2 Timothawos 1 - Bible bil 3arabe App

Ta7iyye

¹ Min Boulos rasoul el-MASI7 YASOU3 bi-iradet ALLAH, kermel el-wa3d bel-7ayet yalle hiye bel-MASI7 YASOU3,

² la-2ebne el-7abib Timothawos: elak el-ne3me wel-ra7me wel-salem min ALLAH el-Ãb w-min el-MASI7 YASOU3 RABNA.

7amd w-teshji3

³ Beshkor ALLAH yalle be3bado bi-dameer na2e metl ma 3abadouh ajdede, w-ana bezekrak leyl nhar bi-salawate.

⁴ Bitzakkar dmou3ak w-bizeed shaw2e ta-shoufak 7atta entele min el-fara7.

⁵ W-bitzakkar imenak el-sade2 yalle ken mawjoud bi-2alb sittak Lou2is w-2alb emmak Afnika, w-ana wethi2 enno mawjoud bi-2albak kamen.

⁶ Kermel hek bnabbhak enno el-mawhabe yalle 3atak hiye ALLAH, 3a-2ideyye ana, tkhalliya 3a-wahja.

⁷ ALLAH ma 3atana rou7 el-khawf, 3atana rou7 el-2ouwwe wel-ma7abbe wel-7ekme.

⁸ Ou3a tetste7e ennak tesh'had la-RABNA wala teste7e fiyye ana el-ma7bous kermelo, bel-3aks, sherekne el-3azèb kermel el-injil, w-2awwe 7alak bi-ALLAH

⁹ yalle khallasna w-da3ena da3we m2addase, mish bi-fadl a3melna, bi-fadl tedbiro w-ne3emto yalle 3atana hiye bel-MASI7 YASOU3 min el-azal,

¹⁰ w-halla2 kashafelna 3anna bi-zouhour moukhallisna el-MASI7 YASOU3 yalle 7att niheye la-soultan el-mawt w-khalla el-7ayet w-3adam el-fased yesher2o min el-injil

¹¹ yalle kermelo ana t3ayyanet moubasher w-rasoul w-mou3allim,

¹² w-kermelo kamen 3am et7ammal el-3azèb, yalle ma beste7e fih, li2anno ba3rif 3ala meen ettakalet w-boutha2 bi-enno edir enno y7afezle 3al-amene yalle n7attet bayn 2ideyye la-yawm el-deynoune.

¹³ Khalle el-kalem yalle sme3to minne ykoun metl mabda2 elak, w-thbot bel-imen wel-ma7abbe yalle bel-MASI7 YASOU3.

¹⁴ 7afiz 3al-amene el-sal7a bi-2ouwwet el-ROU7 el-2ODOS yalle byeskon fina.

¹⁵ Enta bta3rif enno kell yalle bi-Ãsia tkhallo 3anne, w-minnon Fijollos w-Harmogines.

¹⁶ Ra7met ALLAH t7ell 3a-beyt Onisiforos li2anno shajja3ne ktir w-ma sta7a min jnazeere,

¹⁷ w-sar yfattish 3anne lamma wossil 3a-Roma la-7add ma le2ene.

¹⁸ Nshalla el-RAB yen3am 3le bi-enno yle2e ra7me min el-RAB bi-yawm maji2o! W-enta bta3rif mni7 addeysh khadamne lamma kent bi-Aphasos.