Lou2a 1 - Bible bil 3arabe App

Mou2addame

¹ Li2anno ktar min el-nes saro yeketbo 2ossit el-a7des yalle saret 3enna,

² metl ma na2alna yeha yalle keno min el-bideye shouhoud 3ayen w-kheddem lal-kelme,

³ sheft ana kamen, min ba3d ma le7a2et kell shi min awwalo w-da2a2et fih, enno ekteblak henne wara ba3d, ya sa7ib el-sharaf Tawfilos,

⁴ 7atta tet2akkad min 7a2i2et el-ta3lim yalle sme3to.

El-bishara bi-miled You7anna

⁵ Ken 3ala iyem Hirodos malik el-Yahoudiye kehen min fer2et Abiyya esmo Zakariyya, 3endo zawje min sleelet Haroun esma Elisabat.

⁶ W-keno Zakariyya w-Elisabat sal7in eddem ALLAH, 3ayshin 7asab a7kemo w-wassayah, bidoun lawm.

⁷ W-ma ken 3endon walad, li2anno Elisabat kenit ma tjeeb wled, w-kenit hiye w-Zakariyya kbar bel-3omr.

⁸ W-lamma Zakariyya ken 3am bimeres khedmto el-kahnoutiye eddem ALLAH, wel-dawr dawr fere2to,

⁹ wa2a3et el-2or3a 3le, 7asab el-3ade bel-kahnout, enno yfout 3a-2ods a2des haykal el-RAB w-ye7ro2 el-bakhour.

¹⁰ W-ken el-sha3b 3am bisalle barra lamma ken 3am ye7ro2 el-bakhour.

¹¹ Zaharlo malèk el-RAB w-we2f 3ala yameen mazba7 el-bakhour.

¹² W-lamma shefo Zakariyya edtarab w-khaf.

¹³ 2allo el-malèk: "ma tkhaf ya Zakariyya, li2anno ALLAH sem3 salatak w-ra7 twallid martak Elisabat 2eben w-bitsammih You7anna.

¹⁴ W-ra7 tefra7 fih w-t'hallel, w-byefra7 bi-miledo ktar min el-nes,

¹⁵ li2anno bikoun 3azeem 3end el-RAB, ma ra7 yeshrab nbeed wala mashroub bisakker, byentele min el-ROU7 el-2ODOS houe w-bi-batn emmo,

¹⁶ w-ra7 yredd ktar min wled Isra2il lal-RAB Ilehon,

¹⁷ w-ra7 yemshe eddem ALLAH bi-rou7 Eliyya w-2ouwwto, la-ysale7 el-bayyet ma3 wledon wel-metmarrdin yreddon la-7ekmet el-abrar, w-y7addir lal-RAB sha3b ykoun mist3edd."

¹⁸ 2al Zakariyya lal-malèk: "keef ra7 ysir hal-shi w-ana sheykh kbir w-marte kbire bel-3omr?"

¹⁹ Jewabo el-malek: "Ana Gebra2il el-we2if eddem ALLAH, w-houe ba3atne ta-e7kik w-e7mellak hal-boushra"

²⁰ bass li2annak ma 2ãmanet bi-kaleme, ra7 tsir akhras, w-ma ra7 te2dar te7ke la-yawm ma ysir hal-shi, w-kaleme ra7 ysir bi-wa2to."

²¹ W-ken el-sha3b nater Zakariyya w-met3ajjab leysh t2akhar jouwwa.

²² W-lamma dahar, ma ken 3am ye2dar ye7kiyon, w-fehmo enno shef rou2ya jouwwet el-haykal. W-ken 3am ye7ke bel-ishara, w-be2e akhras.

²³ W-lamma kholis min iyem khedemto reje3 3ala beyto.

²⁴ W-min ba3d medde 7eblet marto Elisabat, w-dallet khams tesh'hor mkhabbiyye 7abala. W-kenit t2oul:

²⁵ "Hayda yalle 3atane yeh el-RAB yawm ettalla3 fiyye ta-ysheel 3anne el-3ar min bayn el-nes."

El-bishara bi-miled YASOU3

²⁶ Lamma kenit Elisabat bi-shahra el-sedis, ba3at ALLAH el-malèk Gebra2il 3ala balde bel-Jaleel esma el-Nassira,

²⁷ la-3and 3adra esma Maryam, kenit makhtoube la-rejjel min beyt Daoud esmo Youssef.

²⁸ Fet la-3anda el-malèk w-2alla: "el-salem 3leyke, ente yalle an3am ALLAH 3leya. ALLAH ma3ik."

²⁹ Tlabbakit Maryam la-kalem el-malek w-2alet la-7ala: "shou ma3na hal-salem?"

³⁰ 2al el-malèk: "ma tkhafe ya Maryam, li2anno ALLAH an3am 3leyke:

³¹ ra7 te7bale w-twalde 2eben w-tsammih YASOU3.

³² W-ra7 ykoun 3azeem w-yetsamma 2eben ALLAH, w-ra7 ya3tih el-RAB el-Ileh 3arsh bayyo Daoud,

³³ w-byemlok 3ala beyt Ya3koub lal-abad, w-ma bikoun la-melko niheye!"

³⁴ 2alet Maryam lal-malèk: "keef baddo ysir hal-shi w-ana 3adra ma ba3rif rejjel?"

³⁵ Jewaba el-malèk: "el-ROU7 el-2ODOS bi7ell 3leyke, w-edrit ALLAH bteghemrik, kermel hek el-2ouddous yalle ra7 youlad minnik byetsamma 2eben ALLAH.

³⁶ Hayde 2arabtik Elisabat 7eblit 3a-kabar, w-3a7 tjeeb sabe, w-saret bi-shahra el-sedis, w-hiye yalle keno ysammouha el-nes 3aker.

³⁷ Ma fi shi mousta7il 3end ALLAH."

³⁸ 2alet Maryam: "Ana khãdmet el-RAB: nshalla ysirle metl ma 3am bit2oul." W-ra7 min 3enda el-malek.

Maryam 3end Elisabat

³⁹ W-bi-haydik el-iyem, 2amet Maryam bi-ser3a w-ra7it 3ala madinet Yahouza bi-jbel el-Yahoudiye.

⁴⁰ W-fetit 3a-beyt Zakariyya w-sallamet 3ala Elisabat.

⁴¹ Lamma sem3it Elisabat salem Maryam, t7arrak el-janin bi-batna, w-ntalet min el-ROU7 el-2ODOS,

⁴² w-sarakhit bi-a3la sawta: "moubaraka ente bayn el-neswen w-moubarak 2ebnik yalle 7ameltih bi-batnik!

⁴³ Meen ana 7atta teje la-3ande emm RABBE?

⁴⁴ Shi enne sme3t sawt salemik 7atta t7arrak el-janin min el-fara7 bi-batne.

⁴⁵ Niyyelik, ente yalle 2ãmante enno yalle 2alo el-malèk min 2ebal el-RAB ra7 yet7a'2a2."

Nashid Maryam

⁴⁶ 2alet Maryam: "nafse bit3azzim el-RAB

⁴⁷ w-rou7e btefra7 bi-ALLAH yalle khallasne

⁴⁸ li2anno ettalla3 fiyye, ana khadmeto el-metwad3a! Kell el-ajyel ra7 ettawwebne

⁴⁹ li2anno el-2adeer 3eml kermele eshya 3azeeme. W-esmo 2ouddous

⁵⁰ w-ra7emto min jeel la-jeel la-yalle bikhafouh.

⁵¹ Bayyan kell ederto w-shattat el-mitkabreen bi-2loubon.

⁵² Nazzal el-mitsalltin 3an 3roushon w-3alla el-metwad3in.

⁵³ Shabba3 el-jou3aneen min khayrato w-radd el-aghniya fadyin.

⁵⁴ Se3ad khadmo Isra2il w-tzakkar ra7emto,

⁵⁵ tijeh Ibrahim w-sleelto lal-abad, metl ma wa3ad bayyetna."

⁵⁶ W-be2yit Maryam 3end Elisabat shi tlet tesh'hor, w-ba3den rej3it 3ala beyta.

Miled You7anna el-ma3maden

⁵⁷ W-eja el-wa2et yalle ra7 twalled fih Elisabat 2ebna.

⁵⁸ W-sem3o jirana w-2raybina enno ALLAH ghamara bi-ra7emto, fa-fer7o ma3a.

⁵⁹ W-lamma sar 3omr el-tofl tmen tiyyem, ejo la-yekhetnouh. W-ken baddon ysammouh Zakariyya 3a-esm bayyo,

⁶⁰ 2alet emmo: "la2, badna nsammih You7anna."

⁶¹ 2aloula: "ma 7ada min 2raybinik esmo hek."

⁶² W-sa2alo bayyo bel-ishara shou baddo ysamme el-tofl,

⁶³ talab law7 w-katab 3le: "esmo You7anna." T3ajjabo kellon.

⁶⁴ W-deghre nfata7 temmo w-ntala2 lseno w-sar ye7ke w-ymajjed ALLAH.

⁶⁵ W-khafo kell el-jiran. W-7ekyo el-nes bi-kell hal-eshya bi-jbel el-Yahoudiye kella.

⁶⁶ W-ken kell meen yesma3 fiya ye7faza bi-2albo w-y2oul: "shou ra7 yetla3 min hal-tofl?" li2anno 2id el-RAB kenit ma3o.

Nashid Zakariyya

⁶⁷ W-ntala Zakariyya min el-ROU7 el-2ODOS, tnabba w-2al:

⁶⁸ yetberak el-RAB, Ileh Isra2il li2anno staf2ad sha3bo w-khallaso,

⁶⁹ w-3ayyanelna moukhallis 2adeer bi-beyt khadmo Daoud

⁷⁰ metl ma wa3ad min zamen 3a-lsen anbiye2o el-2eddissin

⁷¹ enno ykhallisna min a3de2na, w-min 2iden kell yalle byekrahouna,

⁷² w-bayyan ra7emto la-bayyetna w-tzakkar 3ahdo el-m2addas

⁷³ wel-7elfen yalle 7alafo la-Ibrahim bayyna

⁷⁴ bi-enno ykhallisna min a3de2na, 7atta ne3bado bidoun khawf,

⁷⁵ bi-2adese w-ta2wa kell iyem 7ayetna.

⁷⁶ W-enta, ya hal-tofl, bisammouk nabe ALLAH, li2annak ra7 temshe eddem wejj el-RAB ta-t7adderlo el-tari2

⁷⁷ w-t3allim sha3bo enno el-khalãs houe bi-ghofran khatayahon.

⁷⁸ Li2anno Ilehna ra7oum 7anoun byestaf2edna houe w-3am yeshro2 3leyna min fo2

⁷⁹ la-ydawwe lal-2e3deen bel-3atme w-bimashina 3a-tari2 el-salem."

⁸⁰ W-ken el-tofl 3am yekbar w-rou7o te2wa. W-sakan bel-barriye la-yawm yalle a3lan 7alo la-Isra2il.