Luuga 8 - Kitaab al Vahd aj Jadid 1978

MASAL AL MUZAARIV

¹ Wa bavd shwaiya, kaan bimurr vala kullu madiina wa ḥilla yanaadi wa yabashshir be malakuut Allaah. Wa_l iṭnaashar kaanu mavaahu,

² wa kamaan bavḍ min an niswaan al huwa shafaahum min arwaaḥ sharriira wa amraaḍ. Maryam al bisammuuha_l Majdaliyya, aṭ ṭallav minnaha sabva sheeyaaṭiin,

³ wa Yuwanna marat Xuuza wakiil Hiiruudus, wa Suusanna, wa taanyiin kutaar kaanu yaxdimuuhu be maalum.

⁴ Wa lamma jamav kabiir itlamma, wa naas jo leehu min kullu balad, hu vallamum be masal.

⁵ “Al muzaariv ṭalav vashaan yazrav teeraabu. Wa wakit huwa yazrav, shwaiya wagavat fi_ṭ ṭariig, wa_n naas daasoohu, wa ṭuyuur as sama akalatu.

⁶ Wa taani wagav vala_l ḥajar. Wa bavd maa gaam, yibis, vashaan maa kaan vindu mooya.

⁷ Wa taani wagav fi wasiṭ ash shook. Wa_sh shook gaam mavaahu wa xanagu.

⁸ Wa taani wagav vala_l arḍ al kwaisa. Wa lamma gaam, jaab tamar be miyyat marra.” Wa wakit kaan bitkallam kida, naada wa gaal, “Al vindu iḍneen le_s samav, xalliihu yasmav.”

⁹ Wa sa’aloohu talaamiizu, wa gaalu, “Mavna al masal da shinu?”

¹⁰ Wa gaal, “Allaah adda leekum tavrifu asraar malakuut Allaah, laakin le_t taanyiin be amsaal, vashaan yavaayinu wa maa yashuufu, wa yasmavu wa maa yafhamu.

¹¹ Wa da huwa al masal. At teeraab, huwa kilmat Allaah.

¹² Wa deelaak al vala_ṭ ṭariig, hum as simivu. Wa bavdeen Ibliis yaji wa yashiil al kilma min guluubum, vashaan maa ya’aaminu wa yaxlaṣu.

¹³ Wa deelaak al vala_l ḥajar, hum al bavd maa simivu, yagbalu_l kilma be faraḥ. Wa deel maa vindahum vuruug, al ya’aaminu le mudda, wa wakit at tajriba, yarjavu.

¹⁴ Wa_t teeraab al wagav wasiṭ ash shook yavni deel al yasmavu. Laakin lamma hum bimshu fi ṭariigum, afkaar fi ḥaajaat ad dunya wa amwaala wa suruura yamsiku beehum, wa maa yagdaru yajiibu tamar.

¹⁵ Wa_l fi_l arḍ al kwaisa, hum al be galib kwaiyis wa ṣaaliḥ, bavd maa simivu_l kilma, yaḥfaẓuuha, wa yajiibu tamar be_ṣ ṣabr.

¹⁶ Wa maa fih zool biwalliv lamba wa yaghaṭṭiiha be guffa. Wa laa yaxuṭṭa tiḥit al vangareeb, laakin yaxuṭṭa vala ṭarabeeza, vashaan ad daaxiliin yashuufu_n nuur.

¹⁷ Wa maa fih shi madsuus al maa bikuun baayin, wa laa fih shi sirri al maa bikuun mavruuf wa maa biẓhar.

¹⁸ Vala kida, xallu baalkum bitasmavu keef. Vashaan al vindu yadduuhu. Wa_l maa vindu, ḥatta_l biftakir hu vindu, yaaxuduuhu minnu.”

¹⁹ Wa jo leehu ummu wa axwaanu, wa maa gidru yaju gariib minnu be sabab an naas al kutaar.

²⁰ Wa gaalu leehu, “Ummak wa axwaanak waagfiin barra daayiriin yashuufuuk.”

²¹ Wa radda wa gaal leehum, “Ummi wa axwaani hum al bismavu kilmat Allaah wa yavmilu beeha.”

YASUUV YASAKKIT AL HABUUB

²² Wa fi yoom min al aiyaam, daxal al murkab, huwa wa talaamiizu, wa gaal leehum, “Xalluuna namshi le_j jamb al aaxir min al baḥar.” Wa saafaru.

²³ Wa wakit maa kaanu misaafiriin, huwa naam. Wa habuub shadiida nazalat fi_l baḥar, wa_l murkab itmalat be mooya. Wa kaanu fi_l xaṭar.

²⁴ Wa jo leehu wa gawwamoohu min an noom wa gaalu, “Yaa Muvallim, yaa Muvallim, niḥna maashiin namuut!” Wa gaam min an noom wa wabbax al habuub wa amwaaj al baḥar. Wa_l habuub sakatat, wa kaan fih sukuut.

²⁵ Wa gaal leehum, “Iimaankum ween?” Wa xaafu wa itvajjabu, wa gaalu bavḍahum le bavḍ, “Da huwa minu al yaamur al habuub wa_l mooya ḥatta yaṭiivuuhu?”

SHIFA RAAJIL FIIHU SHEYAAṬIIN

²⁶ Wa saafaru le balad aj Jadariyyiin al hiya giddaam aj Jaliil.

²⁷ Wa lamma marag le_l arḍ, gaabalu raajil min al balad kaan fiihu sheyaaṭiin. Wa min mudda ṭawiila, hu maa kaan libis hiduum walla gannab fi_l beet, laakin fi_l gubuur.

²⁸ Wa lamma shaaf Yasuuv, koorak wa wagav giddaamu, wa gaal be ṣoot vaali, “Maali wa maalak, yaa Yasuuv Ibn Allaah al Vaali? Aṭlub minnak maa tavazzibni.”

²⁹ Vashaan hu amar ar ruuḥ an najis yaṭlav min ar raajil. Vashaan marraat katiira kaan yamsiku. Wa_n naas kaanu yaḥfaẓuuhu, wa huwa marbuuṭ be janaaziir. Wa laakin kaan yagṭav ar rubaaṭ, wa_sh sheeṭaan kaan yasuugu le_l xala.

³⁰ Wa Yasuuv sa’alu, “Ismak shinu?” Wa gaal, “Liiji’uun,” vashaan sheyaaṭiin katiiriin kaanu daxalu fiihu.

³¹ Wa ṭalabu minnu vashaan maa yaamurum yamshu le_l ḥufra_l ghariiga.

³² Wa kaan hinaak muraaḥ kadaariik katiira yaakul fi_j jabal. Wa_sh sheyaaṭiin ṭalabu minnu izn vashaan yadxulu fiihum. Wa addaahum izn.

³³ Wa_sh sheyaaṭiin ṭalavu min ar raajil, wa daxalu fi_l kadaariik. Wa_l kadaariik wagavu min maḥall foog le_l baḥar wa maatu.

³⁴ Wa lamma_r ruvaat shaafu_l ḥaṣal, harabu, wa xabbaru fi_l madiina wa fi_l ḥilal.

³⁵ Wa_n naas maragu vashaan yashuufu_l ḥaṣal, wa jo le Yasuuv. Wa ligu_r raajil al maragu minnu_sh sheyaaṭiin gaavid vind kirveen Yasuuv. Wa hu kaan laabis hiduum wa vaglu kwaiyis. Wa hum xaafu.

³⁶ Wa_sh shaafoohu xabbaroohum keef al vindu_sh sheeṭaan biga ṭaiyib.

³⁷ Wa kullu ahl balad aj Jadariyyiin wa_s saakniin jambum ṭalabu minnu ’an yamrug, vashaan xoof shadiid masakum. Wa daxal al murkab wa rajav.

³⁸ Laakin ar raajil aṭ ṭalavat minnu_sh sheyaaṭiin ṭalab minnu vashaan yakuun mavaahu. Laakin Yasuuv rassalu wa gaal,

³⁹ “Arjav le beetak wa xabbir be_l ḥaaja as sawwaaha leek Allaah.” Wa masha yanaadi fi_l balad kullaha be kam sawwaahu leehu Yasuuv.

⁴⁰ Wa wakit maa Yasuuv rajav, an naas gibloohu vashaan kulluhum kaanu yantaẓiruuhu.

⁴¹ Wa shuuf! raajil ismu Yaayirus ja. Wa huwa ra’iis beet ar Rabb. Wa wagav giddaam Yasuuv wa ṭalab minnu yadxul beetu.

⁴² Vashaan kaanat vindu bint waḥiida vumura iṭnaashar sana tagriiban, wa kaanat gariiba min al moot. Wa wakit maa huwa maashi, naas kutaar lazzoohu min kullu jamb.

⁴³ Wa kaanat fih mara ad damm nazal minnaha muddat iṭnaashar sana, wa maa fih waaḥid gidir yashfiiha.

⁴⁴ Hiya jaat min waraahu wa limsat ṭaraf toobu. Wa ṭawwaali damma wagaf.

⁴⁵ Wa Yasuuv gaal, “Minu limisni?” Wa lamma kulluhum nakaru, Buṭrus wa_l kaanu mavaahu gaalu, “Yaa Muvallim”, an naas yagarribu minnak yaḍaayiguuk, wa inta bitguul, “Minu al limisni?”

⁴⁶ Laakin Yasuuv gaal, “Zool limisni, vashaan virifta ’innu fih gudra ṭalavat minni.”

⁴⁷ Wa lamma al mara shaafat ’innaha maa indassat, jaat tithazza. Wa wagavat giddaamu, wa kallamatu giddaam kull an naas vashaan shinu limsatu, wa keef bigat ṭaiba ṭawwaali.

⁴⁸ Wa gaal leeha, “Yaa binti, iimaanik shafaaki. Amshi be_s salaam.”

⁴⁹ Wa wakit maa kaan bitkallam, waaḥid ja min beet ra’iis beet ar Rabb, wa gaal leehu, “Bintak maatat. Maa tatavvib al Muvallim bavd da.”

⁵⁰ Wa Yasuuv simiv wa gaal leehu, “Maa taxaaf, aamin bass, wa hiya bitkuun kwaisa!”

⁵¹ Wa lamma wiṣil le_l beet, maa xalla zool yadxul mavaahu illa Buṭrus wa Yuuḥanna wa Yavkuub, wa abu_l bint wa ummaha.

⁵² Wa laakin kull an naas kaanu yabku valeeha wa yakooriku fishaana. Laakin Yasuuv gaal, “Maa tabku! Hiya maa maatat laakin naayima.”

⁵³ Wa ḍiḥiku valeehu, vashaan kaanu vaarifiin hiya maatat.

⁵⁴ Laakin huwa masak iida wa naada wa gaal, “Yaa bint, guumi!”

⁵⁵ Wa rajavat ruuḥa, wa gaamat ṭawwaali. Wa amarum yadduuha vashaan taakul.

⁵⁶ Wa waalideeha istaghrabu, wa Yasuuv amarum vashaan maa yakallimu zool be_l ḥaṣal.