Jeremi 47 - Bible azumeina

Zla d’a a dat yam Filistê-nid’a

¹ Wana ni zla d’a Ma didina mi dat mi ma djok vun Alona Jeremi yam suma Filistê-na avok ka Faron bei mi dur ayîna ki suma Gaza-na tua d’a:

² Ma didina mi dala: Gola! Mbina mi tcholï abo ma norâ, mi mbut alum ma djang ma mi kus seina. Mi kus sei yam ambasa kahle suma kurutna, yam azì ma nglona ki suma a nga kaka kuruma. Suma a nga tchiya, suma a nga kaka kur ambasina pet a nga tchi horâ.

³ A hum siwela hasem akulumei mam suma sib’ika, a hum siwela hasem pus mam ma dur ayîna. Abuyod’a nga d’i mbut irat ir grod’a d’i, kayam a mbut amangeîd’a.

⁴ Kayam bur ma a b’lak suma Filistê-na woi petna mi mba wa. A mba fe sama ndjun Tir ki Sidon-na d’uo d’a, kayam an Ma didina nga ni b’lak suma Filistê suma a arâ woyo. Azi ni suma a tcholï kur til la Kaftor-ra a mba kak kuana.

⁵ Suma Gaza-na a wel wa yazi woi á dodora. Suma Askalon-na a seng wa silil. Agi suma aragi nga kaka yam andaga d’a papanid’ina, ni mindja ba, agi mba aragi tagi bei b’asa ge?

⁶ Agi nga tchigi ala: Ndak mbigeud’a hi Ma didinid’a, ni mindja ba, ndak ki tuk tak ke? Ndak hulong kur aziyagu, ndak kak tchugot bei le va ba.

⁷ Ma didina mi dala: Ni nana ba, ti mba d’i tuk tat ke? Ni an Ma didina ba, ni hat vuna á i ata Askalon kabo ma avun alum ma ngolîna d’uo zu?