Aanlyn Bybel

FILIMƆ 1 - Bisã Bible 2005

Pɔlu Filimɔ sáabukpanaa

¹ Makũ Pɔlu kũ ò ma da kpɛ́siran Kirisi Yesu yãi kũ ó Yesude dake Timɔtio, ókɔ̃nɔ mɛ́ o takada díkĩna kɛ̃̀nnɛ, ó zĩkɛri dake yenyĩde Filimɔ

² kũ sɔsi gbɛ̃ kũ òdi kɔ̃ kakara n bɛanɔ kũ ó nɔgbɛ̃ yenyĩde Afiao kũ ó zĩ̀kari dake Akipuo.

³ Luda ó De kũ Dikiri Yesu Kirisio gbɛ̃kɛ kɛnnɛ, à n gba aafiaa.

⁴ N yã dìgɔ̃ dɔmagu gɔrɔ sĩnda pínki ma aduakɛnaa gũn, madìgɔ̃ ma Luda sáabu kpá,

⁵ zaakũ ma Dikiri Yesu náani kũ ntɛn kɛ baaruu mà kũ yenyĩ kũ ń vĩ kũ Luda gbɛ̃nɔo ń pínki.

⁶ Madìgɔ̃ wɛ́ kɛ, de ó kunna kɔ̃o Yesu zɛ́n tó n wɛ́ kɛ̃ yã mana kũ ó vĩ kunna Kirisi gũn pínki musu.

⁷ Ma gbɛ̃, n yena Luda gbɛ̃nɔi ma pɔ kɛ̀ nna manamana, à ma laakarii kpàtɛmɛnɛ, zaakũ n ń laakarii kpàtɛńnɛ.

Pɔlu kutɛkɛna Filimɔnɛ Ɔnɛsimu yã musu

⁸ Abire yãi, bee kũ ma zɛ́ kà Kirisi gũn mà yã kũ à mana ǹ kɛ ditɛnnɛ,

⁹ bee kũ abireo ma kútɛ kɛ̀nnɛ kũ yenyĩo. Makũ Pɔlu, ma mare zɔ̃kɔ̃ ina kũ ma kunna kpɛ́siran tera Kirisi Yesu yãiio,

¹⁰ ma kútɛ kɛ̀nnɛ Ɔnɛsimu yã musu kũ à gɔ̃̀ ma nɛ́ ũ Yesu zɛ́ gũn kpɛ́siran la yãi.

¹¹ À anfãni vĩnnɛ yãro, ama tera à anfãni vĩ makũ kũ mɔkɔ̃nwoonɛ.

¹² Ma a gbàrɛmma, àkũmɛ ma swɛ̃̀ ũ.

¹³ Ma kunna kpɛ́siran baaru nna kpana yãi, má ye àgɔ̃ kú ma sarɛ, de àgɔ̃ kpámai n gɛ̃nɛ ũ,

¹⁴ ama má ye mà yãke kɛ n lɛ́ sariro, de ǹsun yã mana kɛmɛnɛ tilasiro, séde kũ n pɔyeinaao.

¹⁵ Ke anigɔ̃ Ɔnɛsimu kɛ̃mma yã gɔrɔ pla de à ɛra à summa àgɔ̃ kú kũnwo gɔrɔ sĩnda pínki yãimɛ.

¹⁶ À kun lán zɔ̀ɔ bà doro, zaakũ à de zɔ̀ la, à de n gbɛ̃ yenyĩde ũ kunna Kirisi gũn. Ma gbɛ̃ yenyĩdemɛ. Oni mɔkɔ̃n kũ à de n zɔ̀ ũ, akũsɔ̃ à gɔ̃̀ n gbɛ̃ ũ Dikiri gũn pɔ́ o dɔ yá?

¹⁷ Abire yãi tó n ma ditɛ n gbɛ̃ndo ũ, ǹ gbãnakɛ kpái, lákũ ĩni kpámai nà.

¹⁸ Tó à zã̀nnɛ yãkea ke tó à n fĩna kũna, abire gɔ̃̀ ma yã ũmɛ.

¹⁹ Makũ Pɔlu makũ mɛ́ ma yã díkĩna kɛ̃̀ kũ ma zĩda ɔo, mani n fĩna bonnɛ. Kũ ń ma fĩna kũna n zĩda wɛ̃̀ndi ũ, mani lɛ́ páaro.

²⁰ Tɔ̀, ma gbɛ̃, kunna Dikiri gũn ǹ yã mana kɛmɛnɛ, ǹ ma laakari kpátɛmɛnɛ ó kunna Kirisi gũn yãi.

²¹ Ma takada dí kɛ̃̀nnɛ, kũ má dɔ̃ kũ ĩni ma yã ma, akũsɔ̃ ĩni kɛ de yã kũ ma ònnɛla.

²² Abire gbɛra ǹ kipaki kɛkɛmɛnɛ dɔ, zaakũ má wɛ́ dɔi Luda ni ma boárɛ wɛ́kɛ kũ átɛn kɛa yãi.

Lɛ́zammanaa

²³ Ɛpafara kũ ó kú lɛɛlɛ kpɛ́siran Kirisi Yesu yãi fɔ kpàmma

²⁴ kũ ma zĩkɛri dakenɔ Maaku kũ Arisitakuo kũ Demasio kũ Lukuo.

²⁵ Dikiri Yesu Kirisi gbɛ̃kɛ kɛárɛ.

« Vorige

Volg ons:

Geborgde skakels

Advertensies