Luuga 1 - Kitaab al Vahd aj Jadid 1978

MAGADDAMA

¹ Naas kutaar axadu vala nufuusum ’an yaktibu van al ḥaajaat at tammat beenana.

² Wa_n naas ash shaafooha be vuyuunum min al awwal wa kaanu xaddaamiin al kilma sallamooha leena.

³ Wa bavd maa fattashta vala kullu shi min al awwal, ḥaaja be ḥaaja, iftakarta ’innu kwaiyis ’an aktib leek be tartiib, yaa Taawufiilus al vaziiz,

⁴ vashaan tavrif be_t tamaam ḥagiigat al ḥaajaat al xabbarook beeha be_l kalaam.

NUBUWWAT WILAADAT YUUḤANNA

⁵ Fi zaman Hiiruudus, malik al Yahuudiyya, kaan fih gassiis ismu Zakariyya min gism Abiyya, wa maratu min banaat Haruun isima Iliiṣaabaat.

⁶ Wa hum al itneen kaanu vaadiliin giddaam Allaah, maashiin ḥasab awaamir ar Rabb kullaha wa fi kullu gawaaniinu biduun loom.

⁷ Wa maa kaan vindahum walad, vashaan Iliiṣaabaat kaanat vaagir, wa kaanu hum al itneen kubaar fi_s sinn.

⁸ Wa lamma Zakariyya kaan yaxdim zei gassiis giddaam Allaah fi door gismu,

⁹ zei vaadat xidmat al gassiis, ja dooru vashaan yadxul heekal ar Rabb wa yaḥrig al baxuur.

¹⁰ Wa_n naas kulluhum kaanu biṣallu barra saavat al baxuur.

¹¹ Wa ẓahar leehu malaak ar Rabb waagif vala yamiin maḍbaḥ al baxuur.

¹² Wa lamma Zakariyya shaafu, itvajjab wa xaaf.

¹³ Wa_l malaak gaal leehu, “Maa taxaaf, yaa Zakariyya, vashaan ar Rabb simiv aṣ ṣala bitaavak, wa maratak Iliiṣaabaat bitalid leek walad, wa bitsammiihu Yuuḥanna.

¹⁴ Wa inta bitkuun mabsuuṭ wa farḥaan, wa naas kutaar bikuunu mabsuuṭiin be wilaadtu.

¹⁵ Vashaan huwa bikuun vaẓiim giddaam ar Rabb, wa maa bishrab xamur walla mariisa abadan, wa bikuun malyaan be_r Ruuḥ al Gudus wa huwa lissav fi baṭn ummu.

¹⁶ Wa birajjiv kutaar min bani Israa’iil le_r Rabb Ilaahum.

¹⁷ Wa bimshi giddaamu be ruuḥ Iiliyya wa be gudratu, vashaan yarajjiv guluub al waalideen le_l awlaad, wa_n naas al maa biṭiivu le ḥikmat al baarriin, vashaan yaḥaḍḍir le_r Rabb naas jaahiziin.”

¹⁸ Wa Zakariyya gaal le_l malaak, “Keef bavrif da? wa ana raajil vajuuz wa marati kabiira fi_s sinn.”

¹⁹ Wa_l malaak radda wa gaal leehu, “Ana Jibraa’iil al waagif giddaam Allaah, wa ana murassal vashaan akallimak wa abashshirak be da.

²⁰ Wa shuuf, inta bitkuun abkam wa maa tagdar titkallam lighaayat al yoom al yaḥṣal fiihu_l ḥaaja di, vashaanak maa ṣaddagta kalaami al bitimm fi waktu.”

²¹ Wa_n naas kaanu muntaẓiriin Zakariyya, wa mitvajjibiin vashaan it’axxar fi_l heekal.

²² Wa lamma marag, maa gidir yakallimum, wa hum fihmu ’innu shaaf ru’ya fi_l heekal. Wa kaan yavmil valaama leehum wa istanna abkam.

²³ Wa bavd maa tammat aiyaam xidmatu, rajav le beetu.

²⁴ Wa bavd al aiyaam deelaak, Iliiṣaabaat maratu ḥimlat, wa dassat nafsa xamsa shuhuur, wa gaalat,

²⁵ “Ar Rabb vamal leiya kida fi_l wakit da lamma vaayan leiya, vashaan yashiil veebi min been an naas.”

NUBUWWAT WILAADAT YASUUV

²⁶ Wa bavd sitta shuhuur Allaah rassal Jibraa’iil al malaak le madiina fi_j Jaliil isima Naaṣira,

²⁷ le vazra maxṭuuba le raajil min beet Daawuud ismu Yuusif. W_ism al vazra Maryam.

²⁸ Wa_l malaak daxal leeha wa gaal, “Salaam leeki, inti mubaaraka. Ar Rabb mavaaki!”

²⁹ Wa hiya itḥayyarat jiddan min kalaamu, wa fakkarat fi mavna_s salaam da.

³⁰ Wa_l malaak gaal leeha, “Maa taxaafi, yaa Maryam, vashaan ligiiti nivma mava Allaah.

³¹ Wa shuufi! inti bitaḥmali wa bitalidi walad, wa bitsammiihu Yasuuv.

³² Wa hu bikuun vaẓiim, wa bisammuuhu Ibn Allaah. Wa_r Rabb al Ilaah yaddiihu kursi Daawuud abuuhu.

³³ Wa bimlik vala beet Yavkuub le_l abad. Wa mulku maa bixlaṣ.”

³⁴ Wa Maryam gaalat le_l malaak, “Keef yakuun da, wa ana maa vaarfa raajil?”

³⁵ Wa_l malaak radda wa gaal leeha, “Ar Ruuḥ al Gudus biji valeeki, wa gudrat al vaali taḍallilik. Wa vashaan kida al gudduus al mawluud minnik bisammuuhu Ibn Allaah.

³⁶ Wa shuuf! Iliiṣaabaat nasiibtik! hiya kamaan ḥimlat be walad. Wa hiya kabiira fi_s sinn. Wa hassav sitta shuhuur le diik as sammooha vaagir.

³⁷ Vashaan maa fih shi maa mumkin vind Allaah.”

³⁸ Wa gaalat Maryam, “Shuuf! Ana xaddaamat ar Rabb. Allaah yatimm leiya zei kalaamak.” Wa bavdeen al malaak marag min vindaha.

³⁹ Wa gaamat Maryam fi_l aiyaam deelaak wa mashat gawaam le arḍ aj jibaal le madiina fi Yahuuda.

⁴⁰ Wa daxalat beet Zakariyya wa sallamat vala Iliiṣaabaat.

⁴¹ Wa wakit Iliiṣaabaat simivat salaam Maryam, aj jana itḥarrak fi baṭna, wa Iliiṣaabaat itmalat be_r Ruuḥ al Gudus.

⁴² Wa koorakat be ṣoot vaali wa gaalat, “Mubaaraka inti fi_n niswaan, wa mubaarak huwa aj jana.

⁴³ Wa keef umm Rabbi taji leiya?

⁴⁴ Wa wakit maa simivta ṣoot salaamik, aj jana itḥarrak fi baṭni min al faraḥ.

⁴⁵ Wa mubaaraka aṣ ṣaddagat, valashaan al kalaam al gaal leeha_r Rabb bitimm.”

⁴⁶ Wa Maryam gaalat, “Be nafsi aḥmad ar Rabb.

TARTIILAT MARYAAM

⁴⁷ Wa ruuḥi mabsuuṭa be Allaah Muxalliṣi.

⁴⁸ Vashaan vaayan le xaddaamtu_l miskiina. Wa shuuf, min hassav an naas kulluhum bisammuuni_l mubaaraka.

⁴⁹ Vashaan huwa al vindu gudra sawwa leiya ḥaajaat kabiira, wa ismu gudduus.

⁵⁰ Wa raḥmatu min jiil le jiil le_n naas al bixaafuuhu.

⁵¹ Wa hu warra gudratu be iidu_l gawwiyya, wa shattat fikr al mitkabbiriin.

⁵² Wa nazzal as salaaṭiin min karaasiihum, wa rafav al masaakiin.

⁵³ Wa shabbav aj javaaniin be ḥaajaat kwaisa, wa rajjav al ghaniyiin biduun ḥaaja.

⁵⁴ Wa saavad xaddaamu Israa’iil vashaan yitzakkar raḥmatu.

⁵⁵ Zei maa kallam abahaatna, le Ibraahiim wa awlaadu le_l abad.”

⁵⁶ Wa Maryam istannat mava Iliiṣaabaat talaata shuhuur tagriiban, wa bavd kida rajavat le beeta.

WILAADAT YUUḤANNA

⁵⁷ Wa muddat Iliiṣaabaat tammat vashaan talid, wa wildat walad.

⁵⁸ Wa jiiraana wa agaariba simivu ’innu_r Rabb warraaha raḥmatu_l kabiira, wa kaanu mabsuuṭiin mavaaha.

⁵⁹ Wa bavd tamaanyat aiyaam jo vashaan yaṭahhiru_l walad. Wa daaru yasammuuhu be ism abuuhu Zakariyya.

⁶⁰ Wa ummu raddat wa gaalat, “Laa, laakin yasammuuhu Yuuḥanna.”

⁶¹ Wa gaalu leeha, “Maa fih zool min agaaribik as sammoohu be_l ism da.”

⁶² Wa vamalu valaama le abuuhu yaṭlubu yasammiihu shinu.

⁶³ Wa huwa ṭalab looḥ al kitaaba wa katab, “Ismu Yuuḥanna.” Wa kullahum itvajjabu.

⁶⁴ Wa ṭawwaali xashmu infataḥ wa lisaanu itfakk, wa itkallam wa baarak Allaah.

⁶⁵ Wa xoof wagav vala jiiraanum kullahum, wa_l xabar van al ḥaajaat di masha fi kullu jibaal al Yahuudiyya.

⁶⁶ Wa kull as simivu, ḥafaẓu_l kalaam da fi guluubum wa gaalu, “Al walad da bikuun shinu?” Wa iid ar Rabb kaanat mavaahu.

⁶⁷ Wa Zakariyya abuuhu itmala be_r Ruuḥ al Gudus, wa itnabba wa gaal,

TARTIILAT ZAKARIYYA

⁶⁸ “Mubaarak ar Rabb Ilaah Israa’iil vashaan zaar shavbu wa vamal leehum fidaa.

⁶⁹ Wa gawwam leena garn al xalaaṣ fi beet Daawuud xaddaamu.

⁷⁰ Zei maa itkallam be xashum anbiyaahu_l giddiisiin al kaanu min zamaan,

⁷¹ xalaaṣ min vudwaanna wa min iideen kull al bikrahuuna.

⁷² Vashaan yavmil raḥma mava abahaatna, wa itzakkar ittifaagu_l magaddas.

⁷³ Al ḥalaf al ḥalaf le Ibraahiim abuuna

⁷⁴ ’Innu yaxalliṣna min iideen vudwaanna vashaan naxdimu biduun xoof,

⁷⁵ be gadaasa wa birr giddaamu kullu aiyaam ḥayaatna.

⁷⁶ Wa inta, yaa walad, bisammuuk nabi_l vaali, vashaan titgaddam giddaam ar Rabb wa yaḥaḍḍir ṭurugu.

⁷⁷ Wa taddi naasu mavrifat al xalaaṣ be ghufraan xaṭaayaahum,

⁷⁸ be waasiṭat raḥmat Allaah al beeha taṭlav leena ash shamish min as sama

⁷⁹ vashaan yanawwir vala_l gaavidiin fi_ḍ ḍalaam wa fi ḍull al moot, vashaan yasuug kirveenna fi ṭariig as salaam.”

⁸⁰ Wa_l walad kibir, wa biga gawwi fi_r ruuḥ. Wa kaan fi_l xala lighaayat yoom ẓuhuuru le Israa’iil.