Matta 3 - Kitaab al Vahd aj Jadid 1978

YUUḤANNA AL MAVMADAAN YAJAHHIZ AS SIKKA

¹ Wa fi_l aiyaam deelaak, Yuuḥanna al Mavmadaan ja yabashshir fi xala_l Yahuudiyya

² wa yaguul, “Tuubu, fishaan malakuut as sama gariib.”

³ Fishaan da huwa al kalaam an nabi Ishavyaa gaal be xuṣuuṣu, “Ṣoot al bikoorik fi_l xala: Ḥaḍḍiru ṭariig ar Rabb, Avmilu_s sikak bitaavtu dughri.”

⁴ Wa Yuuḥanna kaan laabis toob min shavr aj jamal, wa fi wasṭu ḥizaam min jilid. Wa_l akl bitaavu kaan jaraad wa vasal min al ghaaba.

⁵ Fi_l wakit da, naas Uurushaliim wa naas min kull al Yahuudiyya wa min kullu maḥall gariib min baḥar al Urdunn maragu

⁶ wa itvammadu minnu fi_l Urdunn. Wa kaanu yaxabbiru be xaṭaayaahum.

⁷ Wa lamma shaaf katiir min al Farriisiyyiin wa_ṣ Ṣadduugiyyiin gaavidiin yaju le_l mavmuudiyya, Yuuḥanna gaal leehum, “Yaa awlaad ad dabaayib, minu xabbarkum be_l xaṭar vashaan tajru min az zavl aj jaai?

⁸ Avmilu_l ḥaajaat al biwarru_n naas intu tubtu.

⁹ Wa maa bitaftakiru taguulu fi nufuuskum, Abuuna huwa Ibraahiim. Vashaan aguul leekum, Allaah yagdar yaṭalliv awlaad le Ibraahiim min al ḥujaar deel.

¹⁰ Wa hassav di xaṭṭu_l faas vala virg ash shajar. Kullu shajara al maa tajiib tamar samiḥ, bigṭavuuha wa birmuuha fi_n naar.

¹¹ Ana bavammidkum be mooya le_t tooba. Wa laakin huwa al biji bavdi gawwi minni. Wa ana maa kwaiyis ḥatta ashiil jizamu. Huwa bivammidkum be_r Ruuḥ al Gudus wa_n naar.

¹² Muḍraayatu fi iidu, wa hu binaḍḍif arḍu, wa bilimm duratu fi_l maxzan, wa laakin al gishr min ad dura biḥrigu be_n naar al maa bitmuut.”

MAVMUUDIYYAT YASUUV

¹³ Bavd da, Yasuuv ja min aj Jaliil le_l Urdunn le Yuuḥanna vashaan yitvammad minnu.

¹⁴ Wa laakin Yuuḥanna manavu wa gaal, “Ana laazim atvammad minnak inta, wa inta taji leiya?”

¹⁵ Laakin Yasuuv radda wa gaal leehu, “Xalliihu yakuun kida hassav, vashaan da muwaafig ’an natimm kullu birr.” Bavd da hu addaahu izin.

¹⁶ Wa lamma Yuuḥanna vammad Yasuuv, hu ṭalav ṭawwaali min al mooya. Wa shuuf, as sama infataḥat, wa hu shaaf Ruuḥ Allaah naazil zei ḥamaama, wa jaai foogu.

¹⁷ Wa shuuf, ja ṣoot min as sama wa gaal, “Da huwa Ibni_l ḥabiib, wa ana mabsuuṭ beehu.”