Luuga 2 - Kitaab al Vahd aj Jadid 1978

WILAADAT YASUUV

¹ Wa fi_l aiyaam deelaak, ṭalav amr min Uughusṭus Geeṣar vashaan yasajjilu kullu sukkaan al arḍ.

² Wa da awwal kitaaba ḥaṣalat lamma Kiriniyuus kaan ḥaakim Suuriyya.

³ Wa kullu waaḥid masha vashaan yaktib ismu fi madiinatu.

⁴ Wa Yuusif kamaan ṭalav min aj Jaliil min madiinat an Naaṣira le_l Yahuudiyya le madiinat Daawuud al isima Beetlaḥam, vashaan huwa min beet Daawuud wa min ahlu.

⁵ Hu masha vashaan yaktib ismu, wa mavaahu Maryam al maxṭuuba leehu, wa hiya ḥaamil.

⁶ Wa wakit kaanu hinaak, tammat aiyaama vashaan talid.

⁷ Wa wildat walada_l bikr, wa laffatu be_l gumaash wa nawwamatu fi_l midwad, vashaan maa kaan leehum makaan fi_l luukanda.

AR RUVAAT WA_L MALAAIKA

⁸ Wa fi_l balad di, ruvaat kaanu yaḥrasu ghanamum be_l leel fi_l xala.

⁹ Wa ṭawwaali, malaak ar Rabb wagaf jambum, wa majd ar Rabb nawwar ḥawaleehum, wa xaafu xoof shadiid.

¹⁰ Wa_l malaak gaal leehum, “Maa taxaafu! Shuufu! abashshirkum be faraḥ vaẓiim yakuun le kull an naas.

¹¹ Itwalad leekum an nahaar da fi madiinat Daawuud Muxalliṣ, wa huwa_r Rabb al Masiiḥ.

¹² Wa di leekum al valaama. Bitalgu ṭifl malfuuf be gumaash, wa huwa raagid fi midwad.”

¹³ Wa ṭawwaali ẓahar mava malaak ar Rabb kutaar min jeesh as sama, kaanu yaḥmadu Allaah wa yaguulu,

¹⁴ “Al majd le Allaah fi_s sama, wa vala_l arḍ as salaam been an naas al huwa mabsuuṭ minnahum.”

¹⁵ Wa lamma_l malaaika rajavu min vindahum le_s sama, ar ruvaat gaalu bavḍahum le bavḍ, “Xalliina namshi hassav le Beetlaḥam wa nashuuf al ḥaaja al ḥaṣalat al xabbarna beeha_r Rabb.”

¹⁶ Wa jo be surva wa ligu Maryam wa Yuusif, wa_ṭ ṭifl raagid fi_l midwad.

¹⁷ Wa lamma shaafoohu, xabbaru be_l kalaam al gaalu leehum be xuṣuuṣ al walad da.

¹⁸ Wa kull as simivu, itvajjabu min al kalaam al gaaloohu leehum ar ruvaat.

¹⁹ Wa Maryam kaanat taḥfaẓ al kalaam da kullu, wa tafakkir fiihu fi galbaha.

²⁰ Wa_r ruvaat rajavu wa hum yamajjidu Allaah wa yaḥmaduuhu vala_sh shaafoohu wa_s simivoohu zei maa gaalu leehum.

YAGADDIMU YASUUV FI_L HEEKAL

²¹ Wa lamma tammat tamaanyat aiyaam vashaan yaṭahhiruuhu, sammoohu Yasuuv, zei maa sammaahu_l malaak gubbaal maa ḥimlat beehu ummu fi baṭnaha.

²² Wa bavd maa tammat aiyaam naḍaafatum zei gaanuun Muusa, jaaboohu le Uurushaliim vashaan yagaddimuuhu le_r Rabb.

²³ (Zei maa huwa maktuub fi gaanuun ar Rabb, “Kullu bikr al yaftaḥ al baṭun yasammuuhu magaddas le_r Rabb.”)

²⁴ Wa vashaan yagaddimu ḍabiiḥa zei maa maktuub fi gaanuun ar Rabb, “Jooz gumriyya walla jooz ḥamaam.”

²⁵ Wa kaan fi Uurushaliim raajil ismu Simvaan. Wa_r raajil da kaan baarr wa bixaaf Allaah, muntaẓir raaḥat Israa’iil. Wa_r Ruuḥ al Gudus kaan valeehu.

²⁶ Wa kaan ja leehu ru’ya min ar Ruuḥ al Gudus ’innu maa yashuuf al moot gubbaal maa yashuuf Masiiḥ ar Rabb.

²⁷ Wa daxal al heekal, wa huwa fi_r Ruuḥ. Wa wakit maa waalideen Yasuuv daxalu mava aṭ ṭifl vashaan yasawwu leehu zei vaadat al gaanuun,

²⁸ Simvaan rafavu be iideenu wa baarak ar Rabb wa gaal,

²⁹ “Hassav, yaa Rabb, xalli xaddaamak yaruuḥ be_s salaam, zei kalaamak.

³⁰ Vashaan veeneiya shaafu xalaaṣak

³¹ al ḥaḍḍartu giddaam kull an naas.

³² An nuur al yanawwir le_l umam, wa huwa majd shavb Israa’iil.”

³³ Wa abuuhu wa ummu itvajjabu min al ḥaajaat Simvaan gaal vannu.

³⁴ Wa Simvaan baarakum wa gaal le Maryam ummu, “Shuufi! Aṭ ṭifl da mavayyan le wuguuv wa giyaam naas kutaar fi Israa’iil, wa le valaama yitkallam ḍidda.

³⁵ Wa inti kamaan yaṭvanik seef fi nafsik, vashaan yawarri afkaar guluub naas kutaar.”

³⁶ Wa kaanat nabiyya isima Ḥanna, bint Fanuu’iil min gabiilat Ashiir. Wa hi kabiira fi_s sinn. Wa sakanat mava zooja sabva siniin bavd maa itzawwajat.

³⁷ Wa hiya armala vumura arbava wa tamaaniin sana. Wa maa kaanat bitxalli_l heekal, bitaxdim be ṣoom wa ṣala leel wa nahaar.

³⁸ Wa jaat fi_s saava diik wa shakarat ar Rabb, w_itkallamat vannu le kull al muntaẓiriin fidaa Uurushaliim.

³⁹ Wa lamma tammamu kullu shi, zei gaanuun ar Rabb, rajavu le madiinatum an Naaṣira fi_j Jaliil.

⁴⁰ Wa_l walad kibir w_itgawwa, w_itmala be ḥikma. Wa nivmat Allaah kaanat valeehu.

AL WALAD YASUUV FI_L HEEKAL

⁴¹ Wa kaanu waalideenu bimshu kullu sana le Uurushaliim fi Viid al Fiṣaḥ.

⁴² Wa lamma vumru biga iṭnaashar sana, ṭalavu le Uurushaliim zei vaadat al viid.

⁴³ Wa bavd al viid wa hum raajiviin, al walad Yasuuv fiḍil fi Uurushaliim biduun maa virfu_l waalideen.

⁴⁴ Wa fikrahum ’innu mava aj jamaava. Wa mashu masaafat yoom, wa fattashu valeehu been agaaribu wa_n naas al biyavrifuuhu.

⁴⁵ Wa lamma maa ligoohu, rajavu le Uurushaliim yafattishu valeehu.

⁴⁶ Wa bavd talaatat aiyaam ligoohu fi_l heekal gaavid fi wasṭ al muvallimiin yasmavum wa yas’alum.

⁴⁷ Wa kull as simivoohu itvajjabu min fahmu wa raddu.

⁴⁸ Wa lamma shaafoohu_l waalideen, itvajjabu. Wa ummu gaalat leehu, “Yaa waladi, le shinu vamalta leena kida? Shuuf! abuuk wa ana kunna binfattish valeek be_t tavb.”

⁴⁹ Wa gaal leehum, “Kuntu bitfattishu valeiya le shinu? Maa kuntu bitavrifu ana laazim akuun fi beet Abuui?”

⁵⁰ Wa hum maa fihmu kalaamu al gaalu leehum.

⁵¹ Wa bavdeen nazal mavaahum wa ja le_n Naaṣira, wa kaan yaṭiivum. Wa ummu kaanat taḥfaẓ kull al kalaam da fi galba.

⁵² Wa Yasuuv zaad fi_l ḥikma wa fi ṭuulu, wa fi_n nivma vind Allaah wa_n naas.