Luuga 19 - Kitaab al Vahd aj Jadid 1978

ZAKKA YASHUUF YASUUV

¹ Wa Yasuuv daxal Ariiḥa, wa kaan bifuut minnaha.

² Wa kaan fih raajil ismu Zakka, wa huwa ra’iis an naas al bilimmu_ḍ ḍariiba. Wa kaan ghani.

³ Wa huwa ṭalab yashuuf Yasuuv huwa minu, laakin kaan giṣaiyir wa maa gidir vashaan an naas.

⁴ Wa jara le giddaam wa ṭiliv shajarat jimmeeza vashaan yashuufu, vashaan Yasuuv garrab yafuut min hinaak.

⁵ Wa lamma Yasuuv ja le_l maḥall da, vaayan le foog wa gaal leehu, “Yaa Zakka, anzil gawwaam, vashaan ana laazim astanna fi beetak an nahaar da.”

⁶ Wa hu nazal be surva, wa giblu be faraḥ.

⁷ Wa lamma kull an naas shaafu da, nagnagu wa gaalu, “Huwa zei ḍeef daxal vind raajil xaaṭi.”

⁸ Wa Zakka wagaf wa gaal le_r Rabb, “Shuuf, yaa Rabb, baddi nuṣṣ amwaali le_l masaakiin. Wa iza kaan ẓalamta zool, barajjiv leehu arbava marraat.”

⁹ Wa Yasuuv gaal leehu, “Al leela, xalaaṣ ja le_l beet da, vashaan huwa kamaan min awlaad Ibraahiim.

¹⁰ Vashaan Ibn al insaan ja yaṭlub wa yaxalliṣ al mawaddar.”

MASAL AJ JINEEHAAT

¹¹ Wa wakit hum kaanu yasmavu, Yasuuv istamarra wa gaal leehum masal, vashaan hu kaan gariib min Uurushaliim, wa hum kaanu yaftakiru ’innu malakuut Allaah biẓhar ṭawwaali.

¹² Wa hu gaal, “Zool mavruuf saafar le balad baviida vashaan yakuun malik, wa bavdeen yarjav.

¹³ Wa naada vashara min xaddaamiinu, wa addaahum vashara jineeh, wa gaal leehum, ‘Taajiru be da lighaayat maa barjav’.

¹⁴ Wa laakin ahl baladu maa kaanu vaawziinu, wa rassalu waraahu wa gaalu, Niḥna maa vaawziin ar raajil da yakuun malik valeena.

¹⁵ Wa lamma hu rajav bavd maa biga malik, amar yanaadu_l xaddaamiin deel al addaahum al guruush, vashaan yavrif kullu waaḥid zaad guruushu be kam.

¹⁶ Wa_l awwal ja wa gaal, Yaa saiyid, jineehak ribiḥ vashara jineeh.

¹⁷ Wa gaal leehu, Vamalta kwaiyis, yaa_l xaddaam aṭ ṭaiyib. Vashaan kunta amiin fi_l galiil, takuun mas’uul vala vashara mudun.

¹⁸ Wa_t taani ja wa gaal, Yaa saiyid, jineehak vamal xamsa jineeh.

¹⁹ Wa siidu gaal leehu, Xalliik vala xamsa mudun.

²⁰ Wa taani ja wa gaal, Ahu da jineehak, ana rabaṭṭu fi mandiil.

²¹ Vashaan kunta xaayif minnak, vashaan inta zool shadiid. Vashaan bitaaxud al maa kaan ḥaggak, wa talimm al maa zaravtu.

²² Wa hu gaal leehu, Min xashmak aḥkum valeek, yaa_l xaddaam al baṭṭaal. Virifta ana zool shadiid, baaxud al maa ḥaggi, wa balimm al maa zaravtu.

²³ Le shinu maa xaṭṭeet guruushi fi_l bank, wa lamma rajavta, kunta baaxuda be ribiḥ?

²⁴ Wa gaal le_l waagfiin, Shiilu minnu_j jineeh, wa adduuhu le siid al vashara jineeh.

²⁵ Wa gaalu leehu, Yaa saiyid, vindu vashara jineeh.

²⁶ Baguul leekum, kullu waaḥid al vindu, yadduuhu aktar, wa_l maa vindu, yaaxdu minnu ḥatta_l vindu.

²⁷ Laakin vudwaani deel, al maa vaawziin ana aḥkum valeehum, jiibuuhum hina w_aktuluuhum giddaami.”

AD DUXUUL BE_N NAṢR

²⁸ Wa bavd maa itkallam kida, masha giddaamum wa ṭalav le Uurushaliim.

²⁹ Wa lamma garrab le Beetfaaji wa Beetvanya fi jabal ismu Jabal az Zeetuun, rassal itneen min talaamiizu.

³⁰ Wa gaal leehum, “Amshu le_l ḥilla al giddaamkum. Wa lamma tadxuluuha, bitalgu daḥash marbuuṭ, wa zool maa rikbu abadan. Fikkuuhu wa jiibuuhu hina.

³¹ Wa iza aiyi waaḥid sa’alkum, Le shinu tafikkuuhu? guulu leehu, Ar Rabb muḥtaaj leehu.”

³² Wa_l murassaliin mashu, wa ligu zei maa hu gaal leehum.

³³ Wa lamma kaanu bifikku_d daḥash, asyaadu gaalu leehum, “Tafikku jana al ḥumaara le shinu?”

³⁴ Wa gaalu, “Ar Rabb muḥtaaj leehu.”

³⁵ Wa jaaboohu le Yasuuv, wa ramu hiduumum foog ad daḥash, wa xaṭṭu Yasuuv foogu.

³⁶ Wa lamma kaan maashi, farrashu hiduumum fi_s sikka.

³⁷ Wa wakit hu garrab yanzil min Jabal az Zeetuun, kull aj jamav min at talaamiiz ibtadu yafraḥu, wa yaḥmadu Allaah be ṣoot vaali, vashaan al guwwaat ash shaafooha.

³⁸ Wa gaalu, “Mubaarak al malik aj jaai b_ism ar Rabb. Salaam fi_s sama wa majd fi_l maḥall al vaali.”

³⁹ Wa bavḍ al Farriisiyyiin min aj jamav gaalu leehu, “Yaa Muvallim, wabbix talaamiizak.”

⁴⁰ Wa hu radda wa gaal, “Baguul leekum, iza deel sakatu, al ḥujaar bikooriku.”

⁴¹ Wa lamma hu garrab, wa shaaf Uurushaliim, baka valeeha.

⁴² Wa gaal, “Iza intu kamaan viriftu an nahaar da al ḥaajaat al bitjiib leekum salaam. Laakin hassav, di madsuusa min vuyuunkum.

⁴³ Vashaan al aiyaam biju valeekum, lamma vudwaankum bibnu zariiba ḥawaleekum wa yahaajimu valeekum min kullu jiha.

⁴⁴ Wa birmuukum le_l arḍ, intu wa awlaadkum mavaakum, wa maa bixallu ḥajar vala ḥajar, vashaan maa viriftu wakit ziyaaratkum.”

⁴⁵ Wa daxal al heekal, wa ibtada yaṭrud an naas al kaanu bibiivu.

⁴⁶ Wa gaal leehum, “Maktuub fi_l Kitaab, Beeti bikuun beet le_ṣ ṣala, laakin intu vamaltuuhu maḥall le_l ḥaraamiyya.”

⁴⁷ Wa kaan bivallim kullu yoom fi_l heekal. Laakin al gusus al kubaar wa muvallimiin al gaanuun wa ru’asaa_n naas kaanu vaawziin yaktuluuhu.

⁴⁸ Laakin maa ligu ṭariig vashaan yavmilu da, vashaan kullu_n naas kaanu yaxallu baalum le kalaamu.