Afasos 1 - Bible bil 3arabe App

Ta7iyye

¹ Min Boulos, rasoul el-MASI7 YASOU3 bi-iradet ALLAH, lal-ekhwe el-2eddisin yalle bi-Afasos, el-mou2minin bel-MASI7 YASOU3.

² Elkon el-ne3me wel-salem min ALLAH bayyna w-min el-RAB YASOU3 el-MASI7.

Baraket rou7iyye bel-MASI7

³ Yetberak ALLAH bayy RABNA YASOU3 el-MASI7, berakna bel-MASI7 kell barake rou7iyye w-samawiyye,

⁴ w-na'2ena abl te2sis el-3alam ta-nkoun 3endo 2eddisin ma fina 3ayb bel-ma7abbe,

⁵ w-ken min zamen 2arrar enno yetbannena bi-YASOU3 el-MASI7 min ba3d ma shef enno hal-shi mni7,

⁶ ta-neshkor ne3emto yalle 3atana hiye bi-2ebno el-7abib.

⁷ W-bi-dammo fadena, ye3ne khatayana nghafaro, min ketr ghena ne3emto

⁸ yalle dafa2a 3leyna bi-kell shi fiya min 7ekme w-ma3rife,

⁹ w-kashafelna 3an iradto yalle 2arrar bi-nafso enno y7a'2e2a,

¹⁰ lamma btektemil el-azmine, se3eta byejma3 bel-MASI7 kell shi, enn ken bel-sama aw 3al-ard.

¹¹ W-ALLAH yalle bya3mil kell shi 7asab iradto, khtarna, 7asab tedbiro, bel-MASI7

¹² ta-nmajjdo, ne7na yalle 7attayna rajena min zamen bel-MASI7.

¹³ W-ento kamen, lamma sme3to kalem el-7a2, ye3ne injil khalaskon, w-2ãmanto, nkhatamto bel-ROU7 el-2ODOS el-maw3oudin fih,

¹⁴ hal-ROU7 yalle houe ra3boun wertetna, lal-wa2et yalle fih ALLAH byefdina ta-nsabb7o w-nmajjdo.

Salat Boulos

¹⁵ Kermel hek, lamma sme3t bi-imenkon bel-RAB YASOU3 w-bi-ma7abbetkon la-kell el-ekhwe el-2eddisin,

¹⁶ sert eshkor ALLAH kermelkon w-bezkerkon bi-salate

¹⁷ w-betlob min Ileh RABNA YASOU3 el-MASI7, el-Ãb bayy el-majd, enno ya3tikon rou7 7ekme wel-wa7e ta-tsiro ta3erfouh kell el-ma3rife,

¹⁸ w-enno ynawwir 2loubkon ta-ta3erfo 3ala ayya raja 3am yed3ikon w-ayya majd ra7 tourato ma3 el-2eddisin

¹⁹ w-ayya 2ouwwe 3azeeme fo2 el-tabi3a 3am teshteghil kermelna ne7na el-mou2minin w-hiye edrit ALLAH w-jabarouto

²⁰ yalle azhara bel-MASI7 lamma 2awwamo min el-mawt w-7atto 3a-yameeno bel-sama,

²¹ fo2 kell ri2ase w-soultan w-2ouwwe w-siyede, fo2 kell esm byetsamma, mish bass bi-hal-3alam, 7atta bel-3alam el-jeye kamen,

²² w-khalla kell shi ta7t ejrey w-7atto fo2 kell shi, ras lal-knise

²³ yalle hiye jesmo w-kmelto, w-houe yalle bimalle el-kell bel-kell.