Luuga 4 - Kitaab al Vahd aj Jadid 1978

TAJAARIB YASUUV

¹ Wa rajav Yasuuv min al Urdunn malyaan be_r Ruuḥ al Gudus. Wa kaan ar Ruuḥ yaguudu fi_l xala arbaviin yoom.

² Wa Ibliis kaan yajarribu. Wa maa akal ḥaaja fi_l aiyaam diik. Wa lamma tammat al mudda, jaav.

³ Wa Ibliis gaal leehu, “Iza inta Ibn Allaah, guul le_l ḥajar da vashaan yabga veesh.”

⁴ Wa Yasuuv radda valeehu, “Maktuub ’innu_l insaan maa yaviish be_l veesh bass.”

⁵ Wa bavdeen Ibliis ṭalaavu le maḥall vaali, wa warraahu mamaalik ad dunya kullaha fi dagiiga waaḥda.

⁶ Wa gaal leehu, “Baddiik as sulṭa di kullaha wa majd al mamaalik, vashaan kaan musallam leiya, wa addiiha le_l ana vaawiz.

⁷ Wa vala kida ’in kunta tavbudni, kullu shi yakuun bitaavak.”

⁸ Wa Yasuuv radda wa gaal leehu, “Maktuub, Laazim tavbud ar Rabb Ilaahak, wa taxdimu waaḥdu.”

⁹ Wa jaabu le Uurushaliim wa waggafu foog ṭarf al heekal wa gaal leehu, “Iza inta Ibn Allaah, armi nafsak min hina le tiḥit.

¹⁰ vashaan maktuub, Biyaamur malaaikatu beek vashaan yaḥfaẓuuk.

¹¹ wa, Bishiiluuk vala iideehum vashaan rijlak maa tadugg ḥajar.”

¹² Wa Yasuuv radda wa gaal leehu, “Maktuub, Maa tajarrib ar Rabb Ilaahak.”

¹³ Wa lamma tamma Ibliis kullu tajriba, xallaahu le mudda.

¹⁴ Wa rajav Yasuuv be gudrat ar Ruuḥ le_j Jaliil, wa_l xabar vannu masha fi kullu_l maḥallaat aj jambu.

¹⁵ Wa kaan yavallim fi biyuut ar Rabb. Wa kull an naas kaanu yamajjiduuhu.

¹⁶ Wa ja le_n Naaṣira al itrabba fiiha. Wa zei vaadatu daxal beet ar Rabb yoom as sabit. Wa gaam vashaan yagra.

¹⁷ Wa gaddamu leehu Kitaab Ishavyaa an nabi. Wa fataḥ al Kitaab, wa liga al maḥall al kaan maktuub fiihu,

¹⁸ “Ruuḥ Allaah valeiya, Valashaanu masaḥni fishaan abashshir al masaakiin. Wa rassalni vashaan anaadi le_l maḥbuusiin be_l ḥurriyya, wa le_l vamyaaniin vashaan yashuufu, wa be_l ḥurriyya le_l guluubum maksuura

¹⁹ wa vashaan babashshir be sanat ar Rabb al magbuula.”

²⁰ Wa gafal al Kitaab, wa addaahu le_l xaddaam, wa gavad. Wa kullu_n naas al kaanu fi beet ar Rabb kaanu yavaayinu leehu.

²¹ Wa ibtada yaguul leehum, “An nahaar da, tamma_l maktuub zei maa simivtu be iḍneekum.”

²² Wa kulluhum kaanu yash‐hadu leehu, wa yitvajjabu min kalaam an nivma aṭ ṭalav min xashmu. Wa gaalu, “Maa huwa walad Yuusif?”

²³ Wa gaal leehum, “Vala kullu ḥaal taguulu leiya_l masal da, Yaa ḥakiim, ashfi nafsak. Simivna katiir van al ḥaṣal fi Kafranaaḥuum. Avmila hina kamaan fi baladak.”

²⁴ Wa gaal, “Al ḥagg aguul leekum, maa fih nabi magbuul fi baladu.

²⁵ Wa_l ḥagg aguul leekum, kaanu fih araamil kutaar fi Israa’iil fi aiyaam Iiliyya lamma maa kaan fih maṭar muddat talaata siniin wa sitta shuhuur. Wa kaan ḥaṣal juuv shadiid fi_l arḍ kullaha.

²⁶ Laakin Allaah maa rassal Iiliyya le waaḥda minnahum illa le mara kaanat armala fi Ṣarfa fi balad Ṣeedaa.

²⁷ Wa kaanu mujazzamiin kutaar fi Israa’iil fi zaman Aliishav an nabi. Wa laa waaḥid biga naḍiif illa Nivmaan as Suryaani.”

²⁸ Wa kull al kaanu fi beet ar Rabb lamma simivu da itmalu be_z zavl.

²⁹ Wa gaamu wa ṭaradoohu min al madiina, wa axadoohu le ṭarf aj jabal, al kaanat madiinatum mabniya valeehu, vashaan yarmuuhu le tiḥit.

³⁰ Laakin huwa marra fi wasiṭum wa faat.

³¹ Wa nazal fi Kafranaaḥuum, madiina fi_j Jaliil. Wa kaan yavallimum kullu yoom as sabit.

³² Wa itvajjabu min tavliimu, vashaan kalaamu kaan be sulṭa.

³³ Wa kaan fi beet ar Rabb raajil fiihu ruuḥ najis. Wa koorak be ṣoot vaali,

³⁴ “Aah! Maalna wa maalak, yaa Yasuuv an Naaṣiri? Inta jiit vashaan taxrabna? Ana vaarfak minu inta. Inta gudduus Allaah.”

³⁵ Wa Yasuuv wabbaxu wa gaal, “Askut, w_amrug minnu!” Wa bavd maa_sh sheeṭaan ramaahu fi_l wasiṭ, ṭalav minnu biduun maa yajraḥu.

³⁶ Wa kullahum itvajjabu, wa itkallamu bavḍahum le bavḍ wa gaalu, “Al kalaam da shinu? Vashaan be sulṭa wa gudra yaamur al arwaaḥ an najsa, wa hum yamrugu.”

³⁷ Wa_l xabar vannu masha fi kullu makaan gariib.

YASUUV YASHFI NAAS KUTAAR

³⁸ Wa gaam min beet ar Rabb, wa daxal beet Simvaan. Wa kaanat umm marat Simvaan vindaha ḥumma shadiida. Wa sa’aloohu fishaanna.

³⁹ Wa wagaf giddaama wa wabbax al ḥumma, wa_l ḥumma faatat minnaha. Wa ṭawwaali hiya gaamat wa ishtaghalat.

⁴⁰ Wa fi wakit al maghrib, kull al kaanu marḍaaniin be amraaḍ muxtalifa jaaboohum leehu. Wa xaṭṭa iideehu vala kullu waaḥid minnahum wa shafaahum.

⁴¹ Wa kamaan sheyaaṭiin maragu min kutaar minnahum wa kooraku wa gaalu, “Inta Ibn Allaah.” Wa wabbaxum wa maa xallaahum yitkallamu, vashaan virfoohu huwa_l Masiiḥ.

⁴² Wa lamma ja an nahaar, marag wa masha le_l xala. Wa_n naas kaanu yafattishu valeehu. Wa jo leehu, wa masakoohu vashaan maa yafuut minnahum.

⁴³ Wa gaal leehum, “Ana laazim abashshir be malakuut Allaah le_l mudun at taanya kamaan, vashaan kida Allaah rassalni.”

⁴⁴ Wa kaan bibashshir fi biyuut ar Rabb fi_l Yahuudiyya.