1 Timothawos 1 - Bible bil 3arabe App

Ta7iyye

¹ Min Boulos rasoul el-MASI7 YASOU3 bi-2amr min ALLAH moukhallisna wel-MASI7 YASOU3 rajena,

² la-Timothawos 2ebne bel-imen. El-ne3me wel-ra7me wel-salem min ALLAH el-Ãb w-min el-MASI7 YASOU3 RABNA.

Khatar el-ta3alim el-batle

³ Talabt minnak, ana w-raye7 3ala Makdouniyya, enno teb2a bi-Afasos ta-twasse el-nes enno ma y3allmo ta3alim bitkhelif ta3alimna,

⁴ w-ma yesma3o lal-khourafet wel-sleelet yalle ma ela niheye, li2anno hal-shi bijeeb el-khilefet w-ma byekhdom tedbir ALLAH el-mabne 3al-imen.

⁵ W-hadaf hal-wassiye houe el-ma7abbe el-sadra 3an 2alb taher w-dameer na2e w-imen sade2,

⁶ w-hayde fadayel bay3ado el-nes 3anna w-saro ye7ko 7ake batel,

⁷ w-ya3emlo 7alon mou3allimi el-shari3a w-henne ma byefhamo yalle 3am bi2oulouh w-yalle 3am bi2akkdouh.

⁸ W-ne7na mna3rif enno el-shari3a mni7a la-yalle bitabbi2a ka-shari3a,

⁹ li2anno mna3rif enno el-shari3a manna lal-abrar, hiye lal-3asyeen wel-metmarrdin, lal-foujjar wel-khatyeen, lal-ashrar wel-nejsin, la-yalle 2atalo bayyeton w-emmeton, w-2atalo el-nes,

¹⁰ la-yalle byezno w-yalle 3endon shouzouz jense, la-tejjar el-3abeed wel-kezzebin w-yalle bye7elfo bel-kezb, w-la-kell yalle bikhelfo el-ta3lim el-mazbout

¹¹ yalle byettaba2 ma3 injil ALLAH el-moubarak, elo el-majd, hal-injil yalle n7att amene bayn 2ideyye.

Shokr ALLAH 3ala ra7emto

¹² Beshkor el-MASI7 YASOU3 RABNA yalle 2awwene w-3tabarne ameen, w-da3ane la-khedemto,

¹³ ana yalle jaddafet 3le w-edtahadto w-shatamto min abl, bass ALLAH ra7amne li2anno kent 3am a3mil hal-shi 3an jahl w-ma kent ba3d mou2min,

¹⁴ bass ne3met RABNA wel-imen wel-ma7abbe yalle bel-MASI7 YASOU3 fado 3leyye.

¹⁵ Hal-kelme sad2a w-btest7e2 enno el-kell ye2balouwa 2ouboul kemil, lamma bit2oul enno el-MASI7 YASOU3 eja 3al-3alam ta-ykhallis el-khatyeen, w-ana awwalon.

¹⁶ Bass el-MASI7 YASOU3 ra7amne ta-ybayyen toulet belo fiyye ana bel-awwal w-ya3mil minne matal la-yalle ra7 y2ãmno fih kermel el-7ayet el-abadiyye.

¹⁷ W-lal-Malik el-azale, el-Ileh el-Wa7ad yalle ma byenshef wala byefna, kell ekram w-majd la-abad el-abidin. Ãmin.

Wassiye la-Timothawos

¹⁸ Bsallmak, ya Timothawos 2ebne, hal-wassiye 7asab el-noubouwet yalle n2alo 3annak min abl, ta-teb2a testalhemon enta w-3am tkefi7 kife7ak el-rou7e

¹⁹ bel-imen wel-dameer el-na2e yalle ba3d el-nes rafadouwon, w-nkasaret fiyon safinet el-imen.

²⁰ Min bayn hal-ashkhas Himinayos wel-Eskandar yalle sallamton lal-shaytan ta-yet3allamo enno ma yjaddfo.