Luuga 14 - Kitaab al Vahd aj Jadid 1978

YASUUV FI BEET AL FARRIISI

¹ Wa lamma Yasuuv daxal beet waaḥid min ru’asaa al Farriisiyyiin fi yoom as sabit vashaan yaakul, kaanu yavaayinu leehu shadiid.

² Wa shuuf! kaan giddaamu raajil vaiyaan, wa jismu kullu waram.

³ Wa Yasuuv gaal le muvallimiin al gaanuun wa_l Farriisiyyiin, “Ash shifa fi yoom as sabit be_l gaanuun walla laa?”

⁴ Wa sakatu. Wa Yasuuv masaku wa shafaahu wa xallaahu yamshi.

⁵ Wa gaal leehum, “Minu minnakum iza kaan ḥumaaru walla tooru wagav fi_l biir, maa biṭallivu ṭawwaali fi yoom as sabit?”

⁶ Wa maa gidru yaruddu kilma van da.

⁷ Wa vallam al mavzuumiin be masal lamma shaaf keef kaanu yaxtaaru_l maḥallaat al awwalaaniyya, wa gaal leehum,

⁸ “Iza kaan zool vazamak le vazuumat al viris, maa tagvud fi_l kursi al awwalaani, vashaan yimkin zool akbar kaan mavzuum.

⁹ Wa_l vazamak biji wa yaguul leek, Xalli maḥallak le_r raajil da. Wa bavdeen bitkuun xajlaan lamma tamshi taaxud al maḥall al axiir.

¹⁰ Laakin lamma inta mavzuum, amshi agvud fi_l maḥall al axiir, vashaan lamma_l vazamak biji, yaguul leek, Yaa ṣaaḥbi, Itfaḍḍal giddaam. Wa vala kida al gaavidiin mavaak fi_ṭ ṭarabeeza biḥtarimuuk.

¹¹ Vashaan kull al birfav nafsu, binazziluuhu tiḥit. Wa_l binazzil nafsu tiḥit, birfavuuhu foog.”

¹² Wa Yasuuv gaal le siid al beet, “Iza kaan vamalta ghada walla vasha, maa tanaadi aṣ‐ḥaabak, wa laa axwaanak, wa laa_n naas al gariibiin minnak, wa laa jeeraanak al ghaniyyiin, vashaan yimkin hum kamaan bivzamuuk wa bitkuun vindak ujra minnahum.

¹³ Laakin lamma tavmil vazuuma, avzim al masaakiin, wa_n naas al makassariin, wa_l vuruj, wa_l vamyaaniin.

¹⁴ Wa bitkuun mubaarak, vashaan maa vindahum al birajjivuuhu leek, wa inta bitaaxud ujratak yoom giyaamat al baarriin.”

MASAL AL VAZUUMA_L KABIIRA

¹⁵ Waaḥid min al kaan gaavid mavaahu fi_ṭ ṭarabeeza, lamma simiv kida, gaal leehu, “Yaa mubaarak al yaakul veesh fi malakuut Allaah.”

¹⁶ Wa gaal leehu, “Kaan fih raajil vamal vasha kabiir wa vazam naas kutaar.

¹⁷ Wa rassal xaddaamu fi saavat al vasha, vashaan yaguul le_n naas al mavzuumiin, Tavaalu, vashaan kullu shi jaahiz.

¹⁸ Wa kulluhum ibtadu be fikr waaḥid ’an yawarru sabab vashaan maa yamshu. Wa_l awwalaani gaal, Ana ishtareet ziraava, wa laazim amshi ashuufa. Baṭlub minnak taxalliini.

¹⁹ Wa taani gaal, Ishtareet vashara teeraan, w_amshi bajarribum. Baṭlub minnak taxalliini.

²⁰ Wa taani gaal, Ana itzawwajta mara, wa vashaan kida maa bagdar aji.

²¹ Wa_l xaddaam ja wa xabbar siidu be_l ḥaṣal. Bavdeen siid al beet zivil wa gaal le xaddaamu, Amrug be surva fi sikak al madiina, wa jiib al masaakiin wa_l makassariin wa_l vamyaaniin wa_l vuruj.

²² Wa gaal al xaddaam, Yaa saiyidi, vamalta zei maa amarta, wa lissav fih maḥall.

²³ Wa_s siid gaal le_l xaddaam, Amrug fi_s sikak wa_d duruub, wa avmilum be guwwa yadxulu, lighaayat beeti bikuun malyaan.

²⁴ Vashaan aguul leekum, Wa laa waaḥid min an naas al vazamtahum biḍuug al vasha bitaavi.”

²⁵ Wa naas kutaar mashu mava Yasuuv. Wa hu itlafat, wa gaal leehum,

²⁶ “Iza kaan zool ja leiya, wa maa yakrah abuuhu wa ummu wa maratu wa awlaadu wa axwaanu wa axwaatu wa lighaayat nafsu kamaan, hu maa bigdar yakuun tilmiizi.

²⁷ Wa aiyi waaḥid al maa bishiil ṣaliibu wa yatbavni, maa bigdar yakuun tilmiizi.

²⁸ Iza waaḥid minnakum vaawiz yabni beet vaali, (?) hu maa bigvud fi_l awwal wa biḥsib tamanu, vashaan yashuuf iza kaan vindu kifaaya vashaan yakammilu?

²⁹ Vashaan iza maa yavmil kadi, bavd maa yaxuṭṭ al asaas wa maa bigdar yakammilu, kull al bishuufuuhu yabtadu yaḍḥaku valeehu,

³⁰ wa yaguulu, Ar raajil da ibtada yabni beet vaali wa maa gidir yakammilu.

³¹ Shinu iza malik yamshi yaḥaarib malik taani? (?) Hu maa bigvud fi_l awwal, wa bishaawir iza kaan bigdar be vasharat alaaf raajil yagaabil al biji ḍiddu be vishriin alf?

³² Wa iza maa bigdar, lamma daak lissav baviid, birassil muraasaliin vashaan yavmilu salaam.

³³ Wa vala kida, aiyi zool minnakum al maa bixalli kull al vindu, maa bigdar yakuun tilmiizi.

³⁴ Vala kida, al miliḥ kwaiyis, wa laakin iza kaan al miliḥ yabga masiix, keef tarajjiv leehu ḍoogu?

³⁵ Maa fih faaida minnu, maa le_l arḍ wa laa le_z zibla. Laakin birmuuhu barra. Al vindu iḍneen xalliihu yasmav.”