Matta 2 - Kitaab al Vahd aj Jadid 1978

ZIYAARAT AL MAJUUS

¹ Wa lamma Yasuuv kaan mawluud fi Beetlaḥam al fi Yahuudiyya, fi aiyaam Hiiruudus al malik, shuuf! majuus min ash sharg jo le Uurushaliim,

² wa gaalu, “Ween huwa al mawluud malik al Yahuud? vashaan shufna_n najma bitaavtu fi_sh sharg, wa jiina vashaan navbudu.”

³ Lamma al malik Hiiruudus simiv da, fakkar katiir fiihu, wa kull naas Uurushaliim mavaahu.

⁴ Wa jamav kull al gusus al kubaar wa muvallimiin al gaanuun, wa sa’alum: “Al Masiiḥ bikuun mawluud ween?”

⁵ Wa gaalu leehu, “Fi Beetlaḥam, al fi Yahuudiyya, fishaan da al gaal an nabi:

⁶ Wa inti, yaa Beetlaḥam, balad Yahuuda, maa al aṣghar been mudiiriin Yahuuda. Valashaan minnik yaji mudiir yaḥkum vala_n naas bitaavi, Israa’iil.”

⁷ Bavd da, Hiiruudus naada_l majuus be_s sirr, wa itvallam minnahum wakit an najma ṭalavat.

⁸ Wa rassalum le Beetlaḥam wa gaal, “Amshu wa fattishu be aiyi ṭariig vala_l walad. Wa lamma talguuhu, jiibu leiya_l xabar, valashaan ana kamaan baji wa avbudu.”

⁹ Wa lamma hum simivu min al malik, mashu. Wa shuuf, an najma al hum shaafooha fi_sh sharg mashat giddaamum lighaayat maa jaat, wa wagafat foog al maḥall al kaan fiihu_l walad.

¹⁰ Wa lamma shaafu_n najma, kaanu mabsuuṭiin shadiid jiddan.

¹¹ Wa daxalu_l beet wa shaafu_l walad mava ummu Maryam. Wa rakavu wa vabadoohu. Bavd da, fataḥu ḥaajaatum al ghaalya wa gaddamu leehu hadaaya: dahab wa lubaan wa baxuur.

¹² Wa Allaah kallamum van al xaṭar fi ḥilim vashaan maa yarjavu le Hiiruudus. Wa hum mashu be sikka taanya le baladum.

AL HURUUB LE MAṢR

¹³ Wa bavd maa mashu, shuuf, malaak ar Rabb ja le Yuusif fi ḥilim wa gaal, “Guum, uxud al walad wa ummu wa amshi gawaam le Maṣr, wa agvud hinaak lighaayat maa aguul leek, valashaan Hiiruudus vaawiz yafattish vala_l walad vashaan yaktulu.”

¹⁴ Wa hu gaam wa axad al walad wa ummu be_l leel, wa masha le Maṣr.

¹⁵ Wa hu gavad hinaak lighaayat maa maat Hiiruudus, vashaan yatimm al Kalaam ar Rabb gaal be_n nabi, “Min Maṣr naadeet waladi.”

¹⁶ Bavdeen, lamma Hiiruudus shaaf ’an al majuus maa iḥtaramoohu, kaan zavlaan jiddan jiddan, wa rassal wa katal kull al awlaad al kaanu fi Beetlaḥam, wa fi kullu maḥall al gariib minnu, al awlaad al vumr bitaavum kaan sanateen wa agall min da, zei al wakit al kaan vindu xabar min al majuus.

¹⁷ Fi_l wakit da, tamma al kalaam al gaal Irmiya an nabi,

¹⁸ “Simivu ṣoot fi Arraama, al ḥuzn wa_l bika katiir. Raḥiil tabki le awlaada wa abat takuun mabsuuṭa, valashaan hum maa fih.”

AR RUJUUV LE NAAṢIRA

¹⁹ Wa laakin lamma Hiiruudus maat, shuuf, malaak ar Rabb ja fi ḥilim le Yuusif fi Maṣr,

²⁰ wa gaal, “Guum, wa uxud al walad wa ummu wa amshi le balad Israa’iil, vashaan al kaanu yafattishu vala nafs al walad, maatu.”

²¹ Wa gaam wa axad al walad wa ummu, wa ja le balad Israa’iil.

²² Wa laakin lamma hu simiv ’an Arxeelaawus kaan yaḥkum vala_l Yahuudiyya badal abuuhu Hiiruudus, xaaf yamshi hinaak. Wa vashaan Allaah kallamu van al xaṭar fi ḥilim, masha le gism aj Jaliil.

²³ Wa ja wa gavad fi_l madiina al isima an Naaṣira, vashaan yatimm al gaalu_l anbiya, “Bisammuuhu Naaṣiri.”