Àzédyà 12 - Ɓǎsɔ́ɔ̀ Báɓòɔ̀

Bounɓoɔ̀ zùo-po-wɛ̀ɖɛ̀

¹ Wé ɖò nì dyiɛń, ɓɛ́ ɓě ké níiń, “À po m̀ zùo, Bounɓo, sepóɛɖé m̀ kpáìn ma à dyoɖoún dyɛo, kɛɛ nì dyoɖo-hwòɖòɔ̀ ɖǎ wáɖá, ké m̀ ɖǎ à hwòɖǒ dyi dè.

² Gmɔ̀ nɔ̄, Gèɖèpɔ́ɔ̀, mɔ̀ mɔ̀ à póìn-nyɔ̀. À mu m̀ hwìɖǐǐ taɓaùn, ké à se fã̀à ɖò peɖeɛ́ mu. Sepóɛɖé Bounɓo, mɔ̀ mɔ̀ à kpé-nyí-nyɔ̀. À mu m̀ wɛ́ɖɛ́ dyi ɓèɖèìn. Mɔ̀ mɔ̀ à póìn-nyɔ̀.”

³ Bounɓoɔ̀ nyɔ-póìn-póìnɔ̀ mu ɓě hwòɖǒ dyi dèìn kà ní pɛ̀ɛ̀ dèà nyɔ hwòɖǒ dyiɛ.

⁴ Ɓě muɛ cɛ̃ìn ɓó wéa ɓaɖa, ɓɛ́ ɓě ké níiń, “Ɓěà po Bounɓoɔ̀ zùo. Ɓěà ɓiè ɔ. Ɓěà nyuɛ ɓɛ́ ɓóɖó-dù ɓěɔ̀ ké ɖɛ ɔ ɖǎ nyuɛɛ jè dyuò. Ɓěà po zio kà ɔ ɓéɖé dya-dè-dèɛ.

⁵ Ɓěà ɓeɖe Bounɓoɔ̀ ɓàìn-wɛ̀ɖɛ̀, sepóɛɖé ɔ ɖǎ ɖɛ dĩ́ín-dĩ̀ìn ɓě nyu. Ɓěà nyuɛ ɓɛ́ nyɔ séín nì toɖo-kpàà kɔ̃ɛɛ kéɛ dyuò.

⁶ Óó Zádyɔún-nyɔ̀ ɓě, ɓěà páná mú, ɓɛ́ ɓěà ké múà-kùɖǔ-kuɖu nyu, sepóɛɖé Éézùɖùɛ̀ɛ̀ Mú-hwɛ̀-nyɔ̀ nìà ɖé ɓěà hwìɛ̀ kɛɛ, ɔ kpé ɓúá dyí mìɔ.”