Vibraaniyyiin 9 - Kitaab al Vahd aj Jadid 1978

AL VIBAADA FI_L MAḤALL AL MAGADDAS BITAAV AD DUNYA

¹ Wa_l ittifaag al awwal kaan vindu gawaaniin al vibaada wa_l maḥall al magaddas bitaav ad dunya.

² Wa hum jahhazu_l xeema, al fi barra, isima, Al Maḥall al Gudduus. Wa kaanu fiihu ṭarabeezat al lamba wa ṭarabeeza fooga veesh at tagdima.

³ Wa be wara_s sitaara at taanya, al xeema, isima, Gudus al Agdaas,

⁴ wa fiihu maḍbaḥ al baxuur min dahab wa taabuut al ittifaag, al mughaṭṭa min kullu jamb be_d dahab. Wa fiihu ḥalla min ad dahab, fiiha_l manna, wa vaṣaaya Haaruun aj jaabat awraag, wa looḥ al ittifaag.

⁵ Wa min foog at taabuut, karuubiim al majd yaḍallilu kursi_r raḥma. Wa hassav maa nagdar nitkallam van al ḥaajaat di min awwala le aaxira.

⁶ Wa lamma jahhazu kullu ḥaaja zei da, al gusus kaanu bidxulu le_l xeema al fi barra daaiman vashaan yavmilu_l xidma.

⁷ Laakin ra’iis al gusus bass kaan bidxul al maḥall at taani, marra waaḥda fi_s sana. Wa hu maa daxal biduun damm, al huwa gaddamu van nafsu wa van xaṭaaya an naas al vamalooha biduun mavrifa.

⁸ Wa kida, ar Ruuḥ al Gudus kaan biwarri ’innu_ṭ ṭariig le Gudus al Agdaas maa kaan maftuuḥ, maa daam al xeema_l fi barra lissav waagifa.

⁹ Wa da masal le_l wakit al ḥaaḍir, al biwarri ’innu_l hadaaya wa_d ḍabaayiḥ al hum gaddamooha maa gidiru yavmilu ḍamiir az zool al yaxdim kaamil.

¹⁰ Wa hum gawaaniin jismiyya bass van akil wa shurub wa ghasiil muxtalif, wa yashtaghilu beehum lighaayat wakit at tartiib aj jadiid.

DAMM AL MASIIḤ

¹¹ Laakin al Masiiḥ ja ra’iis gusus le_l ḥaajaat al kwaisa al fih hassav, be_l xeema_l akbar wa_l akmal. Wa_l xeema di maa mavmuula be iid zool, yavni mush min al xaliiga di.

¹² Hu maa daxal be damm ghanam wa vujuul, laakin be damm nafsu marra waaḥda le Gudus al Agdaas, wa jaab leena fidaa abadi.

¹³ Wa yarushshu damm ghanam wa teeraan wa ramaad vijla vala_l bigu wasxaaniin valashaan yagaddisum le naḍaafat aj jisim.

¹⁴ Wa valashaan da_l ḥagg, kam be_l aktar damm al Masiiḥ vamal leena! Huwa gaddam nafsu le Allaah be_r Ruuḥ al abadi biduun veeb. Wa dammu binaḍḍif ḍamaayirna min al avmaal al meyyita vashaan naxdim Allaah al ḥai.

¹⁵ Wa valashaan kida, al Masiiḥ wasiiṭ ittifaag jadiid, vashaan hum, al muxtaariin bigbalu_l miiraat al abadi al mawvuud. Wa da bikuun kida valashaan huwa maat le fidaa al xaṭaaya al vamalooha tiḥit al ittifaag al awwal.

¹⁶ Wa lamma takuun fih waṣiyya, laazim yasabbituuha be moot al waaḥid al vamala.

¹⁷ Vashaan al waṣiyya vindaha guwwa bass iza waaḥid yamuut, wa maa bikuun vindaha guwwa abadan wakit maa al waaḥid al vamala biviish.

¹⁸ Valashaan kida, al ittifaag al awwal maa biga saabit biduun damm.

¹⁹ Fi_l awwal Muusa kallam kullu_n naas be kullu amr fi_l gaanuun. Wa bavd da huwa axad damm al vujuul wa_l ghanam, mava mooya wa ṣuuf aḥmar wa zuufa. Wa rashsha vala_l Kitaab zaatu wa vala kullu_n naas.

²⁰ Wa hu gaal, “Da huwa damm al ittifaag al amarkum beehu Allaah.”

²¹ Wa zei da, huwa rashsh ad damm vala_l xeema wa vala kullu ḥaajaat al xidma.

²² Wa be ḥasab al gaanuun yanaḍḍifu kullu_l ḥaajaat tagriiban be_d damm. Wa iza maa yakubbu_d damm, maa bikuun fih ghufraan.

²³ Valashaan kida, kaan laazim yanaḍḍifu ṣuwar al ḥaajaat al fi_s sama be_d ḍabaayiḥ deel. Wa laakin yanaḍḍifu_l ḥaajaat al fi_s sama zaata be ḍabaayiḥ aḥsan min deel.

²⁴ Vashaan al Masiiḥ maa daxal le Gudus al Agdaas al mavmuul be_n naas, wa da ṣuurat al ḥaajaat al ḥagiigiyya. Laakin hu daxal le_s sama vashaan yaẓhar giddaam washsh Allaah fishaanna.

²⁵ Wa maa vashaan huwa yagaddim nafsu marraat katiira zei maa ra’iis al gusus bidxul Gudus al Agdaas kullu sana be damm mush ḥaggu.

²⁶ Vashaan iza kida, al Masiiḥ kaan laazim yatvab marraat katiira min xaliigat ad dunya. Laakin hassav huwa ẓahar marra waaḥda fi nihaayat az zaman vashaan yawaggif al xaṭiyya be ḍabiiḥat nafsu.

²⁷ Wa muvayyan le_n naas ’an yamuutu marra waaḥda, wa bavd da yakuun al ḥukm.

²⁸ Wa zei da kamaan, al Masiiḥ kaan magaddam marra waaḥda vashaan yashiil xaṭaaya naas kutaar. Wa huwa biẓhar marra taanya, mush valashaan yashiil al xaṭiyya, laakin vashaan yaxalliṣum al bistannuuhu.