Luuga 21 - Kitaab al Vahd aj Jadid 1978

HADIYYAT AL ARMALA

¹ Wa Yasuuv rafav veeneehu, wa shaaf al ghaniyyiin yaxuṭṭu_l hadaaya fi_l xazna.

² Wa shaaf kamaan armala miskiina xaṭṭat hinaak milliimeen.

³ Wa gaal, “Be_l ḥagg aguul leekum, al armala al miskiina di xaṭṭat aktar min al kull.

⁴ Vashaan kullu_n naas deel addu min ghinaahum, laakin hiya addat kull al vindaha al bitviish beehu.”

VALAAMAAT AAXIR AZ ZAMAN

⁵ Wa bavḍ minnahum kaanu yitkallamu van al heekal keef kaan jamiil, wa mabni be ḥujaar ghaalya wa min al hadaaya. Laakin Yasuuv gaal,

⁶ “Be xuṣuuṣ al ḥaajaat di al intu tashuufuuha, al wakit biji lamma maa bixallu ḥajar foog ḥajar al maa birmuuhu tiḥit.”

⁷ Wa sa’aloohu wa gaalu, “Yaa Muvallim, al ḥaajaat di bitkuun miteen? Wa shinu al valaama lamma al ḥaajaat di garrabat taḥṣal?”

⁸ Wa hu gaal leehu, “Xallu baalkum vashaan waaḥid maa bighishshkum. Vashaan naas kutaar biju b_ismi wa biguulu, Ana huwa, wa, Al wakit garrab. Maa tamshu waraahum.

⁹ Wa lamma tasmavu be ḥuruub wa dawsha, maa taxaafu. Al ḥaajaat di laazim bitaji fi_l awwal, laakin aaxir ad dunya lissav maa gariib.”

¹⁰ Wa bavdeen hu gaal leehum, “Umma bitguum vala umma, wa mamlaka vala mamlaka.

¹¹ Wa bitkuun zalaazil kabiira, wa min maḥall le maḥall bikuunu juuv wa amraaḍ baṭṭaala. Wa bitkuun ḥaajaat al bitxalli_n naas yaxaafu, wa valaamaat vaẓiima min as sama.

¹² Laakin gubbaal da kullu, bimsikuukum wa yaṭruduukum, wa bisallimuukum le biyuut ar Rabb wa_s sujuun. Wa bisuuguukum giddaam al muluuk wa_l mudiiriin fishaan ismi.

¹³ Wa da bikuun furṣa leekum vashaan tash‐hadu leiya.

¹⁴ Xuṭṭu fi guluubkum, maa tafakkiru katiir gubbaal da keef taruddu lamma yashtakuukum.

¹⁵ Vashaan ana baddiikum kalaam wa ḥikma, wa vudwaankum maa bigdaru yaghlibu kalaamkum walla yavaakisuuhu.

¹⁶ Wa_l waalideen wa_l axwaan wa_l gariibiin wa_l aṣ‐ḥaab bisallimuukum. Wa biktulu bavḍ minnakum.

¹⁷ Wa kull an naas bikrahuukum fishaan ismi.

¹⁸ Laakin wa laa shavra waaḥda min ru’uuskum taxsar.

¹⁹ Iza takuunu saabitiin, taxalliṣu ḥayaatkum.

²⁰ Wa wakit maa tashuufu_j juyuush biliffu ḥawl Uurushaliim, bitavrifu xaraaba garrabat.

²¹ Fi_l wakit da, xallu al fi_l Yahuudiyya yahrabu le_j jibaal. Wa deel, al fi juwwa al madiina, yamrugu. Wa_l fi barra min al madiina maa yadxuluuha.

²² Da wakit al intigaam, vashaan kull al maktuub yatimm.

²³ Bikuun ṣavb jiddan le_l ḥaamiliin wa_l biraḍḍivu fi_l aiyaam deel, vashaan bikuun tavb shadiid vala_l arḍ, wa ghaḍab vala_l umma di.

²⁴ Wa yagavu be_s seef, wa yakuunu masjuuniin le kull al umam. Wa_l umam yaduusu Uurushaliim tiḥit kirveenum, lighaayat maa wakit al umam bitimm.

²⁵ Wa valaamaat bikuunu fi_sh shamish wa_l gamar wa_n nujuum. Wa vala_l arḍ, al umam bitvabu, wa bitḥayyaru min dawshat al baḥar wa_l amwaaj.

²⁶ Wa_n naas bigavu min al xoof lamma yantaẓiru_l ḥaajaat al biju vala_d dunya. Vashaan guwwaat as samawaat bithizzu.

²⁷ Wa fi_l wakit da, bishuufu Ibn al insaan jaai fi_s saḥaaba be gudra wa be majd vaẓiim.

²⁸ Wa lamma al ḥaajaat deel yabtadu yaḥṣalu, xallu baalkum, wa arfavu ruseenkum. Xalaaṣkum garrab.”

²⁹ Wa kallamum be masal, “Vaayinu le shajarat at tiin wa kull ash shajar.

³⁰ Lamma taṭalliv al warag, tashuufu wa tafhamu min nufuuskum ’innu_ṣ ṣeef garrab.

³¹ Wa kida kamaan, lamma tashuufu_l ḥaajaat deel yaḥṣalu, tavrifu malakuut Allaah garrab.

³² Be_l ḥagg aguul leekum, aj jiil da maa bifuut lighaayat maa kullu da yatimm.

³³ As sama wa_l arḍ bifuutu, laakin kalaami maa bifuut abadan.

³⁴ Laakin xallu baalkum le nufuuskum, vashaan maa bitkuunu ḥaznaaniin fi guluubkum be ḥaajaat faaḍya wa sakar wa humuum al ḥayaat di, wa_l yoom daak biji leekum zei al faxx.

³⁵ Vashaan biji vala kull as saakniin vala kull al arḍ.

³⁶ Laakin aḥrasu wa ṣallu fi kullu wakit, vashaan tagdaru tahrabu min kullu_l ḥaajaat di al bitaḥṣul, wa tagiifu giddaam Ibn al insaan.”

³⁷ Wa Yasuuv kaan bivallim fi_n nahaar fi_l heekal. Wa fi_l leel kaan biṭlav wa binuum fi jabal ismu Jabal az Zeetuun.

³⁸ Wa badri fi_ṣ ṣabaaḥ kull an naas jo leehu fi_l heekal vashaan yasmavuuhu.