Aanlyn Bybel

TITU 1 - Bisã Bible 2005

Titu zĩkɛna Kɛrɛti bùsun

¹ Makũ Pɔlu, Luda zɔ̀blerii, Yesu Kirisi zĩ̀riin ma ũ. À ma zĩ mà gbɛ̃ kũ Luda ń sɛ́nɔ kara a náanikɛnan mà tó ò a donyĩzɛ yãpura dɔ̃,

² de ń wɛ́ gɔ̃ dɔ wɛ̃̀ndi kũ àdi lákaroi kũ Luda a lɛ́ sɛ̀ zaade andunia dí kátɛro. Àdi ɛ́kɛ to sɔ̃ro.

³ Akũ yã pìi bò gupuraa a gɔrɔa waazi kũ Luda ó Surabarii dàmɛnɛ ma kɛ gũn lákũ à dìtɛ nà.

⁴ Makũ mɛ́ ma takada dí kɛ̃̀nnɛ Titu, ma nɛ́ yãpura Yesu zɛ́ kũ ó kú lɛɛlɛ gũn. De Luda kũ Kirisi Yesu ó Surabariio gbɛ̃kɛ kɛnnɛ, à n gba aafiaa.

⁵ Ma n to Kɛrɛti, de ǹ yã kũ ò gɔ̃̀ gwenɔ gɔ̃gɔ̃, ǹ gbɛ̃ zɔ̃kɔ̃nɔ ditɛ wɛ̃tɛ kũ wɛ̃tɛo lákũ ma ònnɛ nà.

⁶ À mana gbɛ̃ zɔ̃kɔ̃ gɔ̃ kun taari sari nɔmɛndode ũ. A nɛ́nɔ gɔ̃ ludanaanikɛrinɔ ũ, òsungɔ̃ ń dɔ̃ nɛ́ zãzãde sãgbãnadenɔ ũro.

⁷ Zaakũ gbɛ̃ zɔ̃kɔ̃ bi Luda zĩgwariimɛ, àsungɔ̃ de taaride ke ĩadãri ke pɔfɛ̃ri ke wɛ̃dɛri ke gbɛ̃ pãsĩ ke ɔgɔvãniwɛtɛri ũro.

⁸ Séde àgɔ̃ de nibɔkũri ũ, laakaride kũ à zɛ̀ kũ yãmanakɛnaao ũ, gbɛ̃ súsu kũ à kú adona akũsɔ̃ à a zĩda kũna dɔ̃ ũ,

⁹ gbɛ̃ kũ à zɛ̀ súsu kũ yã náanide kũ òdi dańnɛo ũ, de à le à lɛ́ da gbɛ̃ pãndenɔa kũ yãzɛdedannɛnaa pìio, à gbɛ̃ kũ à bò a yã kpɛnɔ ɛ́kɛ káńnɛ ń ɔĩ.

¹⁰ Zaakũ sãyãmarisaride kũ òdi gbɛ̃nɔ likara kũ ń yã'onaaonɔn dasi, atɛ̃nsa gbɛ̃ kũ ò zɛ̀ kũ tɔ̃̀zɔ̃yãonɔ.

¹¹ Òdi ɔn bũnu yaka. À mana ò lɛ́sɔ dańnɛ. Òdi yã kũ à de ò dańnɛro dańnɛ ɔgɔ bɛ̃̀nɛ lena yãi.

¹² Kɛrɛti bùsu annabi ke pì, Kɛrɛtinɔ bi ɛ́kɛdenɔmɛ, nɔ̀bɔ pãsĩnɔmɛ, ye'uide pɔ́ke kopirisarinɔmɛ.

¹³ Yã pì bi yãpuramɛ. Abire yãi ǹ kpãkɛ̃ńyĩ manamana, de ò zɛ́ sɛ́ súsu.

¹⁴ Òsun laakari dɔ Yudanɔ garaaro ke gbɛ̃ kũ ò kɛ̃̀ yãpuraa yãditɛnanɔ.

¹⁵ Pɔ́ke dìgɔ̃ gbãsĩ gbãsĩsaridenɔnɛro, akũsɔ̃ pɔ́ke dìgɔ̃ gbãsĩsari ludayãdarisari gbãsĩdenɔnɛro, kũ ń laasun kũ ń nɛ̀sɛɛo vãni yãi.

¹⁶ Òdi pi ò Luda dɔ̃, akũ ń yãkɛnaa dì ń ɛ́kɛ bo. Bɛgirinɔmɛ, òdi yã maro, òdi fɔ̃ ò yã mana ke kɛro.

« Vorige

Volg ons:

Geborgde skakels

Advertensies