Josue 12 - Bible azumeina

Ndumba hamulei suma Israel-lâ a kus kazina

¹ Wana namulei suma Israel-lâ a kus kazi kambas mazid’a sä abo alum ma Jurdê-na woi hî abo ma yorogonid’a, tinï ad’ud’a avun alum ma Arnon-na dei gak mba yam ahina d’a Hermon-nda ki fula abo ma yorogonid’a pet mi:

² Sihon amul ma Amor ma nga kaka Hesbon-na. Mi te leud’a yam abo alum ma Arnon ma suma Arower-râ a nga kaka kuana, mi te yam abo andaga d’a Galät-ta gak mba kur alum ma Jabok ma hagad’a kambasa hi suma Amon-nid’a.

³ Mi te yam abo alum ma Jurdê ma abo ma yorogona tinï ad’ud’a avun apo d’a Kineret-ta abo ma norâ gak mba kur apo d’a Matna d’a go ki Bet-Jesimot-ta gak i abo ma sutna kur azì ma nga kä ad’u ahina d’a Pisga-d’ina.

⁴ Ok amul ma Basan-na ni ma ar tu ad’u andjafâ hi suma Refa-nina, mi nga kaka Astarot ki Edrei.

⁵ Nga mi te leud’a yam ahina d’a Hermon-nda, yam Salka, yam andaga d’a Basan-nda pet gak mba mi tin hagad’a ki suma Gesur-râ ki suma Mäka-na. Mi hleï abo andaga d’a Galät-ta gak mba mi yo hagad’a ki Sihon amul ma Hesbon-na.

⁶ Ni suma Moise azongâ hi Ma didinina ki Israel-lâ a kus kazina. Moise mi hazi ambas mazid’a djona mandjafâ hi Ruben-na, mandjafâ hi Gad-na kabo andjafâ hi Manase-na mi.

⁷ Wana namulei suma yam ambas sa sä abo alum ma Jurdê-na woi hî abo ma fladegena suma Josue azi ki Israel-lâ a kus kazina, tinï ad’ud’a Bäl-Gad kur hor ra Liban-nda dei gak mba yam ahina d’a va nga kat tuo d’a go ki Seir-ra. Josue mi hlambas mazid’a mi Israel-lâ ad’u andjavaziya, ad’u andjavaziya.

⁸ Mi hazi ambas sa yam ahinad’id’a, d’a kä ata yima ligitimid’a, d’a Araba-d’a, d’a yam yima ndingîd’a, d’a hur fulid’a ki d’a abo ma sutnid’a mi. Wana nambasa hi suma Het-nid’a, hi suma Amor-rîd’a, hi suma Kanan-nid’a, hi suma Peris-sîd’a, hi suma Hef-fîd’a ki d’a hi suma Jebus-sîd’a mi.

⁹ Amulei suma a kus kazina ba wana: Amul ma Jeriko-na, amul ma Aï ma go ki Betel-lâ,

¹⁰ amul ma Jerusalem-ma, amul ma Hebron-na,

¹¹ amul ma Jarmut-na, amul ma Lakis-sâ,

¹² amul ma Eglon-na, amul ma Gezer-râ,

¹³ amul ma Debir-râ, amul ma Geder-râ,

¹⁴ amul ma Horma-na, amul ma Arat-na,

¹⁵ amul ma Libina-na, amul ma Adulam-ma,

¹⁶ amul ma Makeda-na, amul ma Betel-lâ,

¹⁷ amul ma Tapuwa-na, amul ma Hefer-râ,

¹⁸ amul ma Afe’â, amul ma Lasaron-na,

¹⁹ amul ma Madon-na, amul ma Hasor-râ,

²⁰ amul ma Simron-Meron-na, amul ma Akesaf-fâ,

²¹ amul ma Täna’â, amul ma Megido-na,

²² amul ma Kedes-sâ, amul ma Jokneyam ma Karmel-lâ,

²³ amul ma Dor ma nga akulo yam yima nding ma Dor-rîna, amul ma Goyim ma nga go ki Gilgal-lâ

²⁴ kamul ma Tirsa-na. Ndumba hamuleinid’a pet ni dok hindi yam tu.