Filippi 1 - Bible bil 3arabe App

Ta7iyye

¹ Min Boulos w-Timothawos, kheddem el-MASI7 YASOU3, la-kell el-ekhwe el-2eddisin bi-Filippi, yalle bel-MASI7 YASOU3, ma3 mtarinon w-shmemseton.

² Elkon el-ne3me wel-salem min ALLAH bayyna w-min RABNA YASOU3 el-MASI7.

Salat w-shokr

³ Beshkor Ilehe kell ma zakartkon

⁴ w-d3itelkon kellkon bi-fara7 bi-kell salawete

⁵ li2anno sheraktoune bi-khedmet el-injil min awwal yawm la-halla2.

⁶ Ana 3a-thi2a enno yalle ballash fikon 3amal sale7 ra7 ykammlo la-yawm el-MASI7 YASOU3.

⁷ W-min 7a'2e o3tof 3leykon kellkon, li2anno ento deyman bi-2albe, w-kellkon shourake2e bi-ne3met ALLAH, enn ken bel-7abs aw bel-dife3 3an el-injil.

⁸ W-ALLAH byesh'had addeysh b7ennelkon kellkon 7anen el-MASI7 YASOU3.

⁹ W-salate kermelkon hiye: enno tzeed ma7abbetkon ghem2 bel-ma3rife wel-fahm,

¹⁰ ta-tna'2o el-afdal w-tsiro at'har ma fi 3leykon lawm bi-yawm el-MASI7,

¹¹ melyenin min thamar el-berr bi-YASOU3 el-MASI7, la-majd ALLAH w-shokro.

El-7ayet hiye el-MASI7

¹² W-badde yekon, ya ekhewte, ta3erfo enno yalle sar ma3e se3ad 3ala entishar el-injil

¹³ 7atta enno khabar woujoude bel-7abs kermel el-MASI7 ntashar bi-dar el-7akem w-kell el-matare7 el-tenye,

¹⁴ w-ktar min el-ekhwe tshajja3o bel-RAB min wara el-jnazeer, w-zedit jer2eton 3al-tebshir bi-kelmet ALLAH bidoun khawf.

¹⁵ Ma fi shakk enno fi minnon 3am bibashro bel-MASI7 3an 7asad w-mounefase, w-minnon bibashro 3an niyye tayybe.

¹⁶ Hol btedfa3on el-ma7abbe, 3erfin enno ALLAH khallene defi3 3an el-injil.

¹⁷ W-hawdik byedfa3on el-ta7azzob fa-ma bibashro bel-MASI7 3an sod2, mfakkrin enno bi-hal-shi ra7 yzeedo min ta3abe ana w-bel-7abs.

¹⁸ Bass ma bihemne, ma zel el-tebshir bel-MASI7 3am bisir bi-kell el-a7wel, eza ken 3an ekhlas aw 3an ghayr ekhlas. Bel-3aks hal-shi bi-farre7ne, w-khsouse

¹⁹ li2anno ba3rif enno hal-shi la-khalãse bi-fadl salawetkon w-mouse3adet ROU7 YASOU3 el-MASI7.

²⁰ W-kell yalle bitmanneh w-betrajjeh enno ma ekhjal abadan, w-koun halla2 w-bi-kell wa2et jari2 bel-3amal bi-kell kayene la-majd el-MASI7, enn 3esht aw mett.

²¹ El-7ayet bennesbe ele hiye el-MASI7, wel-mawt reb7.

²² Bass eza kent bi-7ayete ba3mil 3amal mouthmer, ma ba3rif shou badde na'2e

²³ w-ana me7tar bayn shaghlten: b7ebb etrok hal-7ayet ta-koun ma3 el-MASI7, w-hal-shi houe el-afdal,

²⁴ bass eza b2it baynetkon hayda shi daroure ktir elkon.

²⁵ W-3ende thi2a enno ra7 eb2a baynetkon kellkon kermel el-ta2addom taba3kon w-fara7kon bel-imen,

²⁶ w-7oudoure baynetkon marra tenye bikhallikon teftekhro aktar bel-MASI7 YASOU3.

²⁷ El-mouhem halla2 houe enno tkoun 7ayetkon bitli2 bi-injil el-MASI7, 7atta shouf eza jeet la-3andkon, aw esma3 eza kent ghayib, ennkon thebtin bi-rou7 wa7ad w-bitjehdo bi-2alb wa7ad kermel el-imen bel-injil.

²⁸ Ma tkhafo min a3de2kon bi-shi. Hal-shi borhan 3ala halekon w-3ala khalãskon w-hayda bi-fadl ALLAH,

²⁹ li2anno 3atakon ne3met enno tet2allamo kermel el-MASI7, w-ma tektefo bel-imen fih,

³⁰ mjehdin el-jihed nafso yalle sheftoune 3am jehdo, w-halla2 3am tesma3o enno ba3dne 3am jehdo.