Luuga 5 - Kitaab al Vahd aj Jadid 1978

IXTIYAAR AT TALAAMIIZ FI_L AWWAL

¹ Wa wakit maa an naas itlammu leehu wa simivu kilmat Allaah, huwa kaan waagif vind Baḥar Janiisaarat.

² Wa shaaf murkabeen waagfiin vind al baḥar, wa laakin aṣ ṣaiyaadiin kaanu ṭalavu minnaha wa kaanu yaghassilu shabakaatum.

³ Wa daxal fi waaḥda min al murkabeen al kaanat le Simvaan. Wa gaal leehu, “Xalliina naṭlav shwaiya min aṭ ṭarf.” Wa gavad wa ibtada yavallim an naas min al murkab.

⁴ Wa lamma kammal al kalaam, gaal le Simvaan, “Amshu le maḥall ghariig, wa nazzilu shabakaatkum le_ṣ ṣeed!”

⁵ Wa Simvaan radda wa gaal, “Yaa Muvallim, tivibna ṭuul al leel wa maa ligiina ḥaaja. Laakin vala kalaamak, banazzil ash shabakaat.”

⁶ Wa lamma vamalu kida, masaku samak katiir xaaliṣ, wa shabakaatum badu titgaṭṭavu.

⁷ Wa naadu be iideenum le shurakaahum al fi_l murkab at taanya vashaan yaju wa yasaaviduuhum. Wa jo wa malu_l murkabeen lighaayat maa ibtadu yadxulu tiḥit fi_l mooya.

⁸ Wa Simvaan Buṭrus lamma shaaf kida, rakav vind rukbateen Yasuuv wa gaal, “Amshi, yaa Rabb, vashaan ana raajil xaaṭi.”

⁹ Vashaan hu istaghrab, wa kull al kaanu mavaahu, be sabab as samak al axadoohu.

¹⁰ Wa kamaan ḥaṣal kida le Yavkuub wa Yuuḥanna, awlaad Zabadi, al kaanu shurakaa Simvaan. Wa Yasuuv gaal le Simvaan, “Maa taxaaf! Min hassav bitabga ṣaiyaad an naas.”

¹¹ Wa lamma jo be_l murkabeen le_ṭ ṭarf, xallu kullu shi wa tibivoohu.

AR RAAJIL AL VINDU JIZAAM

¹² Wa fi_l wakit lamma huwa kaan fi balad min al bilaad, raajil jismu malyaan be_j jizaam ja. Wa lamma shaaf Yasuuv, wagav vala washshu wa ṭalab minnu wa gaal, “Yaa Saiyid, iza inta daayir, tagdar tanaḍḍifni.”

¹³ Wa madda iidu wa limisu wa gaal, “Ana daayir. Kuun naḍiif!” Wa ṭawwaali aj jizaam marag minnu.

¹⁴ Wa amaru, “Maa taguul le zool. Laakin amshi wa warri nafsak le_l gassiis, wa gaddim vashaan naḍaaftak zei maa amar Muusa shahaada leehum.”

¹⁵ Wa laakin al xabar vannu ṭalav aktar. Wa jumuuv katiira ijtamavu leehu vashaan yasmavu, wa vashaanu yashfiihum min amraaḍum.

¹⁶ Wa laakin hu kaan yamshi baraahu fi_l xala wa yaṣalli.

YASUUV YASHFI AL MAFLUUJ

¹⁷ Wa fi yoom min al aiyaam kaan yavallim. Wa kaanu Farriisiyyiin wa muvallimiin al gaanuun gaavidiin, wa hum jo min kullu ḥilla min aj Jaliil wa_l Yahuudiyya wa Uurushaliim. Wa gudrat ar Rabb kaanat mavaahu vashaan yashfiihum.

¹⁸ Wa shuuf! jo rujaal shaayiliin vala farshatu zool kaan mafluuj. Wa jarrabu yadaxxiluuhu wa yaxuṭṭuuhu giddaamu.

¹⁹ Wa lamma maa ligu ṭariig yadxulu beehu be sabab an naas, ṭalavu foog al beet wa nazzaloohu be farshatu min been aṭ ṭuub le_l wasṭ giddaam Yasuuv.

²⁰ Wa lamma shaaf iimaanum, gaal le_r raajil, “Yaa zool, xaṭaayaak maghfuura leek.”

²¹ Wa muvallimiin al gaanuun wa_l Farriisiyyiin bigu yafakkiru wa yaguulu, “Minu da al bitkallam be shatiima? Minu yagdar yaghfir al xaṭaaya illa Allaah waaḥdu?”

²² Wa Yasuuv, lamma virif afkaarum, radda wa gaal leehum, “Le shinu bitfakkaru be da fi guluubkum?

²³ Yaatu as‐hal, baguul leehu, Xaṭaayaak maghfuura leek? walla baguul leehu, Guum w_amshi?

²⁴ Wa laakin vashaan tavrifu Ibn al insaan vindu gudra vala_l arḍ ’an yaghfir al xaṭaaya,” (gaal le_l mafluuj,) “Aguul leek, guum, wa shiil farshatak, w_amshi le beetak!”

²⁵ Wa ṭawwaali, gaam giddaamu, wa shaal ash shi al kaan raagid valeehu. Wa masha le beetu wa huwa yaḥmad Allaah.

²⁶ Wa kullahum itvajjabu wa ḥamadu Allaah, wa kaanu xaayifiin jiddan wa gaalu, “Shufna ḥaajaat vajiiba an nahaar da.”

IXTIYAAR LAAWI

²⁷ Wa bavd da, marag wa shaaf waaḥid bilimm aḍ ḍariiba, ismu Laawi, gaavid fi makaanu. Wa gaal leehu, “Atbavni.”

²⁸ Wa huwa xalla kullu shi, wa gaam wa tibivu.

²⁹ Wa Laawi sawwa leehu vazuuma kabiira fi beetu. Wa jamaava katiira min al bilimmu aḍ ḍariiba wa gheerum kaanu gaavidiin mavaahu.

³⁰ Wa_l Farriisiyyiin wa muvallimiin al gaanuun nagnagu vala talaamiizu wa gaalu, “Le shinu bitaaklu wa bitashrabu mava_l bilimmu_ḍ ḍariiba wa_l xaaṭyiin?”

³¹ Wa radda Yasuuv wa gaal leehum, “Ash shudaad maa yaḥtaaju_l ḥakiim, laakin al vaiyaaniin.

³² Ana maa jiit vashaan anaadi_ṭ ṭaiyibiin le_t tooba, laakin al xaaṭyiin.”

VAN AṢ ṢOOM

³³ Wa gaalu leehu, “Talaamiiz Yuuḥanna biṣuumu katiir wa biṣallu. Wa kida kamaan talaamiiz al Farriisiyyiin. Wa laakin talaamiizak biyaaklu wa bishrabu.”

³⁴ Wa Yasuuv gaal leehum, “Tagdaru tavmilu naas al viris yaṣuumu maa daam al variis mavaahum?

³⁵ Wa laakin al aiyaam bitaji lamma yaaxudu_l variis minnahum. Fi_l aiyaam diik biṣuumu.”

³⁶ Wa kamaan vallamum masal. “Maa fih zool bixuṭṭ ḥitta min toob jadiid vala toob gadiim. Wa illa_j jadiid yitsharraṭ wa_l ḥitta_l gadiima wa_j jadiida maa bimshu sawa.

³⁷ Wa maa fih zool bixuṭṭ xamra jadiida fi burma gadiima, vashaan al xamra_j jadiida taksir al burma wa titdaffag, wa_l burma taxsar.

³⁸ Laakin al xamra_j jadiida laazim yaxuṭtuuha fi_l burma aj jadiida.

³⁹ Wa maa fih zool iza shirib al gadiima biduur aj jadiida, vashaan huwa yaguul al gadiima aḥsan.”