Ndumba 2 - Bible azumeina

Yima kaka handjaf Israel-lâ kur kangâ

¹ Ma didina mi de mi Moise azi ki Aron ala:

² Ar Israel-lâ nge nge pî mi ve kang mama go ki drapo mamba ad’u drapod’a hi simiyêmba, a ve kang mazina ngagad’a yam taziya, a ngui zlub’u d’a ngaf tad’a kä d’uhl:

³ Ades ma dur ayî ma zlap kades ma dur ayîna hi Juda-nina, mi ve kang mama abo ma yorogona hi zlub’ud’ina. Ma ngol ma avok andjafâ hi Juda-nina ni Nason Aminadap goroma.

⁴ Mam suma dur ayîna a ni 74.600.

⁵ Andjafâ hi Isakar-râ mi ve kang mama gevemu. Ma ngol ma avorozina ni Netanel Suwar goroma.

⁶ Mam suma dur ayîna a ni 54.400.

⁷ Andjafâ hi Zabulon-na mi ve kang mama geveziya. Ma ngol ma avorozina ni Eliyap Helon goroma.

⁸ Mam suma dur ayîna a ni 57.400.

⁹ Ades ma dur ayî ma zlap kades ma dur ayîna ki Juda-nina pet ni 186.400; ni azi ba, a mba tchol á id’a avogo.

¹⁰ Ades ma dur ayî ma zlap kades ma dur ayîna hi Ruben-nina mi ve kang mama abo ma sutna hi zlub’ud’ina. Ma ngol ma avok andjafâ hi Ruben-nina ni Elisur Sedewur goroma.

¹¹ Mam suma dur ayîna a ni 46.500.

¹² Andjafâ hi Simeon-na mi ve kang mama gevemu. Ma ngol ma avorozina ni Selumiyel Surisadai goroma.

¹³ Mam suma dur ayîna a ni 59.300.

¹⁴ Andjafâ hi Gad-na mi ve kang mama geveziya. Ma ngol ma avorozina ni Eliyasaf Dewel goroma.

¹⁵ Mam suma dur ayîna a ni 45.650

¹⁶ Ades ma dur ayî ma zlap kades ma dur ayîna hi Ruben-nina pet ni 151.450; ni azi ba, a mba tchol á id’a á mbàd’a.

¹⁷ Bugola, adesâ hi suma hi Levi-na a mba i ki zlub’u d’a ngaf tad’a bugol ades ma mbà ma mi i avo’â. A mba i nad’u adezezi adezeziya, nge nge pî ad’u adezem ki drapo mamba.

¹⁸ Ades ma dur ayî ma zlap kades ma dur ayîna hi Efraim-mina, mi ve kang mama abo ma fladegena hi zlub’ud’ina. Ma ngol ma avok andjafâ hi Efraim-mina ni Elisama Amihut goroma.

¹⁹ Mam suma dur ayîna a ni 40.500.

²⁰ Andjafâ hi Manase-na mi ve kang mama gevemu. Ma ngol ma avorozina ni Gamliyel Pedasur goroma.

²¹ Mam suma dur ayîna a ni 32.200.

²² Andjafâ hi Benjamin-na mi ve kang mama geveziya. Ma ngol ma avorozina ni Abidan Gidoni goroma.

²³ Mam suma dur ayîna a ni 35.400.

²⁴ Ades ma dur ayî ma zlap kades ma dur ayîna hi Efraim-ma pet ni 108.100; ni azi ba, a mba tchol á id’a á hindid’a.

²⁵ Ades ma dur ayî ma zlap kades ma dur ayîna hi Dan-nina, mi ve kang mama abo ma norâ hi zlub’ud’ina. Ma ngol ma avok andjafâ hi Dan-nina ni Ahiyezer Amisadai goroma.

²⁶ Mam suma dur ayîna a ni 62.700.

²⁷ Andjafâ hi Aser-râ mi ve kang mama gevemu. Ma ngol ma avorozina ni Pagiyel Okran goroma.

²⁸ Mam suma dur ayîna a ni 41.500.

²⁹ Andjafâ hi Neftali-na mi ve kang mama geveziya. Ma ngol ma avorozina ni Ahira Enan goroma.

³⁰ Mam suma dur ayîna a ni 53.400.

³¹ Ades ma dur ayî ma zlap kades ma dur ayîna hi Dan-nina pet ni 157.600; ni azi ba, a mba tchol á id’a bugol drapo mazid’a.

³² Israel suma a ndumuzi ad’u andjavazi kadezezi ma dur ayîna suma kur kangîna pet a ni 603.550.

³³ A ndum nga suma hi Levi-na zlapa ki Israel-lâ d’uo d’igi Ma didina mi he vuna mi Moise na.

³⁴ Israel-lâ a lahlena dedege d’igi Ma didina mi he vuna mi Moise na pet mi. A ve kangâ ad’u drapo mazid’a, a tchol a i ad’u adezezi ad’u andjavazi d’igi a hazi vuna na mi.