Luuga 9 - Kitaab al Vahd aj Jadid 1978

YASUUV YARASSIL AL IṬNAASHAR

¹ Wa naada talaamiizu_l iṭnaashar wa addaahum gudra wa sulṭa vala_sh sheyaaṭiin wa vashaan yashfu_l marḍaaniin.

² Wa rassalum yabashshiru be malakuut Allaah wa yashfu_l marḍaaniin.

³ Wa gaal leehum, “Maa tashiilu ḥaaja le_s safar, laa vaṣaaya wa laa kiis wa laa veesh wa laa filuus wa laa toobeen.

⁴ Wa aiyi beet daxaltuuhu, agvudu hinaak, lighaayat maa tasiibu_l balad diik.

⁵ Wa kull al maa yagbaluukum, lamma tamrugu min al balad diik, hizzu_t turaab min vala rijleekum vashaan shahaada valeehum.”

⁶ Wa hum ṭalavu, wa kaanu yafuutu vala kullu ḥilla yabashshiru wa yashfu fi kullu maḥall.

⁷ Wa Hiiruudus ra’iis al mudiiriyya simiv be kull al ḥaṣal, wa kaan mitḥayyir vashaan bavḍum gaalu ’innu Yuuḥanna gaam min been al meyyitiin.

⁸ Wa bavḍum gaalu ’innu Iiliyya ẓahar, wa gheerum ’innu nabi min zamaan gaam.

⁹ Wa Hiiruudus gaal, “Ana gaṭavta raas Yuuḥanna, laakin minu da al basmav vannu ḥaajaat zei di?” Wa kaan daayir yashuufu.

¹⁰ Wa lamma_r rusul rajavu, xabbaroohu be kull al vamaloohu. Wa axadum, wa hum mashu baraahum le balad isima Beetṣaida.

¹¹ Wa_n naas, wakit maa virfu, tibivoohu. Wa hu gibilum wa kallamum van malakuut Allaah, wa shafa_l muḥtaajiin le_sh shifa.

¹² Wa lamma garrab al misa, al iṭnaashar jo wa gaalu leehu, “Rassil an naas vashaan yamshu le_l ḥilal wa_l bilaad al gariiba, wa yanuumu hinaak wa yalgu akil. Vashaan niḥna hina fi makaan xala.”

¹³ Laakin huwa gaal leehum, “Intu adduuhum vashaan yaaklu.” Wa gaalu, “Maa vindana ḥaaja aktar min xamsa rughfaan wa samakteen, illa iza namshi wa nashtari akil le_n naas deel kullahum.”

¹⁴ Vashaan kaanu xamsat alaaf raajil tagriiban. Wa gaal le talaamiizu, “Xalluuhum yagvudu jamaava xamsiin xamsiin tagriiban.”

¹⁵ Wa vamalu kida, wa kullahum gannabu.

¹⁶ Wa axad al xamsa rughfaan wa_s samakteen, wa vaayan le_s sama, wa baarakum, wa kassar, wa adda le_t talaamiiz vashaan yagaddimu le_n naas.

¹⁷ Wa kulluhum akalu wa shibivu. Wa rafavu_l faḍla min al kisar iṭnaashar guffa.

IVTIRAAF BUṬRUS BE_L MASIIḤ

¹⁸ Wa ḥaṣal, lamma hu kaan yaṣalli, wa_t talaamiiz kaanu mavaahu, hu sa’alum wa gaal, “An naas biguulu ana minu?”

¹⁹ Wa raddu wa gaalu, “Yuuḥanna al Mavmadaan. Wa taanyiin biguulu Iiliyya. Wa taanyiin, nabi min zamaan gaam.”

²⁰ Wa gaal leehum, “Wa intu taguulu ana minu?” Wa Buṭrus radda wa gaal, “Inta Masiiḥ Allaah.”

²¹ Wa ḥazzarum wa amarum maa yaguulu da le aiyi zool.

²² Wa gaal, “Ibn al insaan laazim yitvazzab katiir. Wa_sh shuyuux, wa_l gusus al kubaar, wa muvallimiin al gaanuun birfuḍuuhu wa biktuluuhu. Wa fi_l yoom at taalit huwa biguum.”

²³ Wa gaal le_l kull, “Iza kaan zool daayir yaji waraai, xalliihu yankir nafsu wa yashiil ṣaliibu kullu yoom wa yatbavni.

²⁴ Vashaan kull ad daayir yaxalliṣ nafsu yawaddira, wa kull al yawaddir nafsu vashaanni yaxalliṣa.

²⁵ Wa_l faaida shinu iza_z zool liga ad dunya kullaha wa waddar nafsu walla xisira?

²⁶ Vashaan iza waaḥid yakuun xajlaan minni wa min kalaami, Ibn al insaan bikuun xajlaan minnu wakit maa yaji fi majdu wa fi majd al Abu wa_l malaaika_l magaddasiin.

²⁷ Bakallimkum be_l ḥagg, fih jamaava min al waagfiin hina, maa bimuutu lighaayat maa bishuufu malakuut Allaah.”

²⁸ Wa bavd al kalaam da be tamaanyat aiyaam tagriiban, Yasuuv axad Buṭrus wa Yuuḥanna wa Yavkuub, wa ṭalav vala_j jabal vashaan yaṣalli.

²⁹ Wa wakit kaan yaṣalli, washshu itghayyar, wa hiduumu biga abyaḍ wa laamiv.

³⁰ Wa shuuf! raajleen itkallamu mavaahu, wa hum Muusa wa Iiliyya.

³¹ Wa hum ẓaharu fi majd, wa kaanu yitkallamu van mootu, al kaan yagarrib yatimmu fi Uurushaliim.

³² Wa laakin Buṭrus wa_l mavaahu kaanu ghargaaniin fi_n noom. Wa lamma gaamu min an noom, shaafu majdu wa_r raajleen al waagifiin mavaahu.

³³ Wa ḥaṣal lamma_r raajleen kaanu yamshu min Yasuuv, Buṭrus gaal le Yasuuv, “Yaa Muvallim, kwaiyis nakuun hina. Xalliina navmil talaata xiyaam, waaḥda leek wa waaḥda le Muusa wa waaḥda le Iiliyya.” Wa huwa maa vaarif al biguulu.

³⁴ Wa wakit kaan bikallim, ja saḥaab wa ghaṭṭaahum. Wa xaafu lamma daxalu fi_s saḥaab.

³⁵ Wa ja ṣoot min as saḥaab yaguul, “Da huwa Ibni_l muxtaar. Asmavu leehu.”

³⁶ Wa bavd aṣ ṣoot da, Yasuuv itlaga baraahu. Wa sakatu wa maa kallamu aiyi zool fi_l aiyaam diik be aivi shi al hum shaafoohu.

³⁷ Wa fi_l yoom at taani lamma nazalu min aj jabal, jamav kabiir gaabaloohu.

³⁸ Wa shuuf! raajil min aj jamav koorak wa gaal, “Yaa Muvallim! Aṭlub minnak vaayin le waladi, vashaan huwa waladi_l waḥiid.

³⁹ Wa shuuf! ruuḥ biyamsiku, wa ṭawwaali hu bikoorik wa bitḥarrak katiir lighaayat maa yazabbid. Wa hu yaxalliihu be ṣuvuuba, wa yaxassir jismu.

⁴⁰ Wa ṭalabta min talaamiizak yaṭallivuuhu, wa maa gidru.”

⁴¹ Wa Yasuuv radda wa gaal, “Yaa awlaad az zaman al maa miṣaddigiin wa raasum gawwi, le miteen akuun mavaakum w_aṣbur valeekum? Jiib waladak hina!”

⁴² Wa wakit huwa jaai, ash sheeṭaan ramaahu wa jismu kaan bihizz. Laakin Yasuuv wabbax ar ruuḥ an najis wa shafa_l walad, wa sallamu le abuuhu.

⁴³ W_istaghrabu kulluhum min majd Allaah. Wa lamma_n naas kulluhum kaanu yitvajjabu vala kullu_l huwa vamal, gaal le talaamiizu,

⁴⁴ “Xallu_l kalaam da yakuun fi iḍneekum! Vashaan Ibn al insaan yitsallam le iideen an naas.”

⁴⁵ Wa laakin hum maa fihmu_l kalaam da, wa kaan madsuus minnahum, vashaan maa yafhamuuhu. Wa kaanu xaayifiin yas’aluuhu van al kalaam da.

MINU AL AKBAR

⁴⁶ Wa gaam beenum su’aal van yaatu fiihum bikuun akbar.

⁴⁷ Laakin Yasuuv, lamma virif fikir guluubum, axad walad wa waggafu jambu.

⁴⁸ Wa gaal leehum, “Al bigbal al walad da b_ismi, bigbalni. Wa_l bigbalni, bigbal ar rassalni. Vala kida, al aṣghar fiikum, da huwa al kabiir.”

⁴⁹ Wa Yuuḥanna radda wa gaal, “Yaa Muvallim! Shufna zool yaṭalliv sheyaaṭiin b_ismak, wa manavnaahu, vashaan maa yatbav mavaana.”

⁵⁰ Yasuuv gaal leehu, “Maa tamnavuuhu, vashaan al maa valeekum, huwa mavaakum.”

⁵¹ Wa lamma tammat al aiyaam le rafvu le_s sama, xalla kullu baalu, vashaan yamshi le Uurushaliim.

⁵² Wa rassal maraasiil giddaamu. Wa mashu wa daxalu ḥilla min ḥilal as Saamiriyyiin, vashaan yajahhizu leehu.

⁵³ Wa maa gibloohu vashaan kaan maashi le Uurushaliim.

⁵⁴ Wa lamma shaafu da, Yavkuub wa Yuuḥanna talaamiizu gaalu, “Yaa Rabb! (?) Inta daayirna naguul ’an naar tanzil min as sama wa taḥrigum, zei maa vamal Iiliyya kamaan?”

⁵⁵ Wa itlafat wa wabbaxum, wa gaal, “Intu maa tavrifu min yaatu ruuḥ intu bititkallamu.

⁵⁶ Vashaan Ibn al insaan maa ja vashaan yaxarrib ḥayaat an naas, laakin vashaan yaxalliṣa.” Wa mashu le ḥilla taanya.

⁵⁷ Wa lamma kaanu maashiin fi_ṭ ṭariig, zool gaal leehu, “Ana batbavak fi aiyi maḥall tamshi leehu.”

⁵⁸ Wa Yasuuv gaal leehu, “At tavaalib vindahum maḥallaat an noom, wa ṭuyuur as sama vindahum vishaash. Laakin Ibn al insaan maa vindu makaan vashaan yaxuṭṭ raasu foogu.”

⁵⁹ Wa gaal le zool taani, “Atbavni.” Wa gaal leehu, “Yaa Saiyid, addiini izn amshi fi_l awwal w_adfin abuui.”

⁶⁰ Wa Yasuuv gaal leehu, “Xalli_l meyyitiin yadfinu meyyitiinum. Laakin inta, amshi wa bashshir be malakuut Allaah.”

⁶¹ Wa zool taani gaal, “Batbavak, yaa Rabb. Bass addiini izn fi_l awwal aguul mava_s salaama le ahl beeti.”

⁶² Laakin Yasuuv gaal leehu, “Maa fih zool al bixuṭṭ iidu vala_l miḥraat wa yavaayin le wara, vindu faaida fi malakuut Allaah.”