3 abl tlou3 el-daw, w-ra7 3a-matra7 ye2dar fih ykoun wa7do, w-sar ysalle honik.

³⁶ Fattasho 3le Sem3an w-rfe2o,

³⁷ w-lamma le2ouh 2aloulo: "kell el-nes 3am tfattish 3lek!"

³⁸ 2allon: "ta3o nrou7 3al-diya3 el-2aribe 7atta kamen basher fiya, li2anno kermel hal-shi jeet."

³⁹ W-baram bi-kell manate2 el-Jaleel, ybasher bel-majeme3 w-yesh7at el-shyateen.

Shife2 abras

⁴⁰ W-eja la-3ando abras raka3lo w-sar yetrajje w-y2ello: "eza baddak fik teshfine."

⁴¹ Shef2 3le YASOU3 w-madd 2ido w-lamaso w-2allo: "Ana badde, shfa!"

⁴² W-deghre nshafa el-abras.

⁴³ 7azzaro YASOU3 w-fallalo,

⁴⁴ min ba3d ma 2allo: "ou3a tkhabbir 7ada bi-shi. Bass rou7 3end el-kehen w-farjih 7alak, w-2addem el-shi yalle farado Moussa, ta-ykoun shahede elon."

⁴⁵ Bass el-rejjel ra7 w-sar ynede w-yenshor el-khabar. La-daraje enno ma ba2a edr YASOU3 yfout 3ala ayy madine. W-2a3ad bel-matare7 el-mahjoura. W-keno el-nes yejo la-3ando min wayn ma ken.