1 Kánáníkɔ̀ 6 - Ɓǎsɔ́ɔ̀ Báɓòɔ̀

Ɖíìváà nììn xwíníín-dyù ɓě

¹ Ɖíìváà nììn dyú-gàà ɓěɔ̀ mɔ̀ ma Gésɔ̀ùn kè Kóhà ɔ kè Mɛ̀wáɖáwìɖì.

² Ké Kóhà nììn dyú-gàà ɓěɔ̀ mɔ̀ ma Ámànàùn kè Ízà kè Hɛ́bɔ̀nɔ̀ ɔ kè Dyùzíè.

³ Ké Ámànàùn nììn dyú ɓěɔ̀ mɔ̀ ma Eɖóún kè Mózè ɔ kè Méwìɖìàùn. Ké Eɖóún nììn dyú-gàà ɓěɔ̀ mɔ̀ ma Náɖà kè Àbíhùɛ̀ kè Ɛ̀ɖɛ̀ázà ɔ kè Ìfámà.

⁴ Ké Ɛ̀ɖɛ̀ázà wóɖóìn ma Fíníhà, ké Fíníhà wóɖóìn ma Ábìsúà,

⁵ ké Ábìsúà wóɖóìn ma Búkì, ké Búkì wóɖóìn ma Dyúzì,

⁶ ké Dyúzì wóɖóìn ma Zɛ̀wáɖáhìà, ké Zɛ̀wáɖáhìà wóɖóìn ma Mɛ̀wáɖádyò,

⁷ ké Mɛ̀wáɖádyò wóɖóìn ma Ámàwíɖíà, ké Ámàwíɖíà wóɖóìn ma Àhítù,

⁸ ké Àhítù wóɖóìn ma Záɖò, ké Záɖò wóɖóìn ma Àhìmáà,

⁹ ké Àhìmáà wóɖóìn ma Ázàwíɖíà, ké Ázàwíɖíà wóɖóìn ma Jòhánà,

¹⁰ ké Jòhánà wóɖóìn ma Ázàwíɖíà ɖò ɖe. Ázàwíɖíà mɔ̀ ma kà sáa-zà-nyɔ̀ vɛ̀nɛ̀ɔ̀ ɖé Gèɖèpɔ́ɔ̀ gbǒ ɓɛ́ Kã́á Sã́ɖómà po ma kà ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ mú kɛ̀.

¹¹ Ké Ázàwíɖíà wóɖóìn ma Ámàwíɖíà ɖò ɖe, ké Ámàwíɖíà wóɖóìn ma Àhítù ɖò ɖe,

¹² ké Àhítù wóɖóìn ma Záɖò ɖò ɖe, ké Záɖò wóɖóìn ma Sáɖùùn,

¹³ ké Sáɖùùn wóɖóìn ma Hìòkíà, ké Hìòkíà wóɖóìn ma Ázàwíɖíà ɖò ɖe,

¹⁴ ké Ázàwíɖíà wóɖóìn ma Sɛ̀wáɖádyà, ké Sɛ̀wáɖádyà wóɖóìn ma Jɛ̀hózàɖà.

¹⁵ Ti ɓɛ́ Bounɓoɔ̀ nyuɛ ké Nɛ̀ɓùkànɛ́zà nyu ma kà Júɖà-ɓòɖòɔ̀ kè Jùɖúsɛ̀ɖɛ̀ìn-hwɔ̀ɖɔ̀ɔ̀ nyɔ ɓěɔ̀ toɛ̀-kpɔ̃-nyɔ̀ mú, ɓɛ́ ɔ dyià wa ɖé ɔ ɓíɖí-ɓòɖòɔ̀ kɔ̃ kpaa, ɔ kpa ma Jɛ̀hózàɖà ɖekè.

Ɖíìváà nììn xwíníín-dyù ɓěɔ̀ ɖíɛ́ ɓě ɖe

¹⁶ Ɖíìváà nììn dyú-gàà ɓě mɔ̀à Gésɔ̀ùn kè Kóhà ɔ kè Mɛ̀wáɖáwìɖì kɛɛ nììn dyú-gàà ɓěɔ̀ kɛà kɛ̀.

¹⁷ Gésɔ̀ùn nììn dyú-gàà ɓěɔ̀ mɔ̀ ma Ɖínì kè Símì.

¹⁸ Ké Kóhà nììn dyú-gàà ɓěɔ̀ mɔ̀ ma Ámànàùn kè Ízà kè Hɛ́bɔ̀nɔ̀ ɔ kè Dyùzíè.

¹⁹ Ké Mɛ̀wáɖáwìɖì nììn dyú-gàà ɓěɔ̀ mɔ̀ ma Máɖì kè Músì. Kǎà Ɖíìváà-nyɔ̀ ɓěɔ̀ nììn gbǒ-xwíníín ɓěɔ̀ nyu jĩ̀ɛ̀ dyììn ɖé wa ɓǎ ɓěɛ̀ gbǒ-xwíníín ɓěɔ̀ mú.

²⁰ Gésɔ̀ùn nììn xwíníín-dyù ɓěɔ̀ kɛà kɛ̀. Gésɔ̀ùn wóɖóìn ma Ɖínì, ké Ɖínì wóɖóìn ma Jáhà, ké Jáhà wóɖóìn ma Zímà,

²¹ ké Zímà wóɖóìn ma Jóàà, ké Jóàà wóɖóìn ma Íɖò, ké Íɖò wóɖóìn ma Zɛ́wàɖà, ké Zɛ́wàɖà wóɖóìn ma Jɛ̀àfɛ́wàɖàì.

²² Kóhà nììn xwíníín-dyù ɓěɔ̀ kɛà kɛ̀. Kóhà wóɖóìn ma Ámìnáɖà, ké Ámìnáɖà wóɖóìn ma Kówàɖà, ké Kówàɖà wóɖóìn ma Ásì,

²³ ké Ásì wóɖóìn ma Ɛ̀kínà, ké Ɛ̀kínà wóɖóìn ma Ɛ́ɓìásàfì, ké Ɛ́ɓìásàfì wóɖóìn ma Ásì ɖò ɖe,

²⁴ ké Ásì wóɖóìn ma Táhàfì, ké Táhàfì wóɖóìn ma Dyúwìɖìè, ké Dyúwìɖìè wóɖóìn ma Dyùzíà, ké Dyùzíà wóɖóìn ma Sádyù.

²⁵ Ɛ̀kínà nììn xwíníín-dyù ɓěɔ̀ mɔ̀ Àmásàì kè Àhímɔ̀.

²⁶ Ké Àhímɔ̀ nììn xwíníín-dyù ɓěɔ̀ kɛà kɛ̀. Àhímɔ̀ wóɖóìn ma Ɛ̀kínà, ké Ɛ̀kínà wóɖóìn ma Zófàì, ké Zófàì wóɖóìn ma Náhà,

²⁷ ké Náhà wóɖóìn ma Ɛ̀ɖíà, ké Ɛ̀ɖíà wóɖóìn ma Jɛ̀ɖóhã̀, ké Jɛ̀ɖóhã̀ wóɖóìn ma Ɛ̀kínà ɖò ɖe, ké Ɛ̀kínà wóɖóìn ma Sámíò.

²⁸ Ké Sámíò nììn dyú-gàà ɓěɔ̀ mɔ̀ ma Jóɛ̀ ɓɛ́ ɔ mɔ̀ ma ɔ nyíɔ́-dyù kɛ kè Àbíjà.

²⁹ Mɛ̀wáɖáwìɖì nììn xwíníín-dyù ɓěɔ̀ kɛà kɛ̀. Mɛ̀wáɖáwìɖì wóɖóìn ma Máɖì, ké Máɖì wóɖóìn ma Ɖínì, ké Ɖínì wóɖóìn ma Símì, ké Símì wóɖóìn ma Dyúzàà,

³⁰ ké Dyúzàà wóɖóìn ma Símèà, ké Símèà wóɖóìn ma Hàgíà, ké Hàgíà wóɖóìn ma Àsádyà.

Ɓeɖe-nyɔ̀ ɓě nì ɖé Gèɖèpɔ́ɔ̀ gbǒɔ̀ múɛ

³¹ Ti ɓɛ́ Kã́á Dèɓé ɖǎ ma gma-gbɔ̀ɖɔ̀ɔ̀ ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú kpaa, ɔ gã ma nyɔ ɖíɛ́ ɓě, ɓɛ́ wa ké ma ɓeɖe-nyɔ̀ ɓěɔ̀ kɔ̃in nì ɖé Bounɓoɔ̀ gbǒɔ̀ mú.

³² Wa mɔ̀ ma ɓeɖe-nyɔ̀ ɓě ɖé jàɖàìn-gbò kɔ̃̀ mú ɓɛ́ Bounɓoɔ̀ kè ɔ nyɔ ɓěɔ̀ dyéàìn nyɛɛ dyúa, ké sɔ̀ìn ɓóɛ gboɛɛ, wa ɓeɖe ma ɖé Bounɓoɔ̀ gbǒ ɓɛ́ Sã́ɖómà po ma kà ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ múɛɛ dyúa ɖekè. Wa kpa ma waà ɓeɖe-ɓeɖeɔ̀ dyúa kà gma ɓě ɓá wa ɓeɖe jèɔ̀ dyíɛɛ nyu nìɛ̀ kɛ.

^33-38 Ɓeɖe-nyɔ̀ vɛ̀nɛ̀ ɓě ɓɛ́ waà dyú ɓě kpá ma wa gboɛɛ kɛà kɛ̀. Hémàùn ɓɛ́ ɔ sɔ̀ ma ɖé Kóhà nììn gbǒ-xwíníínɔ̀ múɛɛ mɔ̀ ma ɓeɖe-nyɔ̀ séín ɓěɔ̀ nyɔ vɛ̀nɛ̀. Hémàùn ɓǎ nììn ɓǎ ɓěɔ̀ kɛà kɛ̀. Jékɔ̀ wóɖóìn ma Ɖíìváà, ké Ɖíìváà wóɖóìn ma Kóhà, ké Kóhà wóɖóìn ma Ízà, ké Ízà wóɖóìn ma Kówàɖà, ké Kówàɖà wóɖóìn ma Ɛ́ɓìásàfì, ké Ɛ́ɓìásàfì wóɖóìn ma Ásì, ké Ásì wóɖóìn ma Táhàfì, ké Táhàfì wóɖóìn ma Zɛ́fènádyà, ké Zɛ́fènádyà wóɖóìn ma Ázàwíɖíà, ké Ázàwíɖíà wóɖóìn ma Jóɛ̀, ké Jóɛ̀ wóɖóìn ma Ɛ̀kínà, ké Ɛ̀kínà wóɖóìn ma Àmásàì, ké Àmásàì wóɖóìn ma Máhà, ké Máhà wóɖóìn ma Ɛ̀kínà ɖò ɖe, ké Ɛ̀kínà wóɖóìn ma Zúfì, ké Zúfì wóɖóìn ma Tóà, ké Tóà wóɖóìn ma Ɛ́ɖìè, ké Ɛ́ɖìè wóɖóìn ma Jɛ̀ɖóhã̀, ké Jɛ̀ɖóhã̀ wóɖóìn ma Ɛ̀kínà ɖò ɖe, ké Ɛ̀kínà wóɖóìn ma Sámíò, ké Sámíò wóɖóìn ma Jóɛ̀ ɖò ɖe, hwɛ̀ ké Jóɛ̀ wóɖóìn ma kà Hémàùn kɛ̀.

^39-43 Ké Ásàfì ɓɛ́ ɔ mɔ̀ ma Hémàùnɛ̀ gbǒ-xwíníín-nyɔ̀ ɓěɔ̀ ɖòɛɛ mɔ̀ ma Hémàùnɛ̀ sɔ̃-xwíɖíi-dè-nyɔ̀. Ásàfì ɓǎ nììn ɓǎ ɓěɔ̀ kɛà kɛ̀. Ɖíìváà wóɖóìn ma Gésɔ̀ùn, ké Gésɔ̀ùn wóɖóìn ma Jáhà, ké Jáhà wóɖóìn ma Símì, ké Símì wóɖóìn ma Zímà, ké Zímà wóɖóìn ma Éfã̀, ké Éfã̀ wóɖóìn ma Àɖádyà, ké Àɖádyà wóɖóìn ma Zɛ́wàɖà, ké Zɛ́wàɖà wóɖóìn ma Ɛ́fìnì, ké Ɛ́fìnì wóɖóìn ma Mààkíjà, ké Mààkíjà wóɖóìn ma Bààsédyà, ké Bààsédyà wóɖóìn ma Makɔ́, ké Makɔ́ wóɖóìn ma Símèà, ké Símèà wóɖóìn ma Bɛ̀wéɖékìà, hwɛ̀ ké Bɛ̀wéɖékìà wóɖóìn ma kà Ásàfì kɛ̀.

^44-47 Ké Éfã̀ ɓɛ́ ɔ sɔ̀ ma ɖé Mɛ̀wáɖáwìɖì nììn gbǒ-xwíníínɔ̀ mú, ɓɛ́ ɔ mɔ̀ ma Hémàùn kè Ásàfìɛ̀ gbǒ-xwíníín-nyɔ̀ ɓěɔ̀ ɖòɛɛ mɔ̀ ma Hémàùnɛ̀ sɔ̃-xwíɖíi-dè-nyɔ̀ ɖekè. Éfã̀ ɓǎ nììn ɓǎ ɓěɔ̀ kɛà kɛ̀. Ɖíìváà wóɖóìn ma Mɛ̀wáɖáwìɖì, ké Mɛ̀wáɖáwìɖì wóɖóìn ma Músì, ké Músì wóɖóìn ma Máɖì, ké Máɖì wóɖóìn ma Sɛ́mɛ̀, ké Sɛ́mɛ̀ wóɖóìn ma Bánì, ké Bánì wóɖóìn ma Ã́zì, ké Ã́zì wóɖóìn ma Hìòkíà, ké Hìòkíà wóɖóìn ma Àmàzíà, ké Àmàzíà wóɖóìn ma Hàsáɓíà, ké Hàsáɓíà wóɖóìn ma Máɖù, ké Máɖù wóɖóìn ma Áɖì, ké Áɖì wóɖóìn ma Kízì, hwɛ̀ ké Kízì wóɖóìn ma kà Éfã̀ kɛ̀.

⁴⁸ Wa mǔè Ɖíìváà-nyɔ̀ ɓěɔ̀ mɔ̀ ma kũ̀à tɔ̀ɔ̀ ɓě sè ɓóɛɛ nyu-nyɔ̀ ɖé Gèɖèpɔ́ɔ̀ jàɖàìn-gbòɔ̀ mú.

Eɖóún nììn xwíníín-dyù ɓě

⁴⁹ Kɛɛ Eɖóún kè ɔ xwíníín-dyù ɓěɔ̀ ɖòùn mɔ̀ ma sáa-zà-kũ̀àɔ̀ nyu-nyɔ̀. Wa nyu ma sáa-zàìn-ɖɛ̀ ɓó sáa-kɔ̃-zàìn-gbààɔ̀ kɔ̃, ké wa fɔ̃̀ìn ma nyɔ́ún-nɔ̀mɔ̀-ɖɛ̀ ɓó nyɔ́ún-nɔ̀mɔ̀-ɖɛ̀ fɔ̃̀ìn-naínɔ̀, ké wa nyu ma kũ̀à séín ɓá Pá Hwɛ̀ Mú Mìɔɔ̀ jè dyíɛ. Kǎà wa nyu ma Éézùɖùɛ̀-nyɔ̀ ɓěɔ̀ nàmàǔn ɓěɔ̀ kɔ̃in-ɓáìn-ɖɛ̀ nyuɛ. Wa nyuɛ ma náa kà Mózè mɔ̀à Gèɖèpɔ́ɔ̀ gbo-nì-nyɔ̀ɔ̀ kɛɛ cɛ̃ɛ ma kà kɛ.

⁵⁰ Eɖóún nììn xwíníín-dyù ɓěɔ̀ kɛà kɛ̀. Eɖóún wóɖóìn ma Ɛ̀ɖɛ̀ázà, ké Ɛ̀ɖɛ̀ázà wóɖóìn ma Fíníhà, ké Fíníhà wóɖóìn ma Ábìsúà,

⁵¹ ké Ábìsúà wóɖóìn ma Búkì, ké Búkì wóɖóìn ma Dyúzì, ké Dyúzì wóɖóìn ma Zɛ̀wáɖáhìà,

⁵² ké Zɛ̀wáɖáhìà wóɖóìn ma Mɛ̀wáɖádyò, ké Mɛ̀wáɖádyò wóɖóìn ma Ámàwíɖíà, ké Ámàwíɖíà wóɖóìn ma Àhítù,

⁵³ ké Àhítù wóɖóìn ma Záɖò, ké Záɖò wóɖóìn ma Àhìmáà.

Ɖíìváà-nyɔ̀ ɓěɔ̀ cĩ́-naín ɓě

⁵⁴ Eɖóúnɛ̀ xwíníín-dyù ɓě sɔ̀à ɖé Kóhàà gbǒ-xwíníínɔ̀ múɛɛ mɔ̀ ma Ɖíìváà-nyɔ̀ kĩ́ín-kĩ́ín ɓě ɓɛ́ wa nyí ma cĩ́-naín ɓěɛ, sepóɛɖé wa mɔ̀ nyɔ kĩ́ín-kĩ́ín ɖéɛ̀ gbo-ɖàɓàìn-ɖɛ̀ gã ma.

⁵⁵ Wa nyí ma wa Hɛ́bɔ̀nɔ̀-hwɔ̀ɖɔ̀ nìà ɖé Júɖà-ɓòɖòɔ̀ kɔ̃ɛ kè nyúà-ɖɛ̀ dyi-ɖi-naín ɓě nì hwɔɖɔɔ̀ ɖeiɛ.

⁵⁶ Kɛɛ geɖe ɓě kè hwɔɖɔ-kpàǎ ɓě nì ma Hɛ́bɔ̀nɔ̀-hwɔ̀ɖɔ̀ɔ̀ ɖeiɛɛ, wa nyíɛ ma Kéɖɛ̀ mɔ̀à Jɛ̀fúnɛ̀ɛ̀ dyú-gààɔ̀ kɛɛ ní.

^57-59 Wa nyí ma Eɖóúnɛ̀ xwíníín-dyù ɓěɔ̀ hwɔɖɔ ɓě nìà kɛ kè waà nyúà-ɖɛ̀ dyi-ɖi-naín ɓě. Hwɔɖɔ ɓěɔ̀ mɔ̀ ma Hɛ́bɔ̀nɔ̀ ɓɛ́ ɔ mɔ̀ ma mú-vǐè-hwɔ̀ɖɔ̀ kɛ kè Ɖínà kè Játì kè Ɛ̀tèmɔ́à kè Híɖèìn kè Déɓì kè Ásàùn ɔ kè Bɛ̀-Sɛ́mɛ̀.

⁶⁰ Ké hwɔɖɔ ɓě kè wa nììn nyúà-ɖɛ̀ dyi-ɖi-naín ɓě ɓɛ́ wa nyí ma Eɖóúnɛ̀ xwíníín-dyù ɓěɔ̀ ɖé Bɛ̃́címà-ɓòɖòɔ̀ kɔ̃ɛɛ mɔ̀ ma Géɓà kè Àɖɛ́mɛ̀ ɔ kè Ànáfò. Hwɔɖɔ séín ɓě ɓɛ́ wa nyí ma Eɖóúnɛ̀ xwíníín-dyù ɓěɔ̀ kɛɛ poìn dyí mɔ̀ ma hwɔɖɔ ɓaɖa-bùè sè tã.

⁶¹ Ké wa nyí ma Kóhà nììn gbǒ-xwíníín tɔ̀ɔ̀ hwɔɖɔ ɓaɖa-bùè ɖé Mànásì-ɓòɖò nìà ɖé Jɔ́nì-nìɔ̀ dyóɖó-dyi-kpáìn-naínɔ̀ kɛɛ kɔ̃. Wa nyí ma wa hwɔɖɔ ɓěɛ̀ dyììn ɖé gbo-ɖàɓàìn-ɖɛ̀ mú.

⁶² Ké wa nyí ma Gésɔ̀ùn nììn gbǒ-xwíníínɔ̀ hwɔɖɔ ɓaɖa-bùè sè tã ɖé Ɛ́sàkà-ɓòɖòɔ̀ kè Ásè-ɓòɖòɔ̀ kè Náfátàɖì-ɓòɖòɔ̀ ɔ kè Básàùn-ɓòɖò ɓɛ́ Mànásì-nyɔ̀ ɓěɔ̀ cĩ́à kɔ̃ ɖé Jɔ́nì-nìɔ̀ dyóɖó-xwáɖáún-wóɖóìn-naínɔ̀ kɛɛ kɔ̃.

⁶³ Ké wa nyí ma Mɛ̀wáɖáwìɖì nììn gbǒ-xwíníínɔ̀ hwɔɖɔ ɓaɖa-bùè sè sɔ̃́ ɖé Wuɖuɓíín-ɓòɖòɔ̀ kè Gáà-ɓòɖòɔ̀ ɔ kè Zɛ́ɓíúɖɔ̀ùn-ɓòɖòɔ̀ kɔ̃.

⁶⁴ Kǎà Éézùɖùɛ̀-nyɔ̀ ɓěɔ̀ nyu ma hwɔɖɔ ɓěɛ̀ kè nyúà-ɖɛ̀ dyi-ɖi-naín ɓě nì ma wa ɖeiɛɛ Ɖíìváà-nyɔ̀ ɓěɔ̀ nyíɛ.

⁶⁵ Hwɔɖɔ ɓě ɓɛ́ wa nyí ma kà Eɖóúnɛ̀ xwíníín-dyù ɓě sɔ̀à ɖé Kóhàà gbǒ-xwíníínɔ̀ múɛɛ jè ɖǎ céè. Wa nyí ma wa hwɔɖɔ ɓěɛ̀ ɖé Júɖà-ɓòɖòɔ̀ kè Símìɔ̀-ɓòɖòɔ̀ ɔ kè Bɛ̃́címà-ɓòɖòɔ̀ kɔ̃, dyììn ɖé gbo-ɖàɓàìn-ɖɛ̀ mú.

^66-69 Ké wa nyí ma Kóhà nììn gbǒ-xwíníín tɔ̀ɔ̀ hwɔɖɔ ɓěɛ̀ kè waà nyúà-ɖɛ̀ dyi-ɖi-naín ɓě ɖé Ífèɖèìn-ɓòɖòɔ̀ kɔ̃. Hwɔɖɔ ɓěɔ̀ mɔ̀ ma Sɛ́kɛ̃̀ìn ɓɛ́ ɔ mɔ̀ ma mú-vǐè-hwɔ̀ɖɔ̀ ɖé Ífèɖèìn Toɖo-ɓòɖòɔ̀ kɔ̃ɛ kè Gézɛ̀ kè Jòmíà kè Bɛ̀-Hówɔ̀nɔ̀ kè Àjáɖɔ̀ùn ɔ kè Gátì-Wíɖímɔ̀.

⁷⁰ Ké wa nyí ma wa hwɔɖɔ ɓěɛ̀ kè waà nyúà-ɖɛ̀ dyi-ɖi-naín ɓě ɖé Mànásì-ɓòɖò nìà ɖé Jɔ́nì-nìɔ̀ dyóɖó-dyi-kpáìn-naínɔ̀ kɛɛ kɔ̃ ɖekè. Hwɔɖɔ ɓěɔ̀ mɔ̀ ma Ánɛ̀ kè Bíɖèàùn.

⁷¹ Ké wa nyí ma Gésɔ̀ùn nììn gbǒ-xwíníínɔ̀ hwɔɖɔ ɓěɛ̀ kè waà nyúà-ɖɛ̀ dyi-ɖi-naín ɓě ɖé Mànásì-ɓòɖò nìà ɖé Jɔ́nì-nìɔ̀ dyóɖó-xwáɖáún-wóɖóìn-naínɔ̀ kɛɛ kɔ̃. Hwɔɖɔ ɓěɔ̀ mɔ̀ ma Góɖàùn nìà ɖé Básàùn-ɓòɖòɔ̀ kɔ̃ɛ kè Àtáwòɖò.

^72-73 Ké wa nyí ma wa hwɔɖɔ ɓěɛ̀ kè waà nyúà-ɖɛ̀ dyi-ɖi-naín ɓě ɖé Ɛ́sàkà-ɓòɖòɔ̀ kɔ̃ ɖekè. Hwɔɖɔ ɓěɔ̀ mɔ̀ ma Kɛ́ɖɛ̀ kè Dàɓɛ́wàɖà kè Wáɖámɔ̀ ɔ kè Ánɛ̀ìn.

^74-75 Ké wa nyí ma wa hwɔɖɔ ɓěɛ̀ kè waà nyúà-ɖɛ̀ dyi-ɖi-naín ɓě ɖé Ásè-ɓòɖò kɔ̃ ɖekè. Hwɔɖɔ ɓěɔ̀ mɔ̀ ma Másàò kè Ɛ́bɔ̀nɔ̀ kè Húkò ɔ kè Wíɖíhɔ̀.

⁷⁶ Ké wa nyí ma wa hwɔɖɔ ɓěɛ̀ kè waà nyúà-ɖɛ̀ dyi-ɖi-naín ɓě ɖé Náfátàɖì-ɓòɖòɔ̀ kɔ̃ ɖekè. Hwɔɖɔ ɓěɔ̀ mɔ̀ ma Kɛ́ɖɛ̀ nìà ɖé Gáɖàɖíì-ɓòɖòɔ̀ kɔ̃ɛ kè Hámɔ̀ùn ɔ kè Kíjàtáìn.

⁷⁷ Ké wa nyí ma Mɛ̀wáɖáwìɖì nììn gbǒ-xwíníín mɔ̀à Ɖíìváà-nyɔ̀ tɔ̀ɔ̀ ɓěɔ̀ kɛɛ hwɔɖɔ ɓěɛ̀ kè waà nyúà-ɖɛ̀ dyi-ɖi-naín ɓě ɖé Zɛ́ɓíúɖɔ̀ùn-ɓòɖòɔ̀ kɔ̃. Hwɔɖɔ ɓěɔ̀ mɔ̀ ma Wíɖímɔ̀nɔ̀ùn kè Táɓɔ̀.

^78-79 Ké wa nyí ma wa hwɔɖɔ ɓěɛ̀ kè waà nyúà-ɖɛ̀ dyi-ɖi-naín ɓě ɖé Wuɖuɓíín-ɓòɖò nìà ɖé Jɔ́nì-nìɔ̀ dyóɖó-xwáɖáún-wóɖóìn-naínɔ̀ ɖé Jɛ́ɖèkóò-hwɔ̀ɖɔ̀ɔ̀ gbɔɛɛ kɔ̃ ɖekè. Hwɔɖɔ ɓěɔ̀ mɔ̀ ma Bɛ́zɔ̀ ɓɛ́ ɔ nì ma ɖé gbǎùn-fúɖúá ɖò kɔ̃ɛ kè Jázà kè Kɛ̀ɖémɔ̀ ɔ kè Mèfáà.

^80-81 Ké wa nyí ma wa hwɔɖɔ ɓěɛ̀ kè waà nyúà-ɖɛ̀ dyi-ɖi-naín ɓě ɖé Gáà-ɓòɖòɔ̀ kɔ̃ ɖekè. Hwɔɖɔ ɓěɔ̀ mɔ̀ ma Wáɖámɔ̀ nìà ɖé Gíɖèà-ɓòɖòɔ̀ kɔ̃ɛ kè Máhànáì kè Hɛ́ɓɔ̀ùn ɔ kè Jázè.