Ghalatya 1 - Bible bil 3arabe App

Ta7iyye w-salem

¹ Minne ana Boulos, yalle houe rasoul mish min 2ebal el-nes wala bi-iradet 2ensen, rasoul bi-da3we min YASOU3 el-MASI7 w-ALLAH el-Ãb yalle 2awwamo min el-mawt,

² w-min kell el-ekhwe yalle ma3e, la-kaneyes Ghalatya.

³ Elkon el-ne3me wel-salem min ALLAH bayyna w-min el-RAB YASOU3 el-MASI7,

⁴ yalle da77a bi-7alo kermel khatayana ta-ykhallisna min hal-3alam el-sherreer, 7asab iradet Ilehna w-bayyna,

⁵ elo el-majd lal-abad. Ãmin.

Injil wa7ad

⁶ Bestaghreb keef bi-hal-ser3a tarakto yalle da3ekon bi-ne3met el-MASI7 w-l7e2to injil tene?

⁷ W-ma fi "injil tene", fi jame3a bta3mil balbale baynetkon w-bitjarreb tghayyir injil el-MASI7.

⁸ W-law basharnekon ne7na aw basharkon malèk min el-sama bi-injil ghayr yalle basharnekon fih, khallih ykoun mal3oun.

⁹ 2elnelkon abl w-berja3 b2oul halla2: eza basharkon 7ada bi-injil ghayr yalle 2beltouh minna, bikoun mal3oun.

¹⁰ Awlkon ana 3am esta3tef el-nes? La2, 3am esta3tef ALLAH. Tekhmin 3am betlob rida el-nes? Law kent la-liom 3am betlob rida el-nes, ma kent khadim lal-MASI7.

Keef sar Boulos rasoul

¹¹ 3rafo, ya ekhewte, enno el-injil yalle basharetkon fih mish jeye min el-nes.

¹² Ana ma akhadto min 2ensen, akhadto 3an wa7e min YASOU3 el-MASI7.

¹³ Sme3to bi-2osste el-madye lamma kent Yahoude w-keef kent edtehed kniset ALLAH bidoun ra7me w-kent 3am jarrib dammera

¹⁴ w-keef kent metfawwe2 bel-dyene el-Yahoudiye 3a-ktar min el-Yahoud yalle henne min jeele w-kent ghayyour aktar minnon 3a-ta2aleed bayyetna.

¹⁵ Bass ALLAH bi-ne3emto khtarne w-ana bi-batn emme w-da3ane la-khedemto.

¹⁶ W-lamma arad ALLAH enno ye3lon 2ebno fiyye ana, w-rou7 basher fih bayn el-mish Yahoud, ma stasharet ashkhas min la7m w-damm

¹⁷ wala tlo3t 3ala Ourashalim ta-shouf yalle keno rousl able, ro7t deghre 3ala bled el-3arab w-min ba3da rje3t 3al-Shem.

¹⁸ W-ba3d tlet snin tlo3t 3ala Ourashalim ta-shouf Boutros, w-b2it 3endo khams-ta3shar nhar,

¹⁹ w-ma sheft ghayro min el-rousl ella Ya3koub khayye bel-RAB.

²⁰ W-byesh'had ALLAH enno ma 3am kazzeb bi-hal-shi yalle 3am beketbo elkon.

²¹ Min ba3da sefaret 3ala bled Souriya w-Kilikya,

²² w-ma ken wejje ma3rouf 3end kaneyes el-MASI7 bel-Yahoudiye,

²³ w-sem3o enno "yalle ken yedtehedna houe halla2 3am ybasher bel-imen yalle ken baddo ydammro",

²⁴ Kermel hek, majjado ALLAH kermele.