3ebraniyyin 1 - Bible bil 3arabe App

Kelmet ALLAH bi-2ebno

¹ ALLAH min zamen 7eke ma3 bayyetna bi-wastet el-anbiya marrat ktire w-bi-aktar min tari2a,

² w-bi-ekher hal-iyem 7ekena bi-wastet 2ebno yalle 3eml minno warith la-kell shi w-bi-wasteto khala2 el-3alam.

³ Houe shou3a3 majd ALLAH w-soura 3an jawharo, 3am ye7faz el-kell bi-2ouwwet kelmto. W-houe min ba3d ma tahharna min khatayana 2a3ad 3an yameen Ileh el-majd bel-sama el-3aliye,

⁴ w-sar a3zam min el-maleyke bi-2adar ma el-esm yalle werto a3zam min asame el-maleyke kellon.

⁵ La-meen min el-maleyke 2al ALLAH bi-yawm min el-iyem: "enta 2ebne w-ana liom jebtak" w-2al kamen: "ra7 koun bayyo w-bikoun houe 2ebne."

⁶ W-lamma ba3at 2ebno el-bekr 3al-3alam 2al kamen: "khalle kell maleyket ALLAH yerka3o eddemo."

⁷ W-3an el-maleyke 2al ALLAH: "3eml min maleykto ree7 w-min kheddemo lahib nar."

⁸ W-2al 3an el-2eben: "3arshak ya ALLAH be2e min abad la-abad, w-sawlajen 7ekmak 3adel.

⁹ 7abbeyt el-7a2 w-baghadet el-batel, kermel hek masa7ak ALLAH Ilehak bi-zeyt el-fara7 aktar min rfe2ak."

¹⁰ W-2al kamen: "enta ya RAB bel-bideye assaset el-ard, wel-sama sheghl 2ideyk,

¹¹ hiye bitzoul w-enta bteb2a, w-ra7 tebla kella metl ma byeblo el-tyeb.

¹² Metl el-mashla7 btetwiya w-btetghayyar metl el-tyeb, w-enta enta ma btentehe iyemak."

¹³ W-la-meen min el-maleyke 2al ALLAH bi-yawm min el-iyem: "23od 3an yameene 7atta khalle a3de2ak ta7t ejrek?"

¹⁴ Henne kellon arwe7 bi-khedmet ALLAH ba3aton ta-yekhedmo yalle byourato el-khalãs.